Marc 12:33 - Mbeti ti Nzapa - Tënë so amu fini

³³ Ayeke nzoni zo aye Nzapa na be ti lo kue, na ndara ti lo kue nga na ngangu ti lo kue. Ayeke nzoni lo ye nga mba ti lo zo tongana ti so lo ye tere ti lo wani. So laa ayeke nzoni ahon asandaga ti anyama so a yeke gbi ni kue na wâ, wala asandaga nde nde so azo ayeke mu na Nzapa.”

Marc 12:33 ပူးပေါင်းရင်းမြစ်များ

Abia (Psaumes) 50:23

Zo so sandaga ti lo ayeke singila so lo mu na mbi, lo laa lo yeke zo ti gondango mbi. Zo so abata lege ti lo mbirimbiri, mbi yeke fa na lo so mbi yeke wasongo- azo.

Amato 21:3

Sarango ye ti mbirimbiri na sarango ye na legeni anzere na KOTA GBIA ahon mungo *sandaga.

Osée 6:6

Biani, ye so anzere na be ti mbi ayeke yengo mbi, me mbi ke tënë ti *sandaga ti anyama. Mbi ye hingango Nzapa ahon sandaga so a yeke gbi ni kue na wâ.”

Matthieu 12:7

Tongana ala hinga fade nda ti tënë so Mbeti ti Nzapa atene: ‘Mbi ye si zo abaa mawa ti mba ti lo, me mbi ke tënë ti sandaga ti anyama’, ka ala lingbi pepe ti fâ ngbanga na li ti azo so asara sioni pepe so.

Matthieu 9:13

Ala gue, agi ti hinga nda ti tënë so atene: ‘Mbi ye si zo abaa mawa ti amba ti lo, me mbi ke tënë ti *sandaga ti anyama.’ Mbi ga ti iri azo ti mbirimbiri pepe, me mbi ga ti iri azo ti siokpari.”

Ndia ti fani use ni 6:5

Alingbi mo ye KOTA GBIA Nzapa ti mo na be ti mo kue, na yingo ti mo kue, na ngangu ti mo kue.

Ahebro 10:8

Christ atene kozoni, atene: “Asandaga, aye so azo ayeke mu na mo, anyama so a yeke gbi ni kue na wâ nga na asandaga so azo ayeke mu ndali ti asiokpari ti ala, so laa mo ye pepe; aye so anzere nga na be ti mo pepe.” Andaa Ndia ahunda na azo ti mu asandaga ni so.

1 Samuel 15:22

Samuel akiri atene: “Asandaga so a yeke gbi ni kue na wâ nga na ambeni sandaga anzere na be ti KOTA GBIA ahon mango yanga ti lo? Mango yanga ayeke nzoni mingi ahon asandaga; mango tënë ayeke nga nzoni mingi ahon anyama ti mafuta.