Matthieu 9:14 - Mbeti ti Nzapa - Tënë so amu fini

¹⁴ Adisiple ti Jean-Baptiste aga nduru na tere ti Jésus si ala hunda lo, atene: “E na *afarizien, e yeke ke kobe ti sambela. Ngbanga ti nyen si adisiple ti mo ayeke ke kobe pepe so?”

Matthieu 9:14 ပူးပေါင်းရင်းမြစ်များ

Amato 20:6

Azo mingi ayeke gonda tere ti ala atene, ani yeke nzoni; me zo wa laa alingbi ti wara zo so lo lingbi ti zia be ti lo na ndö ti lo?

Matthieu 11:2

Andaa Jean-Baptiste angba na da ti kanga, lo ma tënë ti aye so Christ asara. Tongaso lo tokua ambeni disiple ti lo

Matthieu 6:16

“Tongana ala yeke ke kobe ti sambela, ala duti na vundu pepe tongana ti azo so tënë ti yanga ti ala ayeke nde na sarango ye ti ala: azo ni ayeke sara le ti ala kirikiri ti fa na azo atene, ala yeke ke kobe ti sambela. Mbi tene na ala taa-tënë: azo ni awara ti ala futa ni awe.

Matthieu 9:15

Jésus akiri tënë na ala: “Azo so a tisa ala na matanga ti mungo tere ti koli na wali, fade ala lingbi ti duti na vundu na ndembe so koli ni ade na popo ti ala? Oko pepe! Me ambeni lango ayeke ga so fade a yeke mu koli ni na popo ti ala, a hon na lo; na ngoi ni so laa fade ala yeke ke kobe.

Jean 3:25

Andaa papa alondo na popo ti adisiple ti Jean na mbeni zuife na ndö ti tënë ti *sukulango sioni.

Jean 4:1

*Afarizien ama so Jésus ayeke sara si azo mingi aga adisiple si lo yeke batize nga azo mingi ahon Jean.