Marc 6:56 - Mbeti ti Nzapa - Tënë so amu fini

⁵⁶ Na ndo so kue Jésus ayeke hon daa, wala na ya ti agbata, wala na ya ti akete kodro, wala na ya ti akete kodro so ayeke na yanga ti yaka kue, azo ayeke mu azo ti kobela, azia ala na ndö ti abalabala; ala hunda na lo titene lo zia ala ti ndu gi yanga ti kota bongo ti lo. Azo so kue andu lo, tere ti ala aga nzoni.

Marc 6:56 ပူးပေါင်းရင်းမြစ်များ

2 Agbia 13:21

Mbeni lâ, azo ague ti lu mbeni kuâ; mo ye ti baa, ala baa ambeni zo ti nzi ni so. Azo ti lungo kuâ ni abi kuâ ni na ya ti du ti kuâ ti Élisée. Gi so kuâ ni andu abio ti Élisée, zo ni akiri na fini si lo luti na ndö ti gere ti lo.

Wungo ti azo 15:37

*KOTA GBIA atene na Moïse:

Matthieu 14:36

Ala voro lo titene lo zia azo ti kobela ni andu gi yanga ti bongo ti lo. Azo so kue andu ni, tere ti ala aga nzoni.

Matthieu 9:20

Andaa mbeni wali ayeke daa, mene ayeke ga na tere ti lo mingi mingi, asara ngu baleoko na use awe. Lo ga nduru na Jésus na mbage ti peko si lo ndu yanga ti bongo ti Jésus.

Marc 3:10

Biani, azo ti kobela ayeke gbugburu tere ti ala ti ndu Jésus, ngbanga ti so lo kai kobela ti azo mingi.

Marc 6:55

Ala mu loro ague na sese ni kue, ala mu azo ti kobela na ndö ti akelekpa ti ga na ala na lo, na ndo so kue ala ma a tene, Jésus ayeke daa.

Nzoni Tënë so Luc asu na mbeti 22:51

Me Jésus atene: “Ala zia! Alingbi awe!” Lo ndu mê ti koli ni si mê ti lo ni akiri aga nzoni.

Nzoni Tënë so Luc asu na mbeti 6:19

Azo kue ayeke gi lege ti ndu tere ti lo, ngbanga ti so mbeni ngangu ayeke sigigi na ya ti tere ti lo si ayeke sara titene tere ti ala kue aga nzoni.

Nzoni Tënë so Luc asu na mbeti 8:44

Lo ga na mbage ti peko ti Jésus si lo ndu yanga ti bongo ti lo. Gi hio tongaso, kobela ti mene ni akai.

Awatokua 4:12

Zo alingbi ti soo kuâ na lege ti mbeni iri nde pepe, ngbanga ti so na ndö ti dunia kue, mbeni iri nde so Nzapa amu ni na azo titene e soo kuâ na lege ni ayeke daa pepe.”

Awatokua 4:9

a yeke hunda e laso ndali ti nzoni ye so e sara na koli so gere ti lo abuba, a yeke hunda nga e na lege so tere ti lo aga nzoni.

Awatokua 5:15

Azo ayeke sigigi na azo ti kobela na tere ti akota lege, ala zia azo ni na ndö ti agbogbo wala akelekpa titene tongana Pierre ayeke hon, gbe-de ti lo ahon na ndö ti ambeni na popo ti ala.

Ndia ti fani use ni 22:12

Kota bongo so ala yeke bi na ndö ti ala, fade ala yeke mu mbeni kamba ti bongo so nzoroko ni akpa le ti nduzu, ala fu na yanga ni osio kue.