Nzoni Tënë so Luc asu na mbeti 9:54 - Mbeti ti Nzapa - Tënë so amu fini

⁵⁴ So adisiple ti lo, Jacques na Jean abaa tongaso, ala tene na lo: “*Kota Gbia, mo ye e hunda wâ ti nduzu ati na ndö ti ala si agbi ala kue?”

Nzoni Tënë so Luc asu na mbeti 9:54 ပူးပေါင်းရင်းမြစ်များ

2 Samuel 16:9

Abishai, so iri ti lo ayeke Seruya atene na gbia: “Gbia ti mbi, kuâ ti mbo so ayeke deba mo ngbanga ti nyen? Zia mbi gue, mbi de go ti lo.”

2 Samuel 21:2

Gbia airi azo ti Gabaon ti tene tënë na ala. Azo ti Gabaon ayeke azo ti Israel pepe; me ala yeke tanga ti azo ti Amori so angba na fini. Azo ti Israel adeba yanga ti ala lani ti bata fini ti azo ti Gabaon. Me Saul, so tënë ti azo ti Israel na ti Juda agbu be ti lo ahon ndoni agi lege ti fâ azo ti Gabaon ti hunzi ala.

2 Agbia 1:9

Gbia atokua mbeni makonzi ti aturugu so lo yeke na li ti aturugu baleoku na aturugu ti lo baleoku ti gbu Élie. Ala gue na li ti hoto si ala wara Élie so ayeke duti kâ. Makonzi ti aturugu ni atene na lo: “Zo ti Nzapa, gbia amu yanga, atene: Mo zu!”

2 Agbia 10:16

Yehu atene na Yonadab: “Ga na tere ti mbi, fade mo yeke baa nzara ti *KOTA GBIA so ayeke gbi na be ti mbi.” Yehu amu lo na tere ti lo na ya ti pusu ti mbarata ti lo si ala gue legeoko na tambula ni.

2 Agbia 10:31

Me Yehu amu be ti lo kue pepe ti sara ye alingbi na tënë ti *ndia ti KOTA GBIA, Nzapa ti Israel. Siokpari so Yeroboam, molenge ti Nebat apusu lani azo ti Israel si ala sara so, Yehu azia lege ni pepe.

Zo ti bongbingo azo 3:3

Ngoi ti fango zo ayeke daa, ngoi ti kaingo kobela na tere ti zo ayeke daa; ngoi ti kungbingo da ayeke daa, ngoi ti sarango da ayeke daa.

Marc 3:17

Jacques na ita ti lo Jean so ala yeke amolenge ti Zebede – Jésus adi iri ti ala Boanerges, so nda ni atene: “Amolenge ti bekpa” –,

Nzoni Tënë so Luc asu na mbeti 9:55

Me Jésus abi le ti lo, lo baa ala, lo suku na ala

Aye so Nzapa afa 13:13

Nyama so asigigi na ya ti sese asara akota ye ti kpene; lo sara titene wâ alondo na nduzu, ati na sese na le ti azo kue.

Aye so Nzapa afa 13:3

Mbeni li ti nyama ni oko awara kota ka; ka ni akpa fade titene lo kui na ni, me ka ni amu. Azo ti sese kue agonda ye ni si ala mu peko ti nyama ni.