Marc 14:33 - Mbeti ti Nzapa - Tënë so amu fini

³³ Lo mu Pierre, Jacques na Jean na tere ti lo si lo na ala ague. Be ti lo ato nda ti do na mbeto si mbeto asara lo ahon ndoni.

Marc 14:33 ပူးပေါင်းရင်းမြစ်များ

Abia (Psaumes) 38:11

Be ti mbi ayeke pika ngangu, ngangu ahunzi na mbi awe; le ti mbi avuko, mbi yeke baa ndo tuuu.

Ésaïe 53:10

Me KOTA GBIA ayeda ti nika lo na lege ti pasi. Zo so lani amu fini ti lo na *sandaga ndali ti azo, KOTA GBIA akiri na lo na kozo ndo ti lo. Fade zo ti kua ti lo ayeke baa *ahale ti lo si lo yeke kiri ti te gigi aninga. Na lege ti lo, KOTA GBIA ayeke sara ye so be ti lo aye.

Marc 16:5

Ala li na ya ti du ti kuâ ni, ala baa mbeni maseka-koli so aduti na mbage ti maboko ti ala ti koli, lo yu yongoro vuru bongo; mbeto asara ala.

Marc 16:6

Maseka-koli ni atene na ala: “Mbeto asara ala pepe! Ala yeke gi Jésus ti Nazaret, lo so a fâ lo na ndö ti keke ti kroa; lo zingo na kuâ awe, lo yeke na ndo so pepe. Baa, ndo so a zia lo lani daa laa.

Marc 5:37

Lo ke na azo kue ti mu peko ti lo, gi Pierre na Jean na ita ti lo Jacques.

Marc 9:15

Gi so azo ni abaa Jésus, li ti ala akpe si ala mu loro ti ga ti bara lo.

Marc 9:2

Lango omene na pekoni, Jésus amu Pierre, Jacques na Jean na tere ti lo, lo gue na ala na li ti mbeni kota hoto si ala duti kâ gi ala oko. Tere ti lo akiri aga nde na le ti ala:

Nzoni Tënë so Luc asu na mbeti 22:44

So mbeto angba ti sara lo ahon ndoni, lo kiri lo sambela Nzapa ngangu. Gbiki asigigi na tere ti lo tongana angbongboro mene si ayeke yuru na sese.]

Ahebro 5:7

Na ngoi so Jésus ayeke na sese so, lo hinga so Nzapa alingbi ti soo lo na kuâ. Lo sambela, lo voro tere ti lo na Nzapa, lo dekongo, lo toto na ngu ti le. Nzapa ama lo, ngbanga ti so lo sara tere ti lo kete si lo ma yanga ti Nzapa.