Malashii 2:4 - Mbeti ti Nzapa - Tënë so amu fini

⁴ Tongaso, fade ala yeke hinga atene, mbi tene tënë ti gbotongo mê so na ala titene tënë ti *mbuki ti mbi na azo ti mara ti Lévi angba; tënë so KOTA GBIA so ayeke na ndö ti dunia kue atene laa.

Malashii 2:4 ပူးပေါင်းရင်းမြစ်များ

1 Agbia 22:25

Mishe akiri tënë, atene: “Biani, fade mo yeke baa ni na lango so mo yeke londo na ya ti mbeni kubu ti hon na ya ti mbeni kubu nde titene mo honde tere ti mo.”

Néhémie 13:29

“Nzapa ti mbi, dabe ti mo lakue so azo asara si kua ti awayango-sandaga aga sioni! Ala sara nga si *mbuki ti mo na awayango-sandaga na azo ti mara ti Lévi aga sioni!”

Ésaïe 26:11

KOTA GBIA, mo yo maboko ti mo na nduzu ti pika ala, me ala baa ni pepe. Fade ala yeke baa so mo yeke na nzara mingi ti sara na azo ti mo, tongaso kamene ayeke gbu le ti ala. Wâ so a leke ndali ti awato ti mo ayeke gbi azo ni.

Ésaïe 27:9

Lege so a yeke zi sioni na li ti Jacob laa; ye so ayeke si na peko ti zingo siokpari na li ti lo ni ayeke so: fade a yeke nika atêne kue ti agbalaka tongana ti so a yeke nika mbamba si aga fuku. Akeke so azo aleke aluti na nduzu si ala yeke voro ni, wala ata ti wen so ala zia nde titene ala zö dukani na ya ni ayeke kiri ti ngba na nduzu pepe.

Jérémie 28:9

Me tongana mbeni wayanga-Nzapa atene gi tënë ti siriri, fade azo ayeke hinga tongana nyen atene, biani Nzapa laa atokua lo? Azo ayeke hinga ni gi tongana tënë so lo fa, ye ni asi alingbi na ni.”

Ezekiel 33:33

Tongana aye so mo tene tënë ni asi ande, – aye ni aga nduru ti si, – fade ala yeke hinga atene, mbeni wayanga-Nzapa ayeke lani na popo ti ala.”

Ezekiel 38:23

Tongaso, fade mbi yeke fa na gba ti amara nde so mbi yeke kota, mbi yeke nde si mbi yeke nzoni kue. Tongaso, fade ala yeke hinga atene, mbi laa mbi yeke KOTA GBIA.”

Ezekiel 44:7

Na ndembe so ala ga ti mu na mbi kobe so ayeke ti mbi, mafuta nga na mene ti anyama so a mu na *sandaga, ala mu lege na awande so afâ *ganza pepe si ala fâ ganza ti be pepe ti li na ndo so a zia ni nde ndali ti mbi. Na sarango ye tongaso, ala sara si kota da ti mbi aga *sioni. Na lege ti asarango ye ti ala so zo alingbi ti baa na le ti lo fani use pepe so, ala buba ya ti *mbuki so abongbi mbi na ala.

Malashii 3:1

Tënë so *KOTA GBIA so ayeke na ndö ti dunia kue atene laa: “Baa, mbi yeke tokua zo ti mbi; lo yeke leke lege na dawa ti mbi. Gi hio tongaso, kota zo so ala yeke gi lo so, fade lo yeke si na ya ti kota da ti lo. Zo ti tokua so ala sara nzara ti lo so ayeke ga ti fa tënë ti *mbuki ti mbi na ala.

Wungo ti azo 18:2

Mo zia a-ita ti mo azo ti mara ti Lévi, mara ti babâ ti mo titene ala ga nduru na mo; ala yeke mu maboko na mo na ya ti kua ni. Me mo na amolenge ti mo laa ayeke luti na dawa ti da ti sanduku so a zia na ya ni atêne so a su atënë ti *mbuki na le ni.

Wungo ti azo 18:21

*KOTA GBIA akiri atene: “Mbi yeke mu na azo ti mara ti Lévi *dime ti aye so kue azo ti Israel ayeke wara. So ayeke futa ti ala ndali ti akua ti da ti bongo so mbi, KOTA GBIA na azo ti mbi, e yeke wara tere daa.

Wungo ti azo 25:12

Ndani laa, tene na lo, mo tene: Mbi sara *mbuki ti mbi na lo titene lo duti na siriri.

Wungo ti azo 3:11

KOTA GBIA akiri atene na Moïse:

Wungo ti azo 3:12

“Mbi wani laa mbi soro azo ti mara ti Lévi na popo ti azo ti Israel kue titene ala mu plase ti akozo molenge-koli, akozo molenge-koli kue so azi lege ti dungo na mama ti ala. Azo ti mara ti Lévi ayeke azo ti mbi.

Wungo ti azo 3:45

“Mu azo ti mara ti Lévi na plase ti akozo molenge kue ti azo ti Israel; mo mu nga anyama ti azo ti mara ti Lévi na plase ti akozo nyama ti azo ti Israel; azo ti mara ti Lévi ayeke ti mbi. Mbi laa mbi yeke KOTA GBIA.

Matthieu 3:12

Lo gbu ye ti pengo na ale ti kobe na maboko ti lo, lo yeke leke ndo ti pikango ale ti kobe ti lo daa. Na pekoni, lo yeke zia ni na ya ti gogoro, me fade lo yeke bongbi aporo ni ti gbi na ya ti wâ so ayeke mingo laoko pepe.”

Nzoni Tënë so Luc asu na mbeti 10:11

‘Ataa sese ti gbata ti ala so ayeke na gere ti e, e yeke zi ni kue ti kiri na ni na ala; me ayeke nzoni ala hinga atene, kodro-gbia ti Nzapa aga nduru awe!’

Jean 15:2

Maboko ti keke so kue ayeke na ndö ti mbi si ale pepe, Babâ ayeke fâ ni azi; maboko ti keke so ale, lo yeke zi *aguruma ni titene akiri ale mingi.