Marc 14:50 - Mbeti ti Nzapa - Tënë so amu fini

⁵⁰ Tongaso azo kue azia lo si ala kpe ahon.

Marc 14:50 ပူးပေါင်းရင်းမြစ်များ

Abia (Psaumes) 38:11

Be ti mbi ayeke pika ngangu, ngangu ahunzi na mbi awe; le ti mbi avuko, mbi yeke baa ndo tuuu.

Abia (Psaumes) 88:18

Lakue, aye ni so angoro mbi tongana ti so ngu ayeke ngoro zo; mbage na mbage kue, ala kanga ndö ti mbi.

Ésaïe 63:3

“Biani, gi mbi oko laa mbi pete ale ti vinye na ya ti du. Na popo ti amara kue, zo oko ayeke na tere ti mbi pepe. Tongaso, na ya ti ngonzo ti mbi, mbi do ala na gbe ti gere ti mbi, na ya ti sioni ngonzo ti mbi, mbi nika ala. Nilaa mene ti ala ati na tere ti abongo ti mbi si abuba abongo ti mbi ni.

Marc 14:27

Jésus atene na adisiple ti lo: “Fade ala kue ayeke zia mbi ti hon, ngbanga ti so Mbeti ti Nzapa atene: ‘Fade mbi yeke fâ wabatango-taba si ataba ni ayeke kangbi kirikiri.’

Marc 14:49

Lakue mbi yeke na popo ti ala na ya ti kota da ti Nzapa ti fa ye, me ala gbu mbi pepe. Ye so asi tongaso titene tënë ti Mbeti ti Nzapa aga taa-tënë.”

Marc 14:51

Mbeni maseka-koli amu peko ti Jésus, lo kanga gi mapia-bongo na tere ti lo. Ala ye ti gbu lo,

Jean 16:32

Baa, ngbonga ayeke ga si ngbonga ni alingbi awe so ala kue ayeke kangbi kirikiri, zo oko oko ayeke hon ti zia gi mbi oko. Me mbi yeke gi mbi oko pepe, ngbanga ti so Babâ ayeke na mbi.

Jean 18:8

Jésus atene na ala: “Mbi tene fade na ala, mbi tene: ‘Mbi laa.’ Tongana mbi laa ala yeke gi mbi, ala zia tanga ti azo ni ague!”

2 Timothée 4:16

Na kozo ngbanga so lani a iri mbi daa, zo oko amu na mbi maboko pepe, azo kue azia mbi ahon. Ayeke nzoni Nzapa akiri peko ni na ala pepe!