Malashii 2:16 - Mbeti ti Nzapa - Tënë so amu fini

¹⁶ Tënë so KOTA GBIA, Nzapa ti Israel, atene laa: “Tumbango wali ayeke ye so mbi ke tongana ti so mbi ke zo so ayeke sara ngangu na mba ti lo. Tënë so KOTA GBIA so ayeke na ndö ti dunia kue atene laa. Ala sara hange! Ala bata fini ti ala. Ala buba lege ti mbuki ti ala pepe!”

Malashii 2:16 ပူးပေါင်းရင်းမြစ်များ

Abia (Psaumes) 73:6

Tongaso, baba aga tongana mbeni ye ti go na go ti ala, sarango ngangu na azo aga tongana bongo ti ngangu ngere so ala yeke yu.

Amato 28:13

Zo so ahonde asioni ti lo, aye ti lo ayeke ga nzoni pepe; me zo so afa ni na gigi si lo zia lege ni, fade Nzapa ayeke sara nzoni be na lo.

Amato 5:20

Molenge ti mbi, ngbanga ti nyen si nzara ti wali ti mbeni zo nde asara mo tongana ti so samba asara zo? Ngbanga ti nyen si mo gbu wali so ayeke ti mo pepe na kate ti mo?

Ésaïe 28:20

Biani, ye ni ayeke duti tongana ti so mbeni *mato atene: gbogbo ni ayeke nduru mingi titene zo alango na ndö ni, le ti balangeti ni ayeke kete mingi titene zo abi na ndö ti lo.

Ésaïe 50:1

Tënë so *KOTA GBIA atene ayeke so: “Ala tene: mbi tumba Jérusalem, mama ti ala. Me mbeti ti kangbingo tere ni ayeke na ndo wa? Ala fa ni na mbi! Ala tene nga: mbi ka ala na ngbaa ti futa boon na li ti mbi; zo wa laa mbi ka ala na lo, zo wa? Tongana a ka ala, ayeke ndali ti sioni ti ala; tongana a tumba mama ti ala, ayeke ndali ti ngangu li ti ala.

Nzoni Tënë so Luc asu na mbeti 16:18

“Koli so atumba wali ti lo si lo mu mbeni nde, andaa lo gi wali ti mbeni zo awe; koli so amu wali so koli ti lo atumba lo, andaa lo nga, lo gi wali ti mbeni zo awe.”

1 Korente 7:10

Ti azo so amu wali wala koli awe, mbi yeke mu yanga so na ala (mbi laa mbi mu yanga ni pepe, me *Kota Gbia laa amu yanga ni): alingbi wali akangbi na koli ti lo pepe.