Matthieu 12:33 - Mbeti ti Nzapa - Tënë so amu fini

³³ “Tongana mbeni keke ayeke nzoni, fade lengo ni ayeke nzoni. Tongana keke ni abuba, fade lengo ni nga abuba. Biani, a yeke hinga keke gi na lege ti alengo ti lo.

Matthieu 12:33 ပူးပေါင်းရင်းမြစ်များ

Ezekiel 18:31

Ala bi asioni sarango ye ti ala yongoro, ala sara si be ti ala na yingo ti ala aga fini ni! Ala azo ti Israel, ala ye ti kui ngbanga ti nyen?

Amos 5:15

Ala ke ye ti sioni, ala ye ye ti nzoni. Na le ti ngbanga, ala kiri afâ ngbanga na lege ti ndia; e hinga pepe, fade KOTA GBIA, Nzapa so ayeke na ndö ti dunia kue ayeke baa mawa ti tanga ti azo ti sewa ti Joseph.

Matthieu 23:26

Mo farizien, so mo yeke waziba so! Sukula ya ti kopo ti mo kozoni si fade peko ni nga avuru!

Nzoni Tënë so Luc asu na mbeti 3:9

Fadeso, do ayeke na gunda ti akeke ti de ni: keke so kue ale nzoni lengo pepe, fade a yeke de ni ti bi na le ti wâ.”

Jacques 3:12

A-ita ti mbi, keke ti fige alingbi ti le olive pepe, wala keke ti *vinye alingbi ti le fige pepe. Tongaso nga, nzoni ngu alingbi ti sigigi na ya ti li ti ngu ti ingo pepe.

Jacques 4:8

Ala ga nduru na Nzapa si fade lo yeke ga nduru na ala. Azo ti siokpari, ala *sukula sioni ti ala! Azo ti be use use, ala zi aye ti sioni na be ti ala!