Matthieu 25:33 - Mbeti ti Nzapa - Tënë so amu fini

³³ lo yeke zia ataba na mbage ti maboko ti lo ti koli si lo yeke zia angasa na mbage ti maboko ti lo ti wali.

Matthieu 25:33 ပူးပေါင်းရင်းမြစ်များ

1 Agbia 2:19

Batsheba ague, abaa gbia Salomon ti tene tënë ti Adonia na lo. Gbia alondo na ndö ti mbata ti lo ti gbia, lo gue na dawa ti Batsheba, lo kuku, lo kpo li ti lo na sese na dawa ti lo. Na pekoni, lo kiri lo duti na ndö ti mbata ti lo ti gbia. Lo hunda titene a zia mbeni mbata ti gbia na tere ti lo, na mbage ti maboko ti lo ti koli si mama ti lo aduti daa.

Abia (Psaumes) 100:3

Ayeke nzoni ala hinga atene, KOTA GBIA ayeke Nzapa. Lo laa lo sara e si e yeke azo ti lo. E yeke azo ti lo, e yeke tongana ataba ti lo so lo yeke bata ala.

Abia (Psaumes) 110:1

Bia ti David. So tënë ti yanga ti *KOTA GBIA so lo tene na Kota Gbia ti mbi laa: “Duti na mbage ti maboko ti mbi ti koli, mbi yeke sara titene awato ti mo aga tongana mbata ti gbe ti gere ti mo si.”

Abia (Psaumes) 45:9

Abongo ti mo ayeke fun gi yombo ti mire, ti aloes na ti kanele. Kâ na yangbo ti mo so a leke na pembe ti doli, azo ayeke pika mozoko ti zia ngia na be ti mo.

Abia (Psaumes) 79:13

Me ti e so e yeke azo ti mo, e so mo yeke bata e tongana ataba ti mo, fade e yeke mu singila na mo lakue. Fade e yeke he bia ti gonda na mo ngu na ngu.

Abia (Psaumes) 95:7

Biani, lo yeke Nzapa ti e; e yeke azo ti lo so lo yeke bata e, ataba so lo yeke fa lege na ala. Laso, ala ma tënë so lo tene:

Zo ti bongbingo azo 10:2

Gbungo-li ti zo ti ndara ayeke gue na lo na nzoni lege; me gbungo-li ti zo ti buba ayeke gue na lo na sioni lege.

Marc 16:19

Na peko ti so *Kota Gbia Jésus atene tënë so na ala awe, a mu lo, a gue na lo na yayu si lo duti na tere ti Nzapa na mbage ti maboko ti lo ti koli.

Efeze 1:20

Nzapa azingo Christ na kuâ. So Jésus azingo na kuâ awe, Nzapa azia lo ti duti na tere ti lo kâ na yayu na mbage ti maboko ti lo ti koli.

Ahebro 1:3

Gonda ti Nzapa ayeke za na lege ti Molenge ni. Lo yeke taa tongana ti so Nzapa ayeke, lo yeke bata dunia so na ngangu ti tënë ti yanga ti lo. So lo sukula asiokpari ti azo awe, lo gue, lo duti na yayu, na tere ti Nzapa so ngangu ti lo ahon ndoni, na mbage ti maboko ti lo ti koli.