Marc 14:65 - Mbeti ti Nzapa - Tënë so amu fini

⁶⁵ Ambeni zo ato nda ti tuku ngu ti yanga ti ala na tere ti lo, ala kanga le ti lo, ala kpo lo na gobo si ala tene na lo: “Sara tongana wayanga-Nzapa: fa na e zo so asara ye so na mo.” Azo ti kua ni amu Jésus si ala pika ngbangba ti lo fani mingi.

Marc 14:65 ပူးပေါင်းရင်းမြစ်များ

2 Mbai 18:23

Tongaso Sidekia, molenge ti Kenaana aga nduru na tere ti Mishe, lo pika ngbangba ti Mishe si lo tene: “Yingo ti KOTA GBIA asigigi na ya ti mbi na lege wa ti gue ti tene tënë na mo so?”

Esther 7:8

Gbia alondo na ndo so a lu apendere kongo daa so si lo kiri, lo ga na kota ya ti da ti tengo kobe ni. Tongaso, lo baa Haman so ati na tere ti Esther na ya ti kota ngende so Esther ayeke daa. Ngonzo ti gbia akiri alondo ngangu si lo dekongo atene: “Na ndö ni kue, lo ye ti gbu wali ti mbi na ngangu ti lango na lo taa na le ti mbi na ya ti yangbo ti mbi?” Gi so lo tene tënë ni tongaso, azo ti kua ti gbia agbu Haman si ala kanga le ti lo na bongo.

Mbeti ti Job 30:10

Be ti ala ake mbi mingi si ala yeke pusu yongoro na tere ti mbi. Ala yeke tuku ngu ti yanga na le ti mbi, tënë ni asara ye oko na ala pepe.

Ésaïe 50:6

Mbi zia peko ti mbi na azo so ayeke pika mbi, mbi yoro ngbangba ti mbi na azo so ayeke gboto kua ti yanga ti mbi. Azo so ayeke zonga mbi si ala yeke tuku ngu ti yanga na le ti mbi, mbi honde le ti mbi na ala pepe.

Ésaïe 52:14

Na bango lo, azo mingi asara mbeto ahon ndoni, ngbanga ti so a buba ndö ti le ti lo; lo kiri lo kpa zo pepe.

Ésaïe 53:3

Azo abaa lo tongana mbumbuse zo, azo ado lo azia. Lo yeke zo so ye aso lo, lo hinga ye so iri ni pasi. Lo kpa zo so mbeni zo alingbi ti baa lo na le fani use pepe. E baa lo tongana mbumbuse zo, e ne lo oko pepe.

Mishe 5:1

*KOTA GBIA atene: “Mo, Betlehem Efrata, mo yeke kete kodro mingi na popo ti akodro ti mara ti Juda. Me zo so ayeke ga gbia ti azo ti Israel, lo yeke sigigi ande na ya ti mo. Nda ti lo ato nda ni ando giriri, yongoro kâ.”

Wungo ti azo 12:14

KOTA GBIA akiri tënë na Moïse: “Tongana babâ ti lo atuku fade ngu ti yanga na le ti lo, ka lo ngba na kamene ni na ya ti lango mbarambara pepe? Alingbi a zi lo na ya ti bâbâ ni na ya ti lango mbarambara. Na pekoni, lo lingbi ti kiri na popo ti ala senge.”

Matthieu 27:30

Ala tuku ngu ti yanga ti ala na tere ti lo, ala mu sosongo ni si ala pika na li ti lo.

Marc 10:34

Ala yeke he lo, ala yeke tuku ngu ti yanga ti ala na tere ti lo, ala yeke pika lo na fimbo si ala yeke fâ lo. Lango ota na pekoni, fade lo yeke zingo na kuâ.”

Marc 15:19

Ala pika li ti lo na sosongo, ala tuku ngu ti yanga ti ala na tere ti lo si ala kuku akpo li ti ala na sese na gbe ti lo.

Jean 18:22

So Jésus atene tënë so, mbeni turugu so ayeke kâ apika ngbangba ti lo si atene na lo: “Lege ti kiringo tënë na kota wayango-sandaga laa?”

Jean 19:3

Ala ga nduru na tere ti lo si ala tene: “E bara mo, gbia ti azuife!” Ala yeke pika ngbangba ti lo.

Awatokua 23:2

Me kota wayango-sandaga Ananias amu yanga na azo so ayeke sara kua na tere ti lo ti pika yanga ti Paul.

Ahebro 12:2

Le ti e angba na ndö ti Jésus. Lo laa lo zi lege ti mabe na e si lo sara titene e ngba na lege ti mabe ni ngbii asi na ndani. Lo yeda si azo afâ lo na ndö ti keke ti kroa, lo sara kamene ti kuâ so lo kui na ndö ti keke ti kroa pepe. Lo yeda ndali ti so lo hinga kozoni so fade lo yeke duti na ngia. Fadeso, lo yeke duti na tere ti mbata ti Gbia Nzapa, na mbage ti maboko ti lo ti koli.