Malashii 3:3 - Mbeti ti Nzapa - Tënë so amu fini

³ Fade lo yeke duti tongana matawa so ayeke kporo wen ti nginza ti zi azende na tere ni. Fade lo yeke sara si azo ti mara ti Lévi aga *nzoni tongana ti so a yeke zi azende na tere ti lôro nga na wen ti nginza. Tongaso ala lingbi ti mu *sandaga na KOTA GBIA alingbi na tënë ti ndia.

Malashii 3:3 ပူးပေါင်းရင်းမြစ်များ

Abia (Psaumes) 116:17

Mbi yeke ya na mo *sandaga ti mungo singila; mbi yeke iri KOTA GBIA na iri ti lo ti voro lo.

Abia (Psaumes) 4:5

Tongana ala sara ngonzo, ala sara hange si ala sara siokpari pepe. Na bi, ala gbu li ti ala, me ala zi yanga oko pepe. Luti kete

Abia (Psaumes) 4:6

Ala mu asandaga so alingbi na tënë ti ndia, ala zia be ti ala kue na ndö ti KOTA GBIA.

Abia (Psaumes) 50:14

Ayeke nzoni mo mu singila na mbi, Nzapa; singila ni ayeke nzoni sandaga so mo mu na mbi. Sara ye alingbi na zendo so mo mu na mbi, Nzapa so ayeke na yayu kâ na ndö ti aye kue.

Abia (Psaumes) 50:23

Zo so sandaga ti lo ayeke singila so lo mu na mbi, lo laa lo yeke zo ti gondango mbi. Zo so abata lege ti lo mbirimbiri, mbi yeke fa na lo so mbi yeke wasongo- azo.

Abia (Psaumes) 51:19

Sandaga so Nzapa aye tënë ni ayeke be so afâ. Zo so asara tere ti lo kete si be ti lo aso ndali ti sioni so lo sara, mo Nzapa, mo yeke ke lo pepe.

Abia (Psaumes) 66:10

Nzapa, mo tara e awe, mo tara e tongana wen ti nginza so a kporo ni na ya ti wâ.

Amato 17:3

A yeke tara lôro nga na wen ti nginza na ya ti wâ; me KOTA GBIA laa ayeke tara be ti zo.

Amato 25:4

Zi zende na tere ti wen ti nginza si fade zo ti sarango aye ti kode alingbi ti sara na mbeni ye ti pendere.

Ésaïe 1:25

Jérusalem, fade mbi yeke ga na tere ti mo; mbi yeke *sukula sioni ti mo tongana ti so a yeke kporo wen na ya ti wâ na taa nzoni kode ni ti zi zende na tere ni, mbi yeke zi asioni ti mo kue.

Ésaïe 48:10

Mbi tara ala, me na ya ti wâ pepe tongana ti so a yeke tara wen ti nginza na ya ti wâ ti zi sioni daa. Me mbi tara ala na ya ti wâ ti aye ti vundu.

Ésaïe 61:6

Me ti ala, fade a yeke iri ala “Awayango-sandaga ti KOTA GBIA”. A yeke di iri ti ala “Azo ti kua ti Nzapa ti e”. Ala yeke te anzoni ye ti amara nde, ala yeke pika kate ti ala ndali ti amosoro ti azo ni.

Jérémie 9:7

Menga ti azo ni ayeke tongana le ti kokora so ayeke fâ zo; atënë ti ala gi atënë ti mvene: nzoni tënë ayeke sigigi na yanga ti ala na tere ti amba ti ala, me na be ti ala kâ, ala leke kuku ti gbu na amba ti ala ni.

Ezekiel 20:38

Azo so atomboka na tere ti mbi na azo so ake ti ma yanga ti mbi, fade mbi yeke zi ala na popo ti ala, azo ti Israel. Mbi yeke sara si ala sigigi na ya ti akodro so ala duti daa tongana awande, me ala yeke li na sese ti Israel pepe. Tongaso, fade azo ni ayeke hinga atene, mbi laa mbi yeke KOTA GBIA.

Daniel 11:35

Fade azo mingi na popo ti azo so le ti ala ahan ayeke kui. Kuâ ti ala ayeke sara si a *sukula sioni ti azo ti kodro, ala ga nzoni si ala vuru nzoni ti ku na lango ti ndani. Lango ti ndani ayeke si gi na ngoi so a diko awe.

Daniel 12:10

Fade a yeke *sukula sioni ti azo mingi, ala yeke vuru si ala ga *nzoni. Azo ti sioni so ahinga nda ti ye pepe ayeke ngba ti sara asioni ye. Me azo so le ti ala ahan laa ayeke hinga nda ti ye so ayeke si.

Osée 14:2

Israel, kiri na *KOTA GBIA Nzapa ti mo, ngbanga ti so sioni ti mo asara si mo ti.

Zakarii 13:9

Fade mbi yeke mu ota mbage ti azo so angba na fini so, mbi yeke hon na ala na le ti wâ ti zi sioni ye na tere ti ala tongana ti so a yeke kporo wen ti nginza na ya ti wâ ti zi sioni ye na tere ni. Mbi yeke tara ala ti zi sioni ye na tere ti ala tongana ti so a yeke tara lôro na le ti wâ ti zi sioni ye na tere ni. Fade ala yeke iri mbi ti mu maboko na ala; ti mbi, mbi yeke ma ala. Mbi yeke tene: ‘Ala yeke azo ti mbi’, ala yeke tene: ‘KOTA GBIA ayeke Nzapa ti e.’ ”

Wungo ti azo 8:6

“Mo mu azo ti mara ti Lévi na popo ti azo ti Israel, mo sara si ala ga *nzoni.

Nzoni Tënë so Luc asu na mbeti 3:16

Jean akiri tënë na ala kue, atene: “Ti mbi, mbi yeke batize ala na ngu, me lo so lo yeke ga ande, ngangu ti lo ahon ti mbi: mbi kpa zo ti zi akamba ti poro ti gere ti lo pepe. Fade lo yeke batize ala na Yingo-Vuru nga na wâ.

Rome 12:1

A-ita, so Nzapa abaa mawa ti e ahon ndoni awe so, mbi hunda na ala mingi titene ala mu tere ti ala kue na Nzapa tongana *sandaga so ayeke na fini, sandaga so ayeke nde, ayeke nzoni kue si anzere na lo. So mbirimbiri lege ti vorongo Nzapa laa.

Rome 15:16

si lo mu mbi ti ga zo ti kua ti Jésus Christ na popo ti azo ti amara nde. Lo zia mbi nde ti fa Nzoni Tënë ti Nzapa. Tongaso, azo ti amara nde alingbi ti ga nzoni *sandaga na le ti Nzapa na lege ti Yingo-Vuru, lo so lo sara si ala ga nzoni kue.

Filipe 2:17

Mabe ti ala asara si ala yeke mu *sandaga na Nzapa. Mbi hinga pepe, tongana a fâ mbi si mene ti mbi atuku, fade ayeke ga tongana sandaga na ndö ti so ala yeke mu. Tongana ye ni ayeke tongaso, be ti mbi ayeke nzere si mbi na ala kue, e yeke na ngia.

Filipe 4:18

Na ndembe so, mbi wara aye so alingbi na mbi awe; mbi kiri mbi wara ahon ndoni. Mbi yeke na ye mingi na peko ti so Epafrodite aga na aye so ala tokua na mbi so. Aye so ala tokua so ayeke tongana yombo so afun nzoni, ayeke nga tongana *sandaga so Nzapa aye tënë ni si anzere na be ti lo.

2 Timothée 4:6

Ti mbi, lango titene a mu mbi na *sandaga alingbi awe; lango titene mbi zia sese so alingbi nga awe.

Tite 2:14

Lo ka ando tere ti lo na kuâ ndali ti e, ti zi e na ya ti aye ti sioni kue, ti sukula e si e ga azo ti lo wani, titene e mu ngangu ti e kue ti sara anzoni ye.

Ahebro 12:10

Ti ababâ ti e ti sese so, ala yeke pika ka e tongana ti so ala baa nzoni na le ti ala; pikango e ni ayeke gi ndali ti kete ngoi. Me ti Nzapa, lo yeke pika e ndali ti nzoni ti e, ti mu na e lege ti duti nde si e ga nzoni kue tongana lo.

1 Pierre 1:7

Pasi ni asi na ala ti tara mabe ti ala. Lôro ayeke ye so ayeke buba bubango, me azo ayeke tara ni na wâ. Mabe ayeke kota ye ahon lôro. Ndani laa a yeke tara ni ti baa wala akpengba, tongaso si fade Nzapa ayeke tene nzoni tënë ti ala, lo yeke gonda ala si lo yeke ne ala na ndembe so Jésus Christ ayeke si.

1 Pierre 2:5

Ala nga, ala yeke tongana atêne so ayeke na fini. Ala sara si Nzapa amu ala ti sara na da so ayeke ti Yingo. Tongaso, fade bongbi ti ala ayeke ga bongbi ti awayango-sandaga so ayeke nde si ayeke nzoni kue, ala yeke mu na lo asandaga so Yingo afa na ala ti mungo ni si ayeke nzere na be ti Nzapa na lege ti Jésus Christ.

1 Pierre 2:9

Me ti ala, ala yeke azo ti mara so Nzapa asoro ala awe, awayango-sandaga ti Gbia, azo ti mara so ayeke nde si ayeke nzoni kue, azo so Nzapa amu ala ti ga azo ti lo wani titene ala fa tënë ti akota ye so lo sara. Lo iri ala ti sigigi na ya ti vukongo ndo si ala duti na ya ti lumiere ti lo so ayeke do be ti zo.

Aye so Nzapa afa 1:6

Lo sara si e ga azo ti Kodro-gbia ti Nzapa, awayango-sandaga ti sara kua ndali ti Nzapa Babâ ti lo. Gonda na ngangu ayeke ti Christ kpu na kpu! Amen.

Aye so Nzapa afa 3:18

Ndani laa mbi yeke mu wango na mo titene mo vo lôro so a kporo ni na wâ si a zi asioni ye kue daa so; vo ni na maboko ti mbi si mo ga zo ti mosoro. Vo nga abongo na maboko ti mbi titene mo yu si azo abaa tere ti mo so ayeke senge so pepe. Vo yoro ti le na maboko ti mbi, mo zia na le ti mo si mo kiri mo baa ndo nzoni.

Aye so Nzapa afa 5:10

Mo sara si ala ga azo ti Kodro-gbia ti Nzapa, awayango-sandaga ti sara kua na Nzapa ti e; fade ala yeke le-gbia na ndö ti sese.”