Malashii 2:8 - Mbeti ti Nzapa - Tënë so amu fini

⁸ Me ala awayango-sandaga, ala zia lege so mbi fa na ala so awe. Na lege ti fango ye ti ala, ala sara si azo mingi amu sioni lege. Ala buba lege ti mbuki so ayeke na popo ti mbi na azo ti mara ti Lévi; tënë so KOTA GBIA so ayeke na ndö ti dunia kue atene laa.

Malashii 2:8 ပူးပေါင်းရင်းမြစ်များ

2 Agbia 16:11

Wayango-sandaga Uria asara gbalaka ni alingbi gi na limo nga na kode ni so gbia Ahaz angba na Damas si atokua na lo so. Uria asara gbalaka ni kozo si gbia Ahaz alondo na Damas akiri.

Néhémie 13:29

“Nzapa ti mbi, dabe ti mo lakue so azo asara si kua ti awayango-sandaga aga sioni! Ala sara nga si *mbuki ti mo na awayango-sandaga na azo ti mara ti Lévi aga sioni!”

Abia (Psaumes) 119:102

Mbi zia peko na atënë ti fango ngbanga ti mo pepe, ngbanga ti so mo laa mo fa ye na mbi.

Abia (Psaumes) 18:21

KOTA GBIA asara na mbi aye so, ngbanga ti so sarango ye ti mbi ayeke mbirimbiri; lo sara nzoni na mbi, ngbanga ti so maboko ti mbi avuru.

Amato 12:8

Azo ayeke gonda zo ndali ti hingango ndo ti lo; me zo so be ti lo asi singo na aye ti kirikiri, azo ayeke baa lo tongana mbumbuse zo.

Ésaïe 30:11

Ala zia nzoni lege, ala hon yamba, ala londo na ndö ti nzoni lege. Ala kiri atene na e tënë ti Nzapa ti Israel pepe, lo so lo yeke nde si lo yeke nzoni kue so!”

Ésaïe 59:13

e ke ndia ti mo, e bere tënë ti mo, e ke ti mu peko ti mo, Nzapa ti e, e tene gi atënë ti sarango ngangu na zo nga na sarango ngangu li. Ye so e leke na be ti e na ye so e gbu li ti e daa ayeke gi atënë ti mvene.

Ésaïe 9:16

Ndani laa KOTA GBIA ayeke baa mawa ti amaseka ti azo ni so pepe; anyindu ti ala nga na awali-mua ti ala, lo yeke baa mawa ti ala pepe. Biani, ala kue ake Nzapa, ala yeke azo ti sarango sioni; atënë ti yanga ti ala kue gi buba tënë. Ataa so kue, ngonzo ti KOTA GBIA akai pepe, maboko ti lo angba gi na nduzu.

Jérémie 17:13

*KOTA GBIA, mo laa azo ti Israel azia be ti ala ti ku mo. Azo so kue ado mo azia, ayeke nzoni kamene agbu le ti ala. Azo so azia lege ti mo, ala yeke tongana azo so a su iri ti ala na ya ti fuku ti sese. Biani, ala do mo azia mo awe, KOTA GBIA, mo so mo yeke li ti ngu so ayeke mu fini na zo.

Jérémie 17:5

Tënë so *KOTA GBIA atene ayeke so: “Deba aga na ndö ti zo so be ti lo ahon yongoro na mbi, lo so lo zia be ti lo na ndö ti azo si lo yeke gi ngangu ti lo na lege ti senge zo ti sese!

Jérémie 18:15

Me be ti azo ti mbi agirisa na mbi awe! Ala zö dukani na anzapa so ayeke taa Nzapa pepe. Na ndö ti alege so ala yeke hon daa, anzapa ni asara si ala ti. Lege so ando ala mu ni, anzapa ni ague na ala na mbeni lege nde; ambeni lege so azo ade asuru ni pepe.

Jérémie 2:8

Awayango-sandaga ahunda ndo pepe, atene: ‘KOTA GBIA ayeke na ndo wa?’ Azo so ahinga nda ti *Ndia ahinga mbi pepe. Azo ti li ti kodro ake mbi awe; awayanga-Nzapa ayeke tene peko ti tënë ti yanga ti Baal si ala mu peko ti aye so alingbi ti sara mbeni ye oko pepe.

Ezekiel 22:26

Awayango-sandaga ti ala asara ye alingbi na ndia ti mbi pepe; ndo so a zia nde ndali ti mbi, ala sara si aga sioni. Ye so a zia nde ndali ti mbi na ye so a zia nde pepe, ala kangbi popo ni pepe; ye so ayeke *nzoni na ye so ayeke *sioni, ala fa na azo ti hinga kangbi so ayeke na popo ni pepe. Ala baa *lango ti wungo tere tongana buba ye na le ti ala; ala sara si mbi ga mbumbuse ye na popo ti ala.

Ezekiel 44:10

“Azo ti mara ti Lévi so ahon yongoro na tere ti mbi na ngoi so azo ti Israel amu lege ti kirikiri, ala do mbi azia si ala gue na peko ti ayanda. Ti azo ti mara ti Lévi ni so, fade sioni ti ala ayeke ngba na li ti ala.

Ezekiel 44:12

Ndali ti so ala sara kua na azo ni na ngoi so ala mu peko ti ayanda, ala sara si azo ti Israel ati na ya ti siokpari. Ndani laa mbi yeke ga na tere ti ala; fade sioni ti ala ayeke ngba na li ti ala. So tënë ti yanga ti Kota Gbia NZAPA laa.

Ezekiel 44:7

Na ndembe so ala ga ti mu na mbi kobe so ayeke ti mbi, mafuta nga na mene ti anyama so a mu na *sandaga, ala mu lege na awande so afâ *ganza pepe si ala fâ ganza ti be pepe ti li na ndo so a zia ni nde ndali ti mbi. Na sarango ye tongaso, ala sara si kota da ti mbi aga *sioni. Na lege ti asarango ye ti ala so zo alingbi ti baa na le ti lo fani use pepe so, ala buba ya ti *mbuki so abongbi mbi na ala.

Osée 4:6

Azo ti mbi ayeke kui, ngbanga ti so ala hinga mbi pepe. So mo ke ti hinga mbi, fade mbi nga, mbi yeke ke mo, mo yeke kiri ti duti wayango-sandaga ti mbi pepe. So be ti mo agirisa na ye so Nzapa ti mo afa, fade be ti mbi nga ayeke girisa na amolenge ti mo.

Awayango-sandaga 21:15

Tongaso si na ya ti sewa ti lo, amolenge ti lo alingbi ti ga *sioni pepe. Biani, mbi laa mbi yeke KOTA GBIA so mbi yeke sara titene lo duti nde si lo duti nzoni kue.”

Sofonii 3:4

Awayanga-Nzapa ti lo ayeke azo ti kirikiri, azo ti handango zo; awayango-sandaga ti lo asara si ye so a zia nde ndali Nzapa aga *sioni; ala do ndia na sese.

Malashii 1:6

Tënë so KOTA GBIA so ayeke na ndö ti dunia kue atene na ala, awayango-sandaga ayeke so: “Molenge-koli ayeke ne babâ ti lo, zo ti kua ayeke ne makonzi ti lo. Tongana mbi yeke Babâ ti ala, nengo mbi ni ayeke na ndo wa? Tongana mbi yeke Makonzi ti ala, kpengo mbeto ti mbi ni ayeke na ndo wa? Ti ala awayango-sandaga, ala yeke baa mbi tongana mbumbuse zo. Ala hunda mbi, atene: ‘E baa mo tongana mbumbuse zo tongana nyen?’

Malashii 2:5

Na lege ti mbuki so, mbi sara lani si ala duti na fini nga na siriri; ala kpe mbeto ti mbi. Biani, lani ala kpe mbeto ti mbi si na le ti mbi, ala do na mbeto.

Wungo ti azo 25:12

Ndani laa, tene na lo, mo tene: Mbi sara *mbuki ti mbi na lo titene lo duti na siriri.

Wungo ti azo 25:13

Mbuki ni ayeke ndali ti lo na *ahale ti lo, ayeke mu lege na ala ti sara kua ti wayango-sandaga kpu na kpu. Mbi sara mbuki, ngbanga ti so tënë ti aye ti mbi Nzapa, agbu be ti lo mingi si lo sara nga ye so azi siokpari na li ti azo ti Israel awe.”

Rome 14:21

Ye so ayeke nzoni ayeke titene mo te nyama pepe, mo nyon samba pepe, so ti tene mo ke ti sara ye so kue ita ti mo alingbi ti pika gere ti lo daa ti ti na ya ti siokpari.

Ahebro 3:12

A-ita, le ti ala akpengba! Mbeni zo oko na popo ti ala asara sioni be wala adekite pepe, tongaso si lo zia lege ti Nzapa pepe, lo so lo yeke na fini.

1 Samuel 2:17

Siokpari ti amolenge ti Heli ayeke kota mingi na le ti KOTA GBIA, ngbanga ti so ala yeke baa asandaga so azo ayeke mu na KOTA GBIA tongana senge ye na le ti ala.

1 Samuel 2:24

Amolenge ti mbi, ala zia lege ti sarango ye tongaso. Tënë so mbi ma azo ti KOTA GBIA ayeke tene na iri ti ala so ayeke nzoni pepe.

1 Samuel 2:30

Ndani laa, tënë so KOTA GBIA, Nzapa ti Israel atene ayeke so: Taa-tënë, mbi tene ando na azo ti sewa ti mo nga na azo ti kete mara ti mo, mbi tene: Ala laa ayeke sara ande kua na mbi kpu na kpu, me fadeso, mbi ke awe! Mbi yeke ne azo so ane mbi. Me azo so ake mbi si abaa mbi tongana buba zo, fade a yeke baa ala tongana buba zo. So tënë ti yanga ti mbi KOTA GBIA laa.