Marc 4:28 - Mbeti ti Nzapa - Tënë so amu fini

²⁸ Gi sese wani laa asara si ye ni asigigi si akono. Kozoni gere ni akono, na pekoni, ale ni asigigi daa; ti hunzi na ni, le ti kobe ni akono nzoni.

Marc 4:28 ပူးပေါင်းရင်းမြစ်များ

Tongo nda ti aye 2:9

KOTA GBIA Nzapa asara titene mara ti akeke nde nde kue asigigi na ya ti yaka ni; akeke ni ayeke pendere ti baa, ale ni anzere ti te. Na be ti yaka ni, Nzapa azia keke so ayeke mu fini na zo, na keke so ayeke sara titene zo ahinga ye so ayeke nzoni na ye so ayeke sioni.

Abia (Psaumes) 1:3

Lo yeke tongana keke so a lu na tere ti ngu: keke so ayeke le na ngoi ti lengo ni, akugbe ti lo angba fini lakue. Aye so kue zo ni ayeke sara ayeke ga nzoni.

Amato 4:18

Lege ti dutingo ti azo ti mbirimbiri ayeke tongana lumiere ti ndaperere, lo yeke su ngbii lo su ngangu ngangu na bekombite.

Zo ti bongbingo azo 3:1

Aye so kue ayeke si na ndö ti sese so, ye oko oko ayeke na ngoi ti lo.

Zo ti bongbingo azo 3:11

Ye so kue Nzapa asara, ye oko oko ayeke pendere na ngoi ti lo. Lo zia na be ti azo tënë ti ye so ayeke ngba lakue lakue. Me zo alingbi ti hinga pepe nda ti ye so Nzapa ato nda ti sarango ni ngbii asi na ndani.

Ésaïe 61:11

Tongana ti so sese asara si kobe asigigi, tongana ti so yaka asara si le ti kobe so a lu asigigi, legeoko nga, fade KOTA GBIA Nzapa ayeke sara titene mbirimbiri na sepelango lo asigigi na dawa ti amara kue.

Osée 6:3

Tongaso, e sara ngangu ti hinga KOTA GBIA. Nyen na nyen kue, lo yeke ga tongana lâ so ayeke sigigi ka na ndaperere; fade lo yeke ga na mbage ti e tongana ngu-Nzapa, tongana tanga ti ngu-Nzapa so ayeke tuku na ndö ti sese.”

Matthieu 13:26

Na ndembe so ale ti kobe ni asigigi si akono, ato nda ti lengo ni, asioni pere ni asigigi nga.

Marc 4:27

Ataa lo lango, ataa lo lango pepe, bi na lâ, le ti kobe ni ayeke sigigi, akono; me lo hinga lege so le ti kobe ni asigigi si akono so pepe.

Marc 4:29

Tongana ale ti kobe ni abe awe, zo ni amu nzenze ti lo ti gue ti fâ ni, ngbanga ti ngoi ti fango le ti kobe ni alingbi awe.”

Filipe 1:6

Mbi hinga biani mbi tene, Nzapa so ato nda ti sara nzoni kua na ya ti fini ti ala, fade lo yeke sara ni ngbii ahunzi na lango ti kiringo ti Jésus Christ.

Kolose 1:10

Tongaso, fade dutingo ti ala ayeke lingbi na ti so be ti *Kota Gbia aye si ala sara ye so anzere na be ti lo. Ye ti peko ni ayeke so ala yeke sara mara ti anzoni ye nde nde si hingango so ala hinga na Nzapa ayeke gue lakue na nduzu.