Malashii 3:13 - Mbeti ti Nzapa - Tënë so amu fini

¹³ Tënë so *KOTA GBIA atene laa: “Ala tene asioni tënë mingi na tere ti mbi si ala hunda ndo, atene: ‘Asioni tënë ti nyen laa e tene na popo ti e na tere ti mo?’

Malashii 3:13 ပူးပေါင်းရင်းမြစ်များ

Mbeti ti Job 15:13

Mo yeke sara ngonzo na tere ti Nzapa ngbanga ti nyen? Mo zia gba ti tënë tongaso asigigi na yanga ti mo ngbanga ti nyen?

Mbeti ti Job 40:8

Mo ye biani ti fa so mbi fâ ngbanga na legeni pepe? Mo ye ti fa so mbi sara sioni si mo laa mo sara nzoni?

Abia (Psaumes) 10:11

Lo tene na be ti lo: “Nzapa agirisa tënë ni awe; lo kanga le ti lo awe, lo baa ye laoko pepe.”

Sigingo 5:2

Faraon atene: “KOTA GBIA ni ayeke zo wa si mbi ma yanga ti lo ti zia lege na azo ti Israel ti gue so? Mbi hinga KOTA GBIA ni pepe; mbi yeke zia nga azo ti Israel ti gue pepe!”

Ésaïe 3:8

Jérusalem ati awe, kodro ti Juda abuba awe. Ala ke KOTA GBIA na lege ti tënë ti yanga ti ala nga na sarango ye ti ala; ala sara ngangu li na KOTA GBIA so ayeke na gonda.

Ésaïe 37:23

Zo wa laa mo zonga lo si mo bi buba na tere ti lo so, zo wa? Zo wa laa mo dekongo na li ti lo si mo baa lo tongana mbumbuse zo so, zo wa? Mo sara ye so na mbi Nzapa ti Israel, mbi so mbi yeke nde si mbi yeke nzoni kue!

Ésaïe 46:12

Ala azo ti kpengbango be, ala so angba yongoro na tere ti ye so ayeke mbirimbiri so, ala ma mbi!

Ésaïe 5:19

Ala yeke tene: “Ye so KOTA GBIA aye ti sara so, ayeke nzoni lo sara ni hio e baa ma! Pialo so Nzapa ti Israel so ayeke nde si ayeke nzoni kue aye ti sara so, ayeke nzoni lo sara ni si e hinga tënë ni ma!”

Jérémie 44:18

Me ngbene ye so e zia lege ti mu sandaga ti dukani si e zia ti tuku samba ti mu na sandaga na gbia-wali ti yayu, ye kue atia e si e yeke kui na lege ti bira nga na kota nzara.”

Jérémie 8:12

Kamene alingbi fade ti gbu le ti ala ndali ti asioni ye so ala yeke sara si zo alingbi ti baa na le ti lo fani use pepe; me kamene agbu le ti ala oko pepe. Ala hinga atene, so sioni ye laa ala yeke sara so pepe. Ndani laa KOTA GBIA atene: Ala yeke ti legeoko na tanga ti azo so ayeke ti. Na ndembe so mbi yeke ga na tere ti azo ni, ala nga, ala yeke ti.”

Ezekiel 18:25

Me ala yeke tene: ‘Sarango ye ti KOTA GBIA ayeke na legeni pepe!’ Ala azo ti Israel, ala ma tënë so nzoni: Mbi laa sarango ye ti mbi ayeke na legeni pepe? Wala ala laa sarango ye ti ala ayeke na legeni pepe?

Ezekiel 35:13

Ala tene tënë na tere ti mbi na baba; ala tene atënë ti baba na tere ti mbi: mbi ma atënë ni kue awe.

Osée 7:16

Tongana ala yeke kiri, ala yeke kiri na mbage ti mbi pepe. Ala yeke tongana kokora so aba bango. Fade amakonzi ti ala ayeke kui na ya ti bira ndali ti sioni yanga ti ala; ye so ayeke sara si azo ayeke he ala na ngia na sese ti Ezipte.”

Malashii 2:14

Ala hunda ndo, atene: “Ye tongaso asi ngbanga ti nyen?” – Asi ngbanga ti ye tongaso: Na dawa ti KOTA GBIA laa zo oko oko amu tere na wali ti lo ti maseka; wali ni ayeke mba ti lo, lo na wali ni aga oko na lege ti *mbuki so ayeke na popo ti ala. Me zo ni abuba lege ti mbuki ni na wali ni awe!

Malashii 2:17

Ala woko KOTA GBIA na atënë ti ala. Ala hunda ndo, atene: “Atënë ti nyen laa e woko lo na ni?” Ala woko lo na lege ti tënë so ala yeke tene: “Zo so asara ye ti sioni, lo laa lo yeke nzoni zo na le ti KOTA GBIA. Mara ti azo tongaso laa be ti KOTA GBIA anzere na ala”; wala ala yeke tene: “Nzapa so ayeke fâ ngbanga mbirimbiri so ayeke na ndo wa?”

Malashii 3:12

Fade amara kue ayeke tene na ala: Ti ala nzoni, ngbanga ti so kodro ti ala ayeke ga kodro so aye ti nzoni mingi ayeke daa. Tënë so KOTA GBIA so ayeke na ndö ti dunia kue atene laa.”

Malashii 3:14

Ala tene: ‘E yeke sara kua ti Nzapa gi senge senge. E sara ye alingbi na tënë ti yanga ti lo, e sara mua na dawa ti KOTA GBIA so ayeke na ndö ti dunia kue; nyen laa e wara na peko ni, nyen?

Malashii 3:8

Mbi kiri tënë na ala, mbi tene: Zo alingbi ti nzi Nzapa? Me ti ala, ala yeke nzi mbi! Ala hunda ndo, atene: ‘E nzi mo na nyen?’ Ala nzi mbi na ya ti *adime nga na ya ti aye nde nde so ala yeke mu na mbi.

Rome 9:20

Mo zo, mo yeke ti mo zo wa ti kiri tënë na Nzapa? Ta ti sese so zo asara na maboko ti lo alingbi ti hunda zo so asara lo, atene: “Ngbanga ti nyen si mo leke mbi tongaso?”

2 Tesalonike 2:4

Zo ti sioni so ayeke londo ti tiri bira na aye so kue azo ayeke baa ni tongana anzapa, na aye so kue azo ayeke voro ni. Lo yeke gue ande ngbii ti duti na ya ti kota da ti Nzapa si lo yeke tene, ni wani laa ni yeke Nzapa.