Malashii 2:11 - Mbeti ti Nzapa - Tënë so amu fini

¹¹ Azo ti Juda asara ye so ayeke nde na tënë ti mbuki ni. Na Jérusalem nga na kodro ti Israel kue, ala sara ye ti sioni mingi. Biani, ndo so a zia ni nde ndali ti KOTA GBIA si lo ye tënë ni mingi so, ala sara si aga buba ye na lege ti mungo ambeni wali so ayeke voro anzapa nde.

Malashii 2:11 ပူးပေါင်းရင်းမြစ်များ

Esdras 10:2

Tongaso Shekania, molenge ti Yehiel, mbeni zo ti kete mara ti Elam atene na Esdras: “E sara ye so ayeke sioni mingi na Nzapa ti e na lege so, na popo ti azo ti kodro ni, e mu awali so ayeke awande ti ga awali ti e. Me fadeso, mbeni ye so azo ti Israel alingbi ti zia be ti ala ti ku ayeke daa:

Esdras 9:12

Tongaso ala azo ti Israel, ala mu amolenge ti ala ti wali na amolenge-koli ti amara ni pepe; ala soro awali na popo ti azo ti amara ni pepe ti mu na amolenge ti ala ti koli. Ala gi nzoni dutingo na nzoni maingo ti amara ni pepe; tongaso si ala, azo ti Israel, ala lingbi ti ga ngangu mara, ala yeke te anzoni ye ti sese ni si ala yeke zia sese ni na amolenge ti ala titene aga ti ala kpu na kpu.’

Abia (Psaumes) 106:28

Na hoto ti Peor, ala mu tere ti ala na nzapa *Baal, ala te anyama so a mu na *sandaga na anzapa so ayeke na fini pepe.

Jérémie 2:3

Israel, mo yeke ando ye so a bata nde gi ndali ti KOTA GBIA. Mo yeke tongana akozo le ti kobe so ayeke ti lo; tongana ambeni zo ate ni, ala yeke wara tënë: sioni ye ayeke wara ala.’ So tënë ti yanga ti KOTA GBIA laa.”

Jérémie 3:10

Ataa ye so kue asi, ita ti lo ti wali Juda-wali-gbanambana akiri na mbi na be ti lo kue pepe, me na lege ti handango ndo”; so tënë ti yanga ti KOTA GBIA laa.

Jérémie 7:10

Na pekoni, ala yeke ga ti luti na le ti mbi na ya ti kota da so a di iri ti mbi daa si ala yeke tene: ‘Nzapa asoo e awe!’ si ala ngba ti sara asioni ye so kue ti gue na ni?

Ezekiel 18:13

Tongana lo sara boon ti nginza na mbeni zo, lo yeke hunda gba ti nginza na ndö ni, lo yeke gi ti wara mbeni ye na peko ni. Mara ti molenge tongaso ayeke ngba na fini? Oko pepe! So lo sara aye so kue zo alingbi ti baa na le ti lo fani use pepe so, fade lo yeke kui si ngbanga ti mene ti lo ayeke kiri na li ti lo wani.

Ezekiel 22:11

Ala yeke sara ye ti potopoto na awali ti amba ti ala, ala yeke lango na awali ti amolenge ti ala; na ndo ti mo, ala yeke lango na a-ita ti ala ti wali, babâ oko.

Osée 6:7

“Me ti ala, na ya ti gbata ti Adam, ala buba ya ti *mbuki ni awe. Kâ si ala ka mbi.

Awayango-sandaga 20:26

“Ayeke nzoni ala duti nde, ala duti nzoni kue ndali ti mbi, ngbanga ti so mbi KOTA GBIA, mbi yeke nde si mbi yeke nzoni kue. Mbi zia ala nde na popo ti amara nde titene ala ga azo ti mbi.

Malashii 1:1

Nengo tënë. So tënë ti *KOTA GBIA so lo zia na yanga ti Malashii ti tene na azo ti Israel.

Ndia ti fani use ni 14:2

Biani, ala yeke azo ti mara so a zia ala nde ndali ti KOTA GBIA Nzapa ti ala. Na popo ti amara ti sese kue, gi ala laa KOTA GBIA Nzapa ti ala asoro ala titene ala ga azo ti lo wani.

Aye so Nzapa afa 21:8

Me ti azo ti mbeto, azo so azia lege ti mabe, azo ti sarango asioni ye, azo ti fango zo, azo ti sarango aye ti ndumba, azo ti guengo na gbe ti yoro, azo ti vorongo anzapa nde nga na azo ti mvene kue, ye so a leke ti ku na ala ayeke kota le ti wâ ti *sufre. So laa ayeke kuâ ti use ni.”

Awafango-ngbanga 3:6

Azo ti Israel amu amolenge-wali ti amara so titene aga awali ti ala; ala mu nga amolenge ti ala ti wali na akoli ti amara so, ala voro nga anzapa ti ala.