Mishe 3:1 - Mbeti ti Nzapa - Tënë so amu fini

¹ Nilaa mbi tene: “Ala amakonzi ti *ahale ti Jacob, ala azo so ayeke na li ti azo ti Israel, ala ma si! Ala laa alingbi fade ti hinga fango ngbanga na lege ti ndia pepe?

Mishe 3:1 ပူးပေါင်းရင်းမြစ်များ

Néhémie 13:17

Mbi suku na akota zo ti sese ti Juda, mbi tene: “Ala baa sioni ye so ala yeke sara so? Ala sara si lango ti wungo tere aga sioni!

Abia (Psaumes) 14:4

KOTA GBIA atene: “Azo so kue ayeke sara sioni so, ala hinga ye oko pepe? Ala yeke te azo ti mbi na mbana tongana ti so ala yeke te kobe ti ala, ala ke ti hunda ye na mbi.”

Ésaïe 1:10

Ala amakonzi so akpa ala ti Sodome, ala ma tënë ti *KOTA GBIA si! Ala azo so akpa azo ti Gomore, ala dingi mê ti ala, ala ma tënë ti Nzapa ti e.

Ésaïe 10:2

Ala yeke kanga lege titene a fâ ngbanga ti asenge zo na legeni, ala yeke gbanzi azo ti mbi so ayeke awayere na ye so ayeke ti ala. Ala yeke te awali-mua, ala yeke nzi aye ti anyindu.

Ezekiel 22:6

“Na ndo ti mo, makonzi oko oko ti Israel ayeke luti na ndö ti komandema so lo yeke na ni ti tuku mene.

Ezekiel 34:2

“*Molenge ti zo, tene peko ti tënë ti yanga ti mbi na tere ti awabatango-zo ti Israel. Tene peko ti tënë ti yanga ti mbi na tere ti ala, mo tene: Tënë so Kota Gbia NZAPA atene ayeke so: Mawa na awabatango-zo ti Israel! Ala yeke gi kobe gi ndali ti ala wani! Awabatango-taba alingbi fade ti gi kobe ndali ti ataba pepe?

Ezekiel 34:3

Ti ala, ala yeke te mafuta ti ataba ni, ala yeke yu bongo so a sara na kua ti tere ti ataba ni, ala yeke fâ ataba so akono nzoni; me ala yeke gi kobe ndali ti ataba ni pepe.

Ezekiel 9:9

KOTA GBIA akiri tënë na mbi, atene: “Sioni ti azo ti Israel na ti azo ti Juda ayeke kota ahon ndoni; mene asi singo na ya ti kodro ni, sarango ngangu na azo asi singo na ya ti gbata ni. Biani, azo ni ayeke tene: ‘KOTA GBIA ado kodro ni azia awe, lo lingbi ti baa e oko pepe.’

Osée 5:1

*KOTA GBIA atene: “Ala awayango-sandaga, ala ma tënë so, ala azo ti Israel, ala duti kpoo, ala ma tënë so, ala asewa ti gbia, ala dingi mê ti ala, ala ma tënë so: ala laa alingbi fade ti fâ ngbanga mbirimbiri, me kâ na Mispa, ala ga tongana kuku, ala ga tongana gbanda so a zia na ndö ti hoto ti Tabor;

Amos 4:1

Ala awali ti gbata ti Samarii, ala so akono tongana amama ti bagara ti Bashan so, ala ma tënë so: ala yeke te ye ti azo ti mawa na mbana, ala yeke sara pasi na awayere. Na pekoni, ala yeke tene na akoli ti ala: “Ala ga na samba, e nyon-oo!”

Amos 6:1

Mawa na ala, azo so alango kpoo na gbata ti *Sion! Mawa na ala, azo so alango na ndö ti hoto ti Samarii si ala baa atene, mbeni sioni ye ti sarango ala ayeke daa pepe so! Azo ayeke baa ala tongana akota zo mingi na popo ti amara si azo ti Israel ayeke ga gi na mbage ti ala!

Mishe 2:13

Lo so lo yeke zi lege, lo yeke tambula na dawa ti ala; a zi ala awe, ala hon yanga ti gbagba ni awe si ala sigigi awe. KOTA GBIA so ayeke Gbia ti ala laa amu li ti tambula ti ala ni.”

1 Korente 6:5

Mbi tene tënë so ti bi kamene na le ti ala. Na popo ti ala, mbeni zo ti ndara ti fâ ngbanga ti atënë na popo ti a-ita ti lo, azo ti Christ, ayeke daa pepe?

Ndia ti fani use ni 16:18

Moïse atene: Ala azo ti Israel, na ya ti agbata so kue *KOTA GBIA Nzapa ti ala ayeke mu na ala, fade ala yeke soro na ya ti mara ti ala oko oko, awafango-ngbanga na akota zo ti tere ti ala; fade ala yeke fâ ngbanga ti azo ti mara ni na legeni.