Marc 12:38 - Mbeti ti Nzapa - Tënë so amu fini

³⁸ Na ya ti fango ye so Jésus ayeke fa, lo tene: “Ala sara hange na awafango-ndia so aye ti fono gi na ya ti akota bongo si ala ye titene azo abara ala na ndo so azo abongbi daa.

Marc 12:38 ပူးပေါင်းရင်းမြစ်များ

Matthieu 10:17

Ala sara hange, ngbanga ti so fade azo ayeke gue na ala na gbe ti awafango-ngbanga. Fade azo ni ayeke pika ala na fimbo na ya ti ada ti sambelango Nzapa.

Matthieu 6:5

“Tongana ala yeke sambela, ala sara tongana azo so tënë ti yanga ti ala ayeke nde na sarango ye ti ala so pepe: azo ni aye ti luti na nduzu ti sambela na ya ti ada ti sambelango Nzapa nga na asangbi-lege titene azo abaa ala. Mbi tene na ala taa-tënë: azo ni awara futa ti ala awe.

Marc 12:39

Ala ye ti duti na ya ti akozo ngende so ayeke na ya ti ada ti sambelango Nzapa; ala ye nga ti duti na akozo ndo na ya ti amatanga.

Marc 4:2

Lo fa na ala aye mingi na lege ti atoli. Na ya ti aye so lo fa, lo tene:

Nzoni Tënë so Luc asu na mbeti 11:43

“Mawa na ala, afarizien! Ala ye ti duti gi na ndö ti akozo ngende na ya ti ada ti sambelango Nzapa, ala ye nga titene azo abara ala na ndo so azo abongbi daa.

3 Jean 1:9

Mbi su fade mbeni nduru mbeti si mbi tokua ni na *Eglize; me Diotrefe so aye lakue gi ti duti na komandema na ndö ti amba ti lo, lo ke ti ma yanga ti e.