Marc 14:35 - Mbeti ti Nzapa - Tënë so amu fini

³⁵ Lo gue yongoro kete, lo ti na sese si lo sambela titene tongana lege ayeke daa, ngbonga ti pasi so ahon yongoro na tere ti lo.

Marc 14:35 ပူးပေါင်းရင်းမြစ်များ

Tongo nda ti aye 17:3

Abram ati, lo kpo li ti lo na sese. Nzapa atene tënë na lo, atene:

2 Mbai 7:3

Azo ti Israel kue abaa wâ so alondo na yayu azu si gonda ti KOTA GBIA asi singo na ya ti kota da ni. Ala kuku akpo li ti ala na sese so a leke pendere pendere na têne; ala sepela KOTA GBIA, atene: “Biani, lo yeke nzoni; nzoni be ti lo angba kpu na kpu!”

Matthieu 26:39

Lo hon yongoro kete, lo ti, lo kpo li ti lo na sese, lo sambela, lo tene: “Babâ ti mbi, tongana lege ayeke daa, ayeke nzoni kopo ti pasi so ahon yongoro na tere ti mbi. Me mbi ye pepe titene mo sara ye so be ti mbi aye, me mo sara gi ye so be ti mo aye.”

Matthieu 26:45

Lo kiri lo ga na mbage ti adisiple si lo tene na ala: “Ala ngba ti lango? Ala ngba ti wu tere ti ala? Ngbonga ni aga nduru awe; a yeke mu *Molenge ti Zo ti zia lo na maboko ti azo ti siokpari.

Marc 14:41

So lo kiri lo ga ti fani ota ni, lo tene na ala: “Ala ngba ti lango? Ala ngba ti wu tere ti ala? Alingbi awe! Ngbonga ni alingbi awe; a yeke mu *Molenge ti Zo ti zia lo na maboko ti azo ti siokpari.

Nzoni Tënë so Luc asu na mbeti 22:41

Na pekoni, lo londo na tere ti ala, lo gue yongoro alingbi na ndo so tongana zo abi têne, ati daa. Lo kuku na sese, lo sambela,

Jean 12:23

Jésus akiri tënë na ala, atene: “Ngbonga titene a gonda *Molenge ti Zo alingbi awe.

Ndia ti fani use ni 9:18

Moïse atene: Na pekoni, mbi ti na sese na gbe ti KOTA GBIA. Mbi ngba na ndo so lango baleosio na bi baleosio tongana ti kozoni; mbi te kobe pepe, mbi nyon ngu pepe. Mbi sara ye so ndali ti siokpari so kue ala sara: ala sara ye so ayeke sioni mingi na le ti KOTA GBIA, ala zia ngonzo mingi na be ti lo.

Ahebro 5:7

Na ngoi so Jésus ayeke na sese so, lo hinga so Nzapa alingbi ti soo lo na kuâ. Lo sambela, lo voro tere ti lo na Nzapa, lo dekongo, lo toto na ngu ti le. Nzapa ama lo, ngbanga ti so lo sara tere ti lo kete si lo ma yanga ti Nzapa.

Aye so Nzapa afa 4:10

So ala he bia ni, akangba baleuse na osio akuku na gbe ti lo so ayeke duti na ndö ti mbata ti gbia ni so. Ala yeke voro lo so lo yeke na fini si ala yeke tuku akpoto ti gbia ti ala na gbe ti lo, ala tene:

Aye so Nzapa afa 5:14

Aye osio so ayeke na fini atene: “Amen!” Akangba ni akuku si ala voro Nzapa na Molenge ti Taba ni.