Marc 14:67 - Mbeti ti Nzapa - Tënë so amu fini

⁶⁷ Lo baa Pierre so ayeke duti na tere ti wâ, lo baa le ti Pierre si lo tene na lo: “Mo nga, mo yeke lani na tere ti Jésus, zo ti kodro ti Nazaret!”

Marc 14:67 ပူးပေါင်းရင်းမြစ်များ

Matthieu 2:23

Lo gue, lo duti na mbeni gbata so iri ni Nazaret. Ye ni asi tongaso titene tënë ti awayanga-Nzapa aga taa-tënë; ala tene ando, atene: “Fade a yeke iri lo, zo ti Nazaret.”

Matthieu 21:11

Gba ti azo ni akiri tënë, atene: “So Jésus laa, wayanga-Nzapa so alondo na Nazaret, na sese ti Galile.”

Marc 1:24

lo tene: “Ti mo na e nyen, Jésus, zo ti Nazaret? Mo ga ti fâ e? Mbi hinga mo, mo yeke zo ti nzoni kue so Nzapa azia mo nde si lo tokua mo.”

Marc 10:47

Gi so lo ma a tene, Jésus ti Nazaret laa ayeke hon so, lo dekongo ngangu, lo tene: “Jésus, Molenge ti David, baa mawa ti mbi!”

Marc 14:54

Pierre ague na peko ti Jésus, me lo yeke gue nduru nduru pepe; lo gue ngbii lo li na ya ti gbagba ti kota wayango-sandaga ni. Kâ, lo na azo ti kua ayeke duti na tere ti wâ.

Jean 18:18

Andaa de ayeke sara, nilaa azo ti kua na aturugu asara wâ si ala yeke duti na tere ni ti tumba de na tere ti ala. Pierre nga ague, aluti na popo ti ala titene tere ti lo amu wâ.

Jean 19:19

Pilate amu yanga titene a su mbeti si a kanga na li ti keke ti kroa ni. Mbeti ni atene: “Jésus, zo ti Nazaret, gbia ti azuife.”

Awatokua 10:38

Ala hinga tënë ti Jésus, zo ti Nazaret, ala hinga lege so Nzapa asoro lo si lo sara si Yingo-Vuru na ngangu aga na ndö ti lo. Nzapa ayeke na lo, nilaa lo tambula na ndo kue, lo sara aye ti nzoni si lo kai akobela na tere ti azo so kue ayeke na gbe ti Zabolo.