Malashii 3:16 - Mbeti ti Nzapa - Tënë so amu fini

¹⁶ Tongaso azo so ayeke kpe mbeto ti KOTA GBIA atene tënë na popo ti ala. KOTA GBIA adingi mê ti lo si lo ma tënë so ala yeke tene so. Nilaa na dawa ti lo, a su na ya ti mbeni mbeti iri ti azo so ayeke kpe mbeto ti lo si ala yeke voro lo.

Malashii 3:16 ပူးပေါင်းရင်းမြစ်များ

Tongo nda ti aye 22:12

Ange ni atene: “Ndu molenge ni pepe. Sara ye oko na lo pepe, ngbanga ti so mbi hinga fadeso mbi tene, mo yeke zo ti kpengo mbeto ti Nzapa. Mo gbanzi oko molenge ti mo na mbi pepe.”

2 Samuel 7:1

So gbia David aduti na yangbo ti lo awe si *KOTA GBIA azi lo na maboko ti awato ti lo so angoro kodro ti lo si lo duti kpoo,

1 Agbia 18:12

Me gi so mbi yeke zia mo ti hon, fade yingo ti KOTA GBIA ayeke mu mo ti hon na mo na mbeni ndo so mbi hinga pepe. Ti mbi, mbi yeke gue ti tene tënë ni na Akab; tongana lo wara mo pepe, fade lo yeke fâ mbi. Andaa ti londo na ngoi so mbi de molenge ngbii asi laso, mbi zo ti kua ti mo, mbi yeke kpe mbeto ti KOTA GBIA mingi.

1 Agbia 18:3

Tongaso Akab airi Obadia, makonzi ti yangbo ti gbia. Obadia ayeke kpe mbeto ti KOTA GBIA mingi.

2 Mbai 6:7

Babâ ti mbi David aleke lani na be ti lo ti sara da ndali ti KOTA GBIA, Nzapa ti Israel.

Néhémie 1:11

KOTA GBIA, mbi gbu gere ti mo, mo zi mê ti mo, mo ma sambela ti mbi, zo ti kua ti mo. Mo ma nga sambela ti azo ti kua ti mo, ala so ayeke na ngia ti ne iri ti mo. Mo sara si aye ti mbi, zo ti kua ti mo, aga nzoni laso. Mo sara si ye so mbi yeke hunda na gbia, lo kiri tënë na mbi na nzoni be.” Biani, mbi yeke lani zo ti mungo samba na gbia.

Esther 2:23

So azo agi nda ti tënë ni si ala baa so ye ni ayeke taa-tënë, ala gbu akoli use so akanga go ti ala na tere ti keke na nduzu. Na pekoni, taa na dawa ti gbia wani, ala su tënë ni na ya ti ambeti-sango ti ngu oko oko ti kodro-gbia ni.

Esther 6:1

Na bi ni so, gbia aye ti lango, lo lango gbaa. Tongaso lo hunda titene a ga na lo ambeti-sango ti ngu oko oko ti kodro ni; so ti tene mbeti so a su akota tënë ti kodro ni daa so. A ga na mbeti ni si a diko ni na lo.

Mbeti ti Job 28:28

Na pekoni, lo tene na azo, lo tene: “Kpengo mbeto ti *Kota Gbia, baa ndara ni laa! Kpengo siokpari, baa hingango ndo laa!”

Abia (Psaumes) 10:4

Na lege ti baba ti lo, zo ti sioni ayeke hunda tere ti lo pepe. Ti be ti lo, lo tene: “Nzapa ayeke daa lawa!”

Abia (Psaumes) 104:33

Mbi ye ti he bia na KOTA GBIA na lango ti fini ti mbi kue; mbi ye ti pika mozoko ndali ti Nzapa ti mbi na ngoi so kue mbi de na fini.

Abia (Psaumes) 111:10

Kpengo mbeto ti KOTA GBIA ayeke tongo nda ti dutingo na ndara. Azo so kue akpe mbeto ti lo ayeke azo ti hingango ndo. Gonda ti lo angba kpu na kpu.

Abia (Psaumes) 115:13

Lo yeke sara tufa na ndö ti azo so akpe mbeto ti lo, akete zo na akota zo.

Abia (Psaumes) 119:63

Mbi yeke sara songo na amba ti mbi so kue akpe mbeto ti mo, ala so asara ye alingbi na andia ti mo.

Abia (Psaumes) 139:4

Tënë ade ti sigigi na yanga ti mbi pepe, mo KOTA GBIA, mo hinga ni kue awe.

Abia (Psaumes) 147:11

Me be ti KOTA GBIA anzere na azo so ayeke kpe mbeto ti lo, ala so azia be ti ala ti ku titene lo sara nzoni be na ala.

Abia (Psaumes) 16:3

Na ya ti kodro so, anzapa nde nde ayeke daa, mbi yeke ne ando ala mingi, me ti fadeso, mbi tene:

Abia (Psaumes) 20:7

Fadeso mbi hinga awe: KOTA GBIA ayeke mu ngangu na zo so lo tuku mafuta na li ti lo ti zia lo gbia. Kâ na yayu, nzoni ndo ti lo, lo kiri tënë na gbia; na lege ti ngangu ti lo, lo sara akota ye ti soo lo.

Abia (Psaumes) 33:18

Me le ti KOTA GBIA ayeke na ndö ti azo so ayeke kpe mbeto ti lo, azo so azia be ti ala ti ku nzoni be ti lo

Abia (Psaumes) 34:15

Mo ke lege ti sioni ye, mo sara nzoni ye; mo gi lege ti siriri, mo ngba daa.

Abia (Psaumes) 56:8

Ndali ti sioni sarango ye tongaso, fade ala yeke sigigi na ya ni senge senge? Nzapa, na lege ti ngonzo ti mo, mo bi azo so na sese maa!

Abia (Psaumes) 56:9

So mbi kpe fani mingi ti hon so, mo diko wungo ni kue awe; mo bongbi ngu ti le ti mbi na ya ti ngbenda ti mo. A su aye so kue na ya ti mbeti ti mo pepe?

Abia (Psaumes) 66:16

Ala so kue ayeke kpe mbeto ti Nzapa, ala ga, ama; fade mbi yeke fa na ala ye so lo sara ndali ti mbi.

Abia (Psaumes) 94:19

Tongana gba ti tënë ane be ti mbi, mo yeke de be ti mbi, mo yeke sara si tere ti mbi anzere.

Sigingo 32:32

Ti fadeso, mbi gbu gere ti mo, zi siokpari na li ti azo so! Tongaso pepe, mo zi iri ti mbi na ya ti mbeti ti mo so mo su ni so.”

Amato 13:20

Zo so ayeke fono na azo ti ndara, fade lo yeke ga zo ti ndara; me zo so ayeke sara kamarade na azo ti buba, lo yeke baa sioni daa.

Ésaïe 26:3

Na zo so be ti lo aduti kpoo, KOTA GBIA, mo yeke mu na lo siriri, ngbanga ti so lo zia be ti lo na ndö ti mo.

Ésaïe 26:8

Biani, KOTA GBIA, lege so mo mu yanga titene e hon daa, e zia be ti e ti ku mo. Ye so nzara ni agbu be ti e ayeke ti dabe ti e na mo.

Ésaïe 4:3

Tongaso, azo so ayeke ngba na Jérusalem na tanga ti azo so angba na fini na *Sion, fade a yeke mu na ala mbeni iri so atene: “Azo so a zia ala nde ndali ti KOTA GBIA”; so ti tene azo so kue KOTA GBIA asu iri ti ala na ya ti mbeti ti lo titene ala duti na fini na Jérusalem.

Ésaïe 50:10

Mbeni zo ti kpengo mbeto ti *KOTA GBIA ayeke na popo ti ala? Alingbi lo ma yanga ti zo ti kua ti lo. Tongana mbeni zo ayeke tambula na ya ti vukongo ndo si lumiere oko ayeke daa pepe, alingbi lo zia be ti lo na ndö ti KOTA GBIA wani, lo luti na ndö ti Nzapa ti lo.

Ésaïe 65:6

Me mbi su aye so kue na mbeti awe; mbi yeke duti kpoo pepe, ngbii mbi futa ala alingbi na ala, mbi futa ala sioni sioni.

Jérémie 31:18

Biani, mbi ma azo ti Efraim so ayeke dema tere ti ala, atene: ‘KOTA GBIA, mo pika e ngangu mingi tongana ti so zo ayeke pika bagara so ama ndo pepe. Me ayeke nzoni mo sara si e kiri na mbage ti mo titene e kiri biani na mbage ti mo, ngbanga ti so mo laa mo yeke Nzapa ti e.

Jérémie 8:6

Atënë so ala yeke tene so, mbi ma ni nzoni: atënë ni agbu le ni oko pepe. Zo oko azia lege ti sioni ti lo pepe; lo tene nga pepe: ‘Nyen laa mbi sara so?’ Zo oko oko amu lege so be ti lo aye tongana mbarata so ali na loro na ya ti bira.

Ezekiel 9:4

lo tene na lo: “Mo tambula na ya ti gbata ti Jérusalem kue. Ambeni zo ayeke na ya ti gbata ni so ayeke dema si ayeke toto ndali ti asioni ye so azo ayeke sara na ya ti gbata ni si zo alingbi ti baa na le ti lo fani use pepe so. Fade mo yeke su mbeni nzoroko na ndö ti le ti ala.”

Daniel 12:1

“*Ange ni akiri atene na mbi: ‘Na ngoi ni kâ, Michel, kota makonzi ti a-ange so ayeke bata azo ti mara ti mo ayeke si. Fade ngoi ni ayeke duti ngoi ti ngangu. Ti londo na ngoi so amara nde abaa gigi ngbii asi na lâ ni kâ, mara ti ngoi so ade ti duti daa laoko pepe. Na ngoi ni so, fade azo ti mara ti mo, ala so a su iri ti ala na mbeti ti fini, ayeke soo kuâ.

Daniel 7:10

Mbeni wâ asigigi na dawa ti mbakoro ni si ayeke sua tongana ngu. Azo saki saki ayeke sara na lo si ambeni kutu mingi aluti na dawa ti lo. Awafango-ngbanga aduti si ala zi abuku.

Malashii 3:5

Biani, fade mbi yeke ga nduru na tere ti ala ti fâ ngbanga na li ti ala. Mbi yeke ga hio ti bi tënë na li ti azo ti mazi, azo ti gingo wali wala koli ti amba ti ala, azo so ayeke bi atënë ti mvene na li ti amba ti ala na azo so ayeke futa azo ti kua ti ala na legeni pepe; azo so ayeke sara ngangu na awali-mua nga na anyindu, azo so ayeke sara mbana na awande nga na azo so ayeke kpe mbeto ti mbi pepe. Tënë so KOTA GBIA so ayeke na ndö ti dunia kue atene laa.”

Nzoni Tënë so Luc asu na mbeti 2:38

Gi na ndembe ni so, lo ga lo mu singila na Nzapa si lo tene tënë ti molenge ni na azo so kue ayeke ku lango so fade Nzapa ayeke zi Jérusalem na gbe ti ngbaa.

Awatokua 1:13

So ala si na gbata ni awe, ala li na ya ti kubu ti nduzu so ala yeke wara ka tere daa. Azo ni ayeke Pierre, Jean, Jacques, André, Philippe, Thomas, Barthélemy, Matthieu, Jacques, molenge ti Alfe, Simon so ayeke tiri ndali ti lipandaa ti kodro nga na Jude, molenge ti Jacques.

Awatokua 10:2

Lo gbu tënë ti Nzapa mingi si lo yeke kpe mbeto ti Nzapa, lo na asewa ti lo kue. Lo yeke mu aye mingi na azo ti mawa so ayeke na popo ti azuife si lo yeke sambela Nzapa lakue.

Awatokua 2:1

So lango ti *Pantekote asi awe, azo ti Jésus kue abongbi tere ti ala na ndo oko.

Awatokua 9:31

Tongaso *Eglize ti sese ti Judée kue, ti Galile na ti Samarii ayeke lani na siriri. Na lege ti ngangu ti Yingo-Vuru, Eglize ni ayeke kpengba, ayeke kpe mbeto ti Kota Gbia si ayeke mai.

Efeze 5:19

Tongana ala bongbi, ala he abia ti Mbeti ti Nzapa, abia ti gondango Nzapa na abia so Yingo ayeke mu na ala. Ala he abia si ala sepela Kota Gbia na be ti ala kue.

1 Tesalonike 5:11

Tongaso, ala mu ngangu na be ti ala na popo ti ala, ala sara si amba ti ala akpengba tongana ti so ala yeke sara ni so.

1 Tesalonike 5:14

A-ita, e hunda na ala ti suku na azo so ayeke sara ye ti kirikiri; azo so be ti ala awoko, ala sara si be ti ala akiri awara ngangu, ala mu maboko na azo so ayeke na ngangu pepe, ala kanga be ti ala na azo kue.

Ahebro 10:24

E baa ndo na ndö ti amba ti e na popo ti e ti pusu e titene e ye azo si e sara anzoni ye.

Ahebro 12:15

Ala sara hange si mbeni zo ado lege ti nzoni be ti Nzapa azia pepe. Alingbi mbeni zo aga tongana sengo gere ti pere ti ngonda pepe; mara ti zo tongaso ayeke bi wusuwusu na popo ti azo si lo yeke buba li ti ala.

Ahebro 3:13

Me so ngoi so Mbeti ti Nzapa airi ni “laso” angba, ala mu wango na popo ti ala lakue si siokpari ahanda mbeni zo pepe, tongaso si lo ga zo ti ngangu li pepe.

Aye so Nzapa afa 15:4

Kota Gbia, zo wa laa ayeke kpe mbeto ti mo pepe? Zo wa laa ayeke gonda iri ti mo pepe? Biani, gi mo oko laa mo yeke nde si mo yeke nzoni kue. Fade amara kue ayeke ga ti kuku na gbe ti mo, ndali ti so ala kue abaa fadeso lege so mo yeke fâ na ngbanga ti mo awe.”

Aye so Nzapa afa 20:12

Na pekoni, mbi baa akuâ, akete ni na akota ni, ala yeke luti na dawa ti mbata ti gbia ni. A zi abuku si a zi mbeni buku nde: mbeti so a su iri ti azo so ayeke na taa fini daa. A fâ ngbanga na li ti akuâ alingbi na ye so ala sara tongana ti so a su tënë ni na ya ti abuku ni so.