Malashii 2:12 - Mbeti ti Nzapa - Tënë so amu fini

¹² Zo so asara mara ti ye tongaso, ayeke nzoni *KOTA GBIA azi asewa ti lo kue na popo ti azo ti Israel! Ayeke nzoni zo oko akiri angba pepe ti mu *sandaga na iri ti lo na KOTA GBIA so ayeke na ndö ti dunia kue.

Malashii 2:12 ပူးပေါင်းရင်းမြစ်များ

1 Mbai 25:8

A bi mbeni ye ti hinga lege so ala yeke sara na kua ni: ataa akota zo, wala akete zo, ataa azo so ahinga ye nzoni wala ala so angba ti manda ye, a sara kangbi na popo ti ala pepe.

Ésaïe 61:8

Biani, mbi KOTA GBIA, mbi ye titene azo asara ye na lege ti ndia, me mbi ke titene a nzi ye ti zo na lege ti fango lo. Fade mbi yeke futa ala alingbi na ye so ala sara; mbi na ala e yeke sara *mbuki so angba lakue lakue.”

Ésaïe 66:3

Zo ayeke fâ bagara ti mu na *sandaga, me na mbage, lo yeke fâ zo; lo yeke fâ go ti taba, me na mbage, lo yeke mu mbo na sandaga; lo yeke mu sandaga ti farini, me na mbage, lo yeke mu mene ti nguru; lo yeke zö dukani na mbi, me na mbage, lo yeke voro ayanda. Azo so kue asoro lege ti ala wani, be ti ala anzere na afungo ye ti ala ni so.

Ezekiel 14:10

Wayanga-Nzapa so na zo so aga ti hunda lo na tënë, ala use kue ayeke yo ngbanga ti oko sioni so.

Ezekiel 24:21

Tene na azo ti Israel, mo tene: Tënë so Kota Gbia NZAPA atene ayeke so: Mbi yeke sara si ndo so a zia ni nde ndali ti mbi aga sioni. Andaa da ti mbi ni ayeke ye so ala yeke pika kate ti ala ndali ni, ye so apendere na le ti ala, ye so ala zia be ti ala daa ndali ti fini ti ala. Amolenge ti ala ti koli na ti wali so ala zia ala na Jérusalem, fade a yeke fâ ala na yongoro zeme.

Osée 9:12

Ataa ala yeke bata amolenge-koli, mbi yeke kanga lege na ala titene ala kono. Biani, mawa na ala, azo ti Efraim, tongana mbi hon yongoro na tere ti ala!

Awayango-sandaga 18:29

Biani, zo so kue asara mara ti sioni ye tongaso, fade a yeke tumba lo na popo ti azo ti Israel.

Awayango-sandaga 20:3

Ti mbi, fade mbi yeke ga na tere ti zo ni so. Mbi yeke tumba lo na popo ti azo ti Israel, ngbanga ti so lo mu mbeni molenge ti lo oko na sandaga na Molek. Sarango mara ti ye tongaso asara si ndo so a zia nde ndali ti mbi aga *sioni si iri ti mbi so ayeke nde si ayeke nzoni kue aga nga sioni.

Amos 5:22

Asandaga ti anyama so a yeke gbi ni kue na wâ na ale ti kobe ti ala so ala ya na mbi na *sandaga so, be ti mbi anzere na ni oko pepe. Anyama ti mafuta so ala mu na sandaga ti beoko so, mbi ye ti baa na le ti mbi oko pepe.

Zakarii 12:7

KOTA GBIA ayeke soo azo ti sewa ti Juda kozoni, tongaso si *ahale ti David nga na azo so alango na Jérusalem abaa tere ti ala kota ahon azo ti Juda pepe.

Malashii 1:10

Tongana mbeni zo na popo ti ala alondo fade akanga ayanga ti kota da ti mbi titene ala ngba ti tingo wâ na ndö ti gbalaka ti mbi senge senge pepe, ka ayeke nzoni mingi! Biani, be ti mbi anzere na ala pepe. Tënë so KOTA GBIA so ayeke na ndö ti dunia kue atene laa. Aye ti ala so ala yeke ga na ni na mbi na sandaga so, anzere na be ti mbi pepe.

Malashii 1:13

Ala yeke tene nga, atene: ‘Ae! So pasi ti nyen?’ Ala ne mbi pepe. Tënë so KOTA GBIA so ayeke na ndö ti dunia kue atene laa. Ala mu nyama so ala nzi nzingo, wala nyama so gere ti lo abuba, wala nyama so ayeke na kobela si ala mu na mbi na sandaga. Mara ti anyama tongaso laa alingbi ti nzere na be ti mbi? Tënë so KOTA GBIA atene laa.

Malashii 2:10

E kue, e yeke gi na babâ oko pepe? Gi Nzapa oko laa asara e kue pepe? Ngbanga ti nyen si e yeke ka amba ti e na popo ti e? Ngbanga ti nyen si e yeke buba lege ti *mbuki so Nzapa aleke ni na akotara ti e?

Wungo ti azo 24:5

Ala, *ahale ti Jacob, so pendere da ti bongo na ala! Ala, azo ti Israel, so pendere da na ala!

Matthieu 15:14

Ala zia afarizien ni: ala yeke awaziba, ala ye ti fa lege na amba ti ala awaziba! Tongana waziba afa lege na mbeni mba ti lo waziba, fade ala use kue ayeke ti na ya ti du!”

2 Timothée 3:13

Ti azo ti sioni na azo ti handango amba ti ala, fade ala yeke ngba ti sara sioni ti gue na ni; ala yeke handa azo si azo ayeke handa nga ala.

Aye so Nzapa afa 19:20

A gbu nyama ni na wayanga-nzapa ti mvene so asara aye ti kpene na dawa ti lo so. Na lege ti aye ti kpene laa lo wara lege ti handa azo so awara nzoroko ti nyama ni si avoro limo so akpa nyama ni so. A mu ala use kue si a bi ala na fini le ti ala na le ti kota wâ ti *sufre.

1 Samuel 3:14

Ndani laa, mbi deba yanga ti mbi na azo ti sewa ti Heli, mbi tene: Ataa ala mu *sandaga wala mbeni ye na mbi, so laa ayeke zi ande siokpari na li ti ala laoko pepe.”