Malashii 3:12 - Mbeti ti Nzapa - Tënë so amu fini

¹² Fade amara kue ayeke tene na ala: Ti ala nzoni, ngbanga ti so kodro ti ala ayeke ga kodro so aye ti nzoni mingi ayeke daa. Tënë so KOTA GBIA so ayeke na ndö ti dunia kue atene laa.”

Malashii 3:12 ပူးပေါင်းရင်းမြစ်များ

2 Mbai 32:23

Azo mingi aga na Jérusalem ti mu aye na KOTA GBIA, ala ga nga na apendere kadoo na Ezekias, gbia ti Juda. Na peko ti aye so asi so, amara kue ane Ezekias mingi.

Abia (Psaumes) 72:17

Ayeke nzoni iri ti gbia ni angba lakue lakue, ague na nduzu na ngoi so kue lâ angba ti su. Ayeke nzoni azo asara tufa na ndö ti amba ti ala na iri ti lo si azo ti amara kue atene: “Ti lo nzoni!”

Ésaïe 61:9

Na popo ti amara nde, azo ayeke hinga *ahale ti ala. Na ndo kue, azo ayeke hinga amolenge ti amolenge ti ala. Azo so kue ayeke baa ala, ayeke hinga ala na lege ti ye so: ala yeke amara so KOTA GBIA asara tufa na ndö ti ala.

Ésaïe 62:4

Azo ayeke kiri ti iri mo pepe, “Gbata so azo ado azia”, azo ayeke kiri ti di iri ti kodro ti mo pepe, “Sese so aga ngonda awe”. Me azo ayeke di iri ti mo, “Wali so mbi yeke wara ngia na lege ti lo”, azo ayeke di iri ti sese ti mo, “Wali ti koli”. Biani, fade KOTA GBIA ayeke wara ngia na lege ti mo si sese ti mo ayeke ga wali ti koli.

Ésaïe 62:5

Tongana ti so maseka-koli ayeke mu maseka-wali ti ga wali ti lo, legeoko nga, lo so lo yeke kiri ti leke mo, fade lo yeke ga koli ti mo. Tongana ti so fini wali ayeke zia ngia na be ti koli ti lo, fade mo yeke zia ngia na be ti Nzapa ti mo.

Jérémie 33:9

Tongaso, fade ye ni ayeke sara si be ti mbi anzere, ayeke sara si azo agonda mbi si aga ye ti pendere ti mbi na le ti amara kue ti sese. Tongana amara ni ama tënë ti anzoni ye so kue mbi yeke sara ndali ti gbata ni, fade ala yeke do na mbeto si tere ti ala ayeke do ndali ti gba ti nzoni ye na siriri so mbi yeke mu na gbata ni.”

Daniel 11:41

Lo yeke li na ya ti pendere kodro ni. Kâ, fade azo mingi ayeke kui. Me azo ti kodro ti Edom, ti Moab na akpengba zo ti mara ti Amon laa ayeke kpe na maboko ti lo.

Daniel 8:9

“Na ya ti oko ti adidi osio so, mbeni kete didi asigigi daa si aga kota mingi na mbage ti Mbongo, na mbage ti To nga na mbage ti pendere kodro.

Zakarii 8:23

Tënë so KOTA GBIA so ayeke na ndö ti dunia kue atene ayeke so: na ngoi ni so, fade azo baleoko so ayeke tene ayanga ti kodro nde nde ayeke gbu mbeni zuife oko na yanga ti bongo ti lo si ayeke tene na lo: ‘E nga, e ye ti gue na ala, ngbanga ti so e ma a tene, Nzapa ayeke na ala.’ ”

Malashii 3:13

Tënë so *KOTA GBIA atene laa: “Ala tene asioni tënë mingi na tere ti mbi si ala hunda ndo, atene: ‘Asioni tënë ti nyen laa e tene na popo ti e na tere ti mo?’

Nzoni Tënë so Luc asu na mbeti 1:48

ngbanga ti so lo baa mbi na nzoni le, mbi so mbi yeke senge zo ti kua ti lo. Biani, ti londo na azo ti fadeso ti gue na ni, fade azo ti angoi kue ayeke tene tënë ti mbi nzoni,

Ndia ti fani use ni 11:12

ayeke sese so KOTA GBIA Nzapa ti ala laa ayeke bata ni. Ti londo na tongo nda ti fini ngu ngbii asi na nda ti ngu ni, le ti lo ayeke na ndö ni.