Nzoni Tënë so Luc asu na mbeti 9:43 - Mbeti ti Nzapa - Tënë so amu fini

⁴³ Li ti azo kue akpe ndali ti so ala baa atene, Nzapa ayeke kota. So azo ni angba ti gonda aye so kue Jésus asara, lo tene na adisiple ti lo:

Nzoni Tënë so Luc asu na mbeti 9:43 ပူးပေါင်းရင်းမြစ်များ

Abia (Psaumes) 139:14

KOTA GBIA, mbi mu singila na mo ngbanga ti so mo sara mbi na lege ti ye ti kpene; aye so mo sara ayeke aye ti dongo be. Biani, mbi hinga ni nzoni.

Zakarii 8:6

Tënë so KOTA GBIA so ayeke na ndö ti dunia kue atene ayeke so: Tongana tanga ti azo ti Israel so angba abaa so ye ni alingbi ti si laoko pepe, ti mbi, mbi lingbi ti baa ye ni tongaso? – so tënë ti yanga ti KOTA GBIA so ayeke na ndö ti dunia kue laa.

Matthieu 17:22

So adisiple abongbi tere ti ala na Galile, Jésus atene na ala: “Fade a yeke zia *Molenge ti Zo na maboko ti azo

Marc 6:51

Na pekoni, lo ko na ya ti ngo na tere ti ala si pupu ni akai. Li ti adisiple ti lo kue akpe,

Nzoni Tënë so Luc asu na mbeti 18:43

Gi hio tongaso, le ti lo azi si lo mu peko ti Jésus, lo yeke gonda Nzapa. Azo so kue abaa ye ni ayeke gonda nga Nzapa.

Nzoni Tënë so Luc asu na mbeti 4:36

Li ti azo ni kue akpe si ala tene na popo ti ala, atene: “So mara ti tënë ti nyen laa? Lo yeke mu yanga na ngangu tongana gbia na asioni yingo si ala yeke sigigi!”

Nzoni Tënë so Luc asu na mbeti 5:26

Li ti azo ni kue akpe; ala yeke gonda Nzapa, mbeto agbu ala si ala tene: “Laso, e baa akota ye ti kpene!”

Nzoni Tënë so Luc asu na mbeti 5:9

Mbeto agbu Simon na azo so kue ayeke na tere ti lo, ngbanga ti so ala gbu asusu gbani gbani.

Nzoni Tënë so Luc asu na mbeti 8:25

Na pekoni, lo tene na adisiple ti lo: “Mabe ti ala ayeke na ndo wa?” Mbeto agbu ala, li ti ala kue akpe si ala yeke tene na popo ti ala, atene: “Koli so ayeke zo wa si lo suku na pupu nga na ngu si ala kue ama yanga ti lo so?”

Nzoni Tënë so Luc asu na mbeti 9:42

So molenge ni asi, sioni yingo ni abi lo na sese si ayeke yingi lo ngangu. Me Jésus asuku ngangu na sioni yingo ni; lo sara si tere ti molenge ni akiri aga nzoni si lo kiri na lo na babâ ti lo.

2 Pierre 1:16

Biani, na lege ti ambeni tënë ti ya ti li ti azo wani, atënë so ala sigigi na ni na lege ti kode laa e fa tënë ti ngangu ti *Kota Gbia ti e Jésus Christ na tënë ti gango ti lo pepe. Me e baa kota gonda ti lo kue na le ti e wani.