Nzoni Tënë so Luc asu na mbeti 9:59 - Mbeti ti Nzapa - Tënë so amu fini

⁵⁹ Lo tene na mbeni zo ni, lo tene: “Mu peko ti mbi!” Me zo ni akiri tënë na lo: “Zia mbi gue, mbi lu kuâ ti babâ ti mbi si.”

Nzoni Tënë so Luc asu na mbeti 9:59 ပူးပေါင်းရင်းမြစ်များ

1 Agbia 19:20

Élisée azia abagara ni, lo mu loro na peko ti Élie si lo tene na lo: “Mo zia, mbi gue, mbi su ngbangba ti babâ na mama ti mbi si; na pekoni fade mbi yeke ga ti mu peko ti mo.” Élie atene na lo: “Mo gue! Mo kiri na yanga ti kua ti mo. Nyen laa mbi sara na mo, nyen?”

Aggée 1:2

Tënë so KOTA GBIA so ayeke na ndö ti dunia kue atene ayeke so: “Azo ti kodro so ayeke tene: ‘Ngoi ti sarango kota da ti KOTA GBIA ade ti lingbi pepe’ ”

Matthieu 16:24

Na pekoni, Jésus atene na adisiple ti lo: “Tongana mbeni zo aye ti mu peko ti mbi, ayeke nzoni lo zia ti gbu li ti lo na ndö ti lo wani, lo yo keke ti kroa ti lo si lo mu peko ti mbi.

Matthieu 6:33

Ala gi lege ti *Kodro-gbia ti Nzapa kozoni, ala sara nga ye so ayeke mbirimbiri na le ti lo; fade lo yeke mu na ala tanga ti aye kue na ndö ni.

Matthieu 9:9

So Jésus alondo na ndo so ti hon, lo baa mbeni koli so iri ti lo Matthieu; lo yeke duti na ndo so azo ayeke futa lapo daa. Jésus atene na lo: “Mu peko ti mbi!” Matthieu alondo si lo mu peko ti Jésus.

Nzoni Tënë so Luc asu na mbeti 9:60

Jésus atene na lo: “Zia akuâ alu akuâ ti ala; me ti mo, mo gue, mo fa na azo tënë ti kodro-gbia ti Nzapa.”