Mishe 7:16 - Mbeti ti Nzapa - Tënë so amu fini

¹⁶ Fade amara nde ayeke baa aye ni na le ti ala, kamene ayeke gbu le ti ala, ataa so ala yeke na ngangu mingi. Ala yeke hinga tënë so ala yeke tene pepe, ala yeke yeda ti ma tënë oko pepe.

Mishe 7:16 ပူးပေါင်းရင်းမြစ်များ

Mbeti ti Job 21:5

Ala baa mbi nzoni: fade li ti ala ayeke kpe kue si tënë ayeke hunzi na yanga ti ala.

Mbeti ti Job 40:4

Mbi yeke ti mbi ye oko pepe. Tënë ti nyen laa mbi lingbi ti kiri ni na mo? Tënë ahunzi na yanga ti mbi awe.

Abia (Psaumes) 126:2

Tongaso yanga ti e kue gi na ngia, bia ti songo benda na yanga ti e. Azo ti amara nde atene: “KOTA GBIA asara kota ye mingi ndali ti ala!”

Amato 30:32

Tongana mo sara ye ti buba na lege ti pikango kate ti mo, me na pekoni mo gbu li ti mo daa, ayeke nzoni mo kiri mo zi yanga ti mo ti tene tënë pepe.

Ésaïe 26:11

KOTA GBIA, mo yo maboko ti mo na nduzu ti pika ala, me ala baa ni pepe. Fade ala yeke baa so mo yeke na nzara mingi ti sara na azo ti mo, tongaso kamene ayeke gbu le ti ala. Wâ so a leke ndali ti awato ti mo ayeke gbi azo ni.

Ésaïe 52:15

Me fadeso, li ti azo ti mara mingi akpe ndali ti lo, tënë ahunzi na yanga ti agbia. Biani, ye so a tene ando tënë ni na ala pepe, ni laa ala yeke baa ni; ye so ala ma ando tënë ni pepe, ni laa ala yeke baa ni.”

Ésaïe 66:18

*KOTA GBIA atene: “Mbi hinga ye so ala yeke sara nga na tënë ti be ti ala. Lango ni alingbi awe ti bongbi amara kue na azo ti ayanga ti kodro kue. Ala yeke ga ti baa gonda ti mbi.

Ezekiel 38:23

Tongaso, fade mbi yeke fa na gba ti amara nde so mbi yeke kota, mbi yeke nde si mbi yeke nzoni kue. Tongaso, fade ala yeke hinga atene, mbi laa mbi yeke KOTA GBIA.”

Mishe 3:7

Fade kamene ayeke sara azo ti bango nda ti aye, li ti azo so ayeke gi nda ti aye ayeke ga kirikiri; ala kue ayeke honde le ti ala, ngbanga ti so Nzapa ayeke kiri tënë na ala pepe.

Mishe 5:8

“Sara bira na awato ti mo, mo fâ ala kue!”

Aggée 2:22

Mbi yeke kinda mbata ti agbia si mbi yeke zi ngangu ti akodro-gbia ti amara; mbi yeke kinda apusu ti mbarata na azo ti kpengo na ni; ambarata na azo ti kpengo na ambarata ni ayeke ti. Zo oko oko ayeke fâ mba ti lo na yongoro zeme.

Zakarii 12:9

*KOTA GBIA atene: “Na lango ni so, mbi yeke sara kue ti fâ amara so kue ti hunzi ala; amara so ayeke ga ti tiri bira na azo ti Jérusalem.

Rome 3:19

E hinga so atënë ti *Ndia kue abaa azo so ayeke na gbe ti Ndia. Tongaso si zo oko awara tënë ti kiringo na ni pepe si na le ti Nzapa, ngbanga ayeke na li ti azo ti dunia kue.

Aye so Nzapa afa 11:18

Amara nde asara ngonzo, me ndembe ti ngonzo ti mo asi awe, ndembe titene a fâ ngbanga na li ti azo so akui awe. So ayeke ndembe ti mungo futa na azo ti kua ti mo, awayanga-Nzapa, ala na azo ti mo so ayeke kpe mbeto ti mo, akete zo na akota zo. So ayeke ndembe ti bubango azo ti bubango sese.”