Matthieu 25:46 - Mbeti ti Nzapa - Tënë so amu fini

⁴⁶ Fade asioni zo so ayeke gue na ngbanga so angba lakue lakue si azo ti mbirimbiri ayeke gue ti duti na fini so angba lakue lakue.”

Matthieu 25:46 ပူးပေါင်းရင်းမြစ်များ

Daniel 12:2

Azo mingi so alango na ndo ti akuâ ayeke zingo: ambeni ayeke zingo ti duti na fini so angba lakue lakue si ambeni ayeke zingo ti wara kamene nga ti baa pasi so ayeke sioni mingi lakue lakue.

Matthieu 13:43

Me fade azo ti mbirimbiri ayeke za zango tongana lâ na ya ti Kodro-gbia ti yayu, lo so lo yeke Babâ ti ala. Zo so ayeke na mê ti mango ndo, ayeke nzoni lo ma tënë so!”

Matthieu 19:16

Mbeni koli aga nduru na tere ti Jésus si ahunda lo, atene: “Wafango-ye, nzoni ye ti nyen laa mbi lingbi ti sara titene mbi wara fini so angba lakue lakue?”

Matthieu 19:29

Zo so kue azia ada ti lo, a-ita ti lo ti koli, a-ita ti lo ti wali, babâ ti lo, mama ti lo, amolenge ti lo na ayaka ti lo ndali ti mbi, fade lo yeke wara aye so fani ngbangbo oko ahon aye so lo zia si lo yeke wara fini so angba lakue lakue.

Matthieu 25:41

“Na pekoni, fade Gbia ni ayeke tene na azo so ayeke na mbage ti maboko ti lo ti wali: ‘Ala hon yongoro na tere ti mbi, ala so Nzapa adeba ala awe so! Ala gue na ya ti kota wâ so ayeke gbi lakue lakue, so a leke ni ndali ti Zabolo na *a-ange ti lo.

Matthieu 25:45

Fade Gbia ni ayeke kiri tënë na ala: ‘Mbi tene na ala taa-tënë: lakue so ala sara ye so na asenge zo so pepe, andaa ala sara ni nga na mbi pepe.’

Nzoni Tënë so Luc asu na mbeti 16:26

Na ndö ni kue, mbeni *kota du so alinda mingi ayeke na popo ti e na ala. Tongaso, azo so aye ti londo ge ti gue na mbage ti ala kâ, ala lingbi ti gue pepe; zo so ayeke na mbage ti ala kâ alingbi nga ti ga na mbage ti e ge pepe.’

Jean 17:2

Mo mu na lo ngangu ti sara komandema na ndö ti azo kue. Tongaso si lo mu fini so angba lakue lakue na azo so kue mo mu ala na lo.

Jean 3:36

Zo so ama na be na Molenge ni, lo yeke na fini so angba lakue lakue; zo so ake ti ma na be na Molenge ni, fade lo yeke na fini so pepe, me ngonzo ti Nzapa angba na ndö ti lo.”

Jean 4:14

me zo so ayeke nyon ande ngu so mbi yeke mu na lo, nzara ti ngu ayeke kiri ti sara lo pepe. Ngu so mbi yeke mu na lo ayeke ga li ti ngu so fini so angba lakue lakue ayeke sigigi daa.”

Jean 5:24

“Biani, mbi tene na ala taa-tënë: zo so ama tënë ti mbi si lo ma na be na lo so atokua mbi, lo yeke na fini so angba lakue lakue. A yeke fâ ngbanga na li ti lo pepe, me lo sigigi na ya ti kuâ awe si lo yeke na fini.

Jean 5:29

si ala yeke zingo na kuâ. Azo so asara aye ti nzoni, fade ala yeke zingo na kuâ ti kiri ti duti na fini; me azo so asara aye ti sioni, ala yeke zingo na kuâ titene a fâ ngbanga na li ti ala.

Jean 6:27

Ayeke nzoni ala sara kua ndali ti kobe so ayeke buba pepe, me ndali ti kobe so ayeke ngba si ayeke mu na zo fini so angba lakue lakue. *Molenge ti Zo laa ayeke mu ande na ala kobe ni so, ngbanga ti so Babâ, lo so lo yeke Nzapa wani laa amu na lo ngangu ni.”

Jean 6:40

Ye so be ti Babâ ti mbi aye ayeke so: zo so kue abaa Molenge ni si ama na be na lo, lo yeke na fini so angba lakue lakue; fade mbi, mbi yeke zingo lo na kuâ na lango ti ndani.”

Awatokua 13:46

Tongaso Paul na Barnabas akiri atene na ala polele, atene: “Ala fade laa, e lingbi ti fa tënë ti Nzapa na ala kozoni. Me ndali ti so ala ke ni awe si ala wani abaa tere ti ala atene, fini so angba lakue lakue, ala lingbi na ni pepe, e yeke zia ala ti gue na mbage ti azo ti amara nde.

Awatokua 13:48

So azo ti amara nde ama tënë so, be ti ala asi na ngia si ala gonda tënë ti Kota Gbia. Ala so a soro ala ti wara fini so angba lakue lakue, ala ma na be.

Awatokua 24:15

Mbi zia be ti mbi ti ku mbeni ye na mbage ti Nzapa, azo so ayeke bi tënë na li ti mbi ayeke ku nga ni: fade azo ti mbirimbiri na azo ti sioni ayeke zingo na kuâ.

Rome 5:21

Siokpari ayeke lani na ngangu na ndö ti kuâ; legeoko nga, nzoni be ti Nzapa ayeke na ngangu ti mu fini so angba lakue lakue na lege ti Jésus Christ, *Kota Gbia ti e.

Rome 6:23

Biani, futa ti siokpari ayeke kuâ; me nzoni ye so Nzapa ayeke mu na zo senge senge ayeke fini so angba lakue lakue, na lege ti gango so e ga oko na Jésus Christ, *Kota Gbia ti e.

Galasii 6:8

Zo so alu ye ndali ti sioni nzara ti be ti lo, fade lo yeke ko lengo ti ye ti nzara ti be, so ti tene kuâ; me so zo alu ye ndali ti Yingo, fade lo yeke ko lengo ti ye ti Yingo, so ti tene fini so angba lakue lakue.

2 Tesalonike 1:9

Ngbanga so a yeke fâ na li ti azo ni ayeke so: Nzapa ayeke buba ande ala lakue lakue, ala yeke duti yongoro na le ti Kota Gbia nga na kota gonda ti lo

1 Jean 2:25

Ye so Christ amu zendo ti mu na e ayeke fini so angba lakue lakue.

Jude 1:21

Ala ngba na lege ti ndoye ti Nzapa. Ala ku titene Kota Gbia ti e Jésus Christ amu na ala fini so angba lakue lakue na lege ti nzoni be ti lo.

Aye so Nzapa afa 20:10

Zabolo so ahanda azo ni so, a bi lo na le ti kota wâ na *sufre, na ndo so nyama ni ayeke daa, lo na nyama so atene mvene atene, ni yeke wayanga-Nzapa so. Fade ala yeke baa pasi bi na lâ, kpu na kpu.

Aye so Nzapa afa 20:15

Tongana a wara iri ti mbeni zo na ya ti mbeti ni pepe, so ti tene mbeti so a su iri ti azo so ayeke na taa fini daa, a yeke bi lo na le ti kota wâ ni.

Aye so Nzapa afa 21:8

Me ti azo ti mbeto, azo so azia lege ti mabe, azo ti sarango asioni ye, azo ti fango zo, azo ti sarango aye ti ndumba, azo ti guengo na gbe ti yoro, azo ti vorongo anzapa nde nga na azo ti mvene kue, ye so a leke ti ku na ala ayeke kota le ti wâ ti *sufre. So laa ayeke kuâ ti use ni.”