Nzoni Tënë so Luc asu na mbeti 9:61 - Mbeti ti Nzapa - Tënë so amu fini

⁶¹ Mbeni akiri atene na lo: “Fade mbi yeke mu peko ti mo, me mo zia mbi gue, mbi bara asewa ti mbi si.”

Nzoni Tënë so Luc asu na mbeti 9:61 ပူးပေါင်းရင်းမြစ်များ

1 Agbia 19:20

Élisée azia abagara ni, lo mu loro na peko ti Élie si lo tene na lo: “Mo zia, mbi gue, mbi su ngbangba ti babâ na mama ti mbi si; na pekoni fade mbi yeke ga ti mu peko ti mo.” Élie atene na lo: “Mo gue! Mo kiri na yanga ti kua ti mo. Nyen laa mbi sara na mo, nyen?”

Zo ti bongbingo azo 9:10

Kua so kue mo yeke na ngangu ti sara, mo sara ni, ngbanga ti so na ndo ti akuâ so mo yeke gue ande daa, mbeni kua, wala gbungo-li, wala hingango ndo, wala ndara ayeke daa pepe.

Nzoni Tënë so Luc asu na mbeti 14:26

“Tongana zo aga na mbi, alingbi lo ye mbi ahon babâ ti lo, mama ti lo, wali ti lo, amolenge ti lo, a-ita ti lo ti koli na ti wali nga na tere ti lo wani si lo duti disiple ti mbi.

2 Korente 2:13

be ti mbi angba gi na nduzu, ngbanga ti so mbi baa ita ti mbi Tite pepe. Ndani laa mbi bara azo ni si mbi hon, mbi gue na sese ti Masedoane.

Ndia ti fani use ni 33:9

Ala baa babâ na mama ti ala tongana azo pepe, ala baa amolenge ti ala na a-ita ti ala tongana azo pepe; me ala bata tënë ti yanga ti mo, ala sara ye alingbi na *mbuki ti mo.