Malashii 3:10 - Mbeti ti Nzapa - Tënë so amu fini

¹⁰ Adime ti aye so ala wara, ala ga na ni kue na ya ti kubu ti batango mosoro ti da ti mbi titene kobe aduti lakue na ya ti da ti mbi. Ala sara tongaso ti tara mbi, ala baa tongana mbi zi fenetere ti yayu ti tuku anzoni ye ti mbi gbani gbani na ndö ti ala pepe si. Tënë so KOTA GBIA so ayeke na ndö ti dunia kue atene laa.

Malashii 3:10 ပူးပေါင်းရင်းမြစ်များ

Tongo nda ti aye 28:22

Têne so mbi leke ni aluti na nduzu so, fade ayeke ga da ti Nzapa. Aye so kue lo yeke mu ande na mbi, fade mbi yeke mu na lo *dime ni.”

Tongo nda ti aye 7:11

Na ndembe so Noe ayeke na ngu ngbangbo omene, na lango baleoko na mbarambara ti use nze ni, angu ti gbe ti sese so ali mingi alondo na ya ti adu ti ala nde nde, asigigi na ngangu; fenetere ti yayu azi kota.

2 Agbia 7:19

Turugu ti kota kamba ti gbia atene lani na Élisée: “Ataa KOTA GBIA azi fenetere na yayu, atënë so mo tene so, fade ayeke ga taa-tënë?” Élisée akiri tënë, atene: “Fade mo yeke baa ye ni na le ti mo, me mo yeke te kobe ni pepe.”

2 Agbia 7:2

Mbeni turugu ti kota kamba ti gbia ti Israel, lo so lo yeke lakue nduru na tere ti gbia akiri tënë na Élisée, atene: “Ataa KOTA GBIA azi fenetere ti yayu, atënë so mo tene so, fade ayeke ga taa-tënë?” Élisée akiri tënë: “Fade mo yeke baa ye ni na le ti mo, me mo yeke te ande kobe ni pepe.”

1 Mbai 26:20

Mbeni zo ti mara ti Lévi, Ahia, kua ti lo ayeke ti baa ndo na ndö ti kubu so a bata amosoro ti kota da ti Nzapa daa nga na aye so a zia nde ndali ti Nzapa.

Néhémie 12:44

Na lango ni so, a soro ambeni zo titene ala baa ndo na ndö ti ada ti batango akozo le ti keke, akozo le ti kobe nga na *adime ti akobe ti yaka. Kua ti azo ni ayeke ti bata na ya ti ada ni so ale ti kobe so *Ndia ahunda na azo titene ala ga na ni na awayango-sandaga nga na azo ti mara ti Lévi. Ale ti kobe ni alondo na ya ti ayaka so azo afâ si angoro agbata. Biani, be ti azo ti Juda anzere mingi na kua so awayango-sandaga na azo ti mara ti Lévi ayeke sara.

Néhémie 12:47

Na ngoi ti Zorobabel na ti Néhémie, azo ti Israel kue ayeke mu aye na ya ti lango oko oko na azo ti hengo bia nga na azo ti batango yanga ti gbagba. Ala yeke mu nga aye so azia ni nde ndali ti azo ti mara ti Lévi si azo ti mara ti Lévi ayeke mu mbage ni na awayango-sandaga so ayeke amolenge ti Aaron.

Néhémie 13:5

Eliashib amu na Tobia mbeni kota kubu so a yeke bata na ya ni *asandaga ti ale ti kobe, dukani na agbakuru nde nde ti kota da ti Nzapa, na asandaga so a yeke mu na awayango-sandaga, *adime ti ble, ti fini vin na ti mafuta; adime ti aye so a bata ndali ti azo ti mara ti Lévi, azo ti hengo bia na azo ti batango yanga ti gbagba.

Abia (Psaumes) 37:3

Mo zia be ti mo na ndö ti *KOTA GBIA, mo sara nzoni ye si fade mo duti na ya ti kodro ni, fade sioni ye asi na mo pepe.

Abia (Psaumes) 78:23

Na pekoni, lo mu yanga na mbinda ti nduzu, lo zi yanga ti yayu.

Zo ti bongbingo azo 11:3

Tongana mbinda ane nengo, fade ngu-Nzapa ayeke pika. Tongana mbeni keke ati na mbage ti maboko ti koli wala na mbage ti maboko ti wali, keke ni ayeke ngba na ndo so lo ti daa.

Ezekiel 34:26

Mbi yeke sara tufa na ndö ti ala nga na ndö ti ando nde nde so ayeke na tere ti hoto ti mbi. Mbi yeke sara titene ngu-Nzapa apika na ngoi ni, ngu-Nzapa so ayeke sara nzoni na zo.

Ezekiel 44:30

Akozo pendere kobe ti ayaka ti ala, nga na anzoni ye so kue ala ya na Nzapa ayeke ga ye ti awayango-sandaga. Anzoni farini ti ala, fade ala yeke mu ni na awayango-sandaga. Tongaso si tufa aga na ya ti da ti ala.

Osée 2:21

Fade mo yeke duti wali so mbi mu mo titene mo ga wali ti mbi kpu na kpu. Ye so mbi yeke ka na peko ti mo ayeke ye ti mbirimbiri nga na ndia, yengo tere nga na nzoni be.

Joël 2:19

Lo kiri tënë na azo ti lo, lo tene: “Baa, mbi yeke kiri ti mu na ala *ble, fini vin nga na nzoni mafuta. Ala yeke wara ni gbani gbani alingbi na ala. Mbi yeke kiri ti sara si amara nde azia kamene na le ti ala pepe.

Joël 2:24

Fade ya ti agogoro ayeke si singo na ble, akota tawa ayeke si singo na fini vin nga na nzoni mafuta.

Awayango-sandaga 26:10

Ala yeke fâ gba ti ale ti kobe, ala yeke te ni ngbii aninga. Ataa angbene le ti kobe so ala bata ni, ala yeke sigigi na ni ti zia ndo na afini ni.

Awayango-sandaga 26:3

“Tongana ala sara ye alingbi na andia ti mbi, tongana ala bata atënë ti ndia ti mbi si ala sara ye alingbi na ni,

Awayango-sandaga 27:30

“Aye so kue zo amu na *dime: ale ti kobe ti yaka, wala ale ti keke ayeke ti KOTA GBIA: ayeke ye so ayeke nde si ayeke nzoni kue ndali ti KOTA GBIA.

Aggée 2:19

Ale ti kobe angba na ya ti agogoro ti ala? Ataa keke ti vinye, keke ti fige, keke ti grenade nga na keke ti olive ale oko pepe. Ti londo laso ti gue na ni, mbi yeke sara tufa na ndö ti ala.”

Wungo ti azo 18:21

*KOTA GBIA akiri atene: “Mbi yeke mu na azo ti mara ti Lévi *dime ti aye so kue azo ti Israel ayeke wara. So ayeke futa ti ala ndali ti akua ti da ti bongo so mbi, KOTA GBIA na azo ti mbi, e yeke wara tere daa.

Matthieu 6:33

Ala gi lege ti *Kodro-gbia ti Nzapa kozoni, ala sara nga ye so ayeke mbirimbiri na le ti lo; fade lo yeke mu na ala tanga ti aye kue na ndö ni.

Ndia ti fani use ni 12:6

Kâ laa ala yeke gue na *asandaga ti ala so a yeke gbi ni kue na wâ, asandaga ti ala ti beoko, *adime ti ala, amatabisi ti ala, aye so ala deba yanga ti ala ti mungo ni, aye so ala mu na nzoni be nga na akozo molenge ti abagara, ti ataba na ti angasa ti ala.

Ndia ti fani use ni 14:22

Moïse atene: Na ya ti ngu oko oko, alingbi ala azo ti Israel, ala zi *dime ti ale ti kobe kue ti yaka ti ala, ala zia ni nde.

Ndia ti fani use ni 14:29

Tongaso azo ti mara ti Lévi so ayeke na sese tongana ala, azo ti Israel pepe, na awande, anyindu na awali-mua so aduti na ya ti agbata ti ala, ayeke te kobe alingbi na nzara ti ala. Tongaso, fade KOTA GBIA Nzapa ti ala ayeke sara tufa na ndö ti ala na ya ti akua so kue ala yeke sara.

Ndia ti fani use ni 28:12

KOTA GBIA ayeke zi le ti nduzu, ndo so lo yeke bata ngu-Nzapa daa; lo yeke sara si ngu ni apika na ngoi ni na ndö ti sese ti ala, ti sara si aye so kue ala yeke sara aga nzoni. Fade ala yeke hunda yongo na maboko ti zo oko pepe; me ala laa ayeke mu yongo na gba ti azo ti amara nde.