Marc 6:37 - Mbeti ti Nzapa - Tënë so amu fini

³⁷ Jésus akiri tënë na ala: “Ala wani amu kobe na azo ni ti te!” Me ala hunda lo, atene: “Mo ye e gue, e vo mapa alingbi na ale ti nginza ngbangbo use si e mu na ala ti te?”

Marc 6:37 ပူးပေါင်းရင်းမြစ်များ

2 Agbia 7:2

Mbeni turugu ti kota kamba ti gbia ti Israel, lo so lo yeke lakue nduru na tere ti gbia akiri tënë na Élisée, atene: “Ataa KOTA GBIA azi fenetere ti yayu, atënë so mo tene so, fade ayeke ga taa-tënë?” Élisée akiri tënë: “Fade mo yeke baa ye ni na le ti mo, me mo yeke te ande kobe ni pepe.”

Wungo ti azo 11:13

Mbi yeke wara kasa ti nyama na ndo wa ti mu na azo so kue so? Ala yeke toto na tere ti mbi si ala yeke tene: ‘Mu na e kasa ti nyama, e te!’

Matthieu 14:16

Jésus akiri tënë na ala: “Mbi baa ti mbi nzoni titene azo ni ague pepe; ala wani amu kobe na azo ni!”

Matthieu 18:28

Zo ti kua ni asigigi si lo tengbi na mbeni mba ti lo; yongo ti lo ayeke ale ti nginza ngbangbo oko na li ti mba ti lo ni. Lo gbu go ti mba ti lo ni si lo to nda ti pete ni ngangu, lo tene: ‘Futa na mbi yongo ti mbi!’

Marc 6:36

Mo zia lege na azo so ti gue na akete kodro ti yanga ti yaka nga na akete kodro so ayeke nduru ge si ala vo kobe ti te.”

Marc 6:38

Jésus ahunda ala: “Ala yeke na mapa oke? Ala gue, abaa si.” Ala gue, abaa si ala ga atene na lo: “E yeke na mapa oku na asusu use.”

Nzoni Tënë so Luc asu na mbeti 7:41

Jésus atene: “Mbeni zo ayeke daa, nginza ti lo ayeke na li ti azo use. Lo mu na mbeni zo ni ale ti nginza ngbangbo oku na boon si lo mu na mbeni ale ti nginza baleoku.

Nzoni Tënë so Luc asu na mbeti 9:13

Me Jésus atene na ala: “Ala wani amu na ala kobe, ala te!” Ala kiri tënë na lo: “E yeke gi na mapa oku na asusu use. Mo ye e gue, e vo kobe ti tengo ni ndali ti azo so kue so?”