Marc 9:35 - Mbeti ti Nzapa - Tënë so amu fini

³⁵ Tongaso Jésus aduti, lo iri adisiple ti lo baleoko na use si lo tene na ala: “Tongana mbeni zo aye ti duti zo ti li ni, ayeke nzoni lo duti zo ti ndani, lo duti nga zo ti kua ti atanga ni kue.”

Marc 9:35 ပူးပေါင်းရင်းမြစ်များ

Amato 13:10

Kuru baba ayeke sara si papa alondo; me ndara ayeke ye ti azo ti mango wango.

Jérémie 45:5

Ti mo, mo yeke gi lege ti wara akota ye ndali ti mo wani? Mo gi ye oko pepe! Biani, kpale so mbi yeke tokua ni ayeke ti na ndö ti ye so ayeke na fini; so tënë ti yanga ti KOTA GBIA laa. Me ti mo, mbi mu na mo pasa ti soo fini ti mo na ndo so kue mo yeke hon ande daa.’ ”

Matthieu 23:11

Zo so ayeke kota zo na popo ti ala, ayeke nzoni lo ga zo ti sarango kua na ala.

Marc 9:36

Na pekoni, lo mu mbeni kete molenge si lo zia lo, lo luti na le ti ala; lo gbu lo na ya ti maboko ti lo si lo tene na ala:

Nzoni Tënë so Luc asu na mbeti 18:14

Mbi tene na ala: so lo ga ti kiri na da ti lo, lo ga mbirimbiri na le ti Nzapa awe, me farizien ni pepe. Biani, zo so asara tere ti lo tongana kota zo, fade a yeke sara si lo ga kete zo; zo so asara tere ti lo tongana kete zo, fade a yeke sara si lo ga kota zo.”

Nzoni Tënë so Luc asu na mbeti 22:26

Ti ala azo ti mbi, ye ni ayeke tongaso pepe. Me ayeke nzoni zo so ayeke kota zo na popo ti ala ahon atanga ni kue aduti tongana kete zo ahon atanga ni kue; zo so ayeke na komandema, ayeke nzoni lo ga tongana zo ti sarango kua na ala.

Jacques 4:6

Me Nzapa akiri asara na e nzoni be mingi ahon ti so. Biani, Mbeti ti Nzapa atene: “Nzapa ake tënë ti azo ti baba, me lo yeke sara nzoni be na azo so asara tere ti ala kete.”