Marc 2:24 - Mbeti ti Nzapa - Tënë so amu fini

²⁴ Tongaso *afarizien atene na Jésus: “Ngbanga ti nyen si adisiple ti mo ayeke sara ye so *Ndia ake titene zo asara ni na lango ti wungo tere?”

Marc 2:24 ပူးပေါင်းရင်းမြစ်များ

Sigingo 20:10

Me lango mbarambara ni ayeke lango ti wungo tere ndali ti mbi KOTA GBIA, Nzapa ti mo. Na lango ni so, alingbi mo sara kua oko pepe; ataa mo, ataa molenge ti mo ti koli, ataa molenge ti mo ti wali, ataa zo ti kua ti mo ti koli, ataa zo ti kua ti mo ti wali, ataa anyama ti mo, ataa wande so ayeke lango na kodro ti mo.

Sigingo 31:15

Fade ala yeke sara kua ti ala na ya ti lango omene, me lango mbarambara ni ayeke lango ti wungo tere, lango ti wungo tere so a zia nde ndali ti mbi KOTA GBIA. Zo so a yeke sara kua na lango ti wungo tere, fade a yeke fâ lo.

Ésaïe 56:2

Ti lo nzoni, zo so asara ye alingbi na tënë so mbi tene, zo so agbu tënë ni ngangu, zo so asara ye alingbi na *lango ti wungo tere, lo sara si lango ni aga sioni pepe si lo kpe lege ti sarango sioni ye.”

Ésaïe 56:4

Biani, tënë so KOTA GBIA atene ayeke so: “Ambaiwa so ayeke sara ye alingbi na lango ti wungo tere, ala so asoro ti sara ye so anzere na be ti mbi, ala so agbu tënë ti *mbuki ti mbi ngangu,

Ésaïe 56:6

Ti awande so amu tere ti ala na KOTA GBIA ti sara kua na lo, ti ye lo, ti ga azo ti kua ti lo, KOTA GBIA atene: “Ala so kue abata lango ti wungo tere, ala sara si lango ni aga sioni pepe, ala so agbu tënë ti mbuki ti mbi ngangu,

Ésaïe 58:13

*KOTA GBIA atene: “Tongana mo ke ti sara kua na *lango ti wungo tere, mo ke ti sara ye so mo lingbi ti baa nzoni na peko ni na lango so a zia nde ndali ti mbi; tongana mo iri lango ti wungo tere ‘Lango ti ngia’, mo iri *lango ti KOTA GBIA ‘Nengo lango’, tongana mo ne lango ni so, mo ke ti sara kua, mo ke ti sara ye so mo lingbi ti baa nzoni na peko ni, mo ke ti papa,

Matthieu 12:2

So *afarizien abaa tongaso, ala tene na Jésus: “Baa ye! Adisiple ti mo ayeke sara ye so *Ndia ake titene zo asara na lango ti wungo tere!”

Marc 2:16

So Jésus na azo ti rongo nginza ti lapo na azo ti siokpari ayeke te kobe, ambeni *farizien so ayeke awafango-ndia abaa lo si ala hunda adisiple ti lo, atene: “Ngbanga ti nyen si lo yeke te kobe na azo ti rongo nginza ti lapo na azo ti siokpari?”

Marc 2:25

Jésus akiri tënë na ala: “Ye so David asara ando na ndembe so nzara asara lo, lo na azo so amu peko ti lo si ala yeke na ye ti tengo ni pepe, ala diko tënë ni pepe?

Marc 2:7

“Ngbanga ti nyen si koli so ayeke zonga Nzapa tongaso? Zo wa laa alingbi ti zi asiokpari ti azo? Gi Nzapa oko!”

Ahebro 12:3

Ala dabe ti ala na Jésus, na pasi so lo baa na maboko ti azo ti siokpari so ake lo, tongaso si be ti ala awoko pepe si ala zia lege ni pepe.