Nzoni Tënë so Luc asu na mbeti 9:38 - Mbeti ti Nzapa - Tënë so amu fini

³⁸ Mbeni koli na popo ti azo ni adekongo, atene: “Wafango-ye, mbi gbu gere ti mo, bi le ti mo na ndö ti molenge ti mbi, ngbanga ti so gi oko molenge ti mbi laa.

Nzoni Tënë so Luc asu na mbeti 9:38 ပူးပေါင်းရင်းမြစ်များ

Tongo nda ti aye 44:20

E kiri tënë na mo, e tene: ‘Babâ ti e ayeke daa, lo ga mbakoro awe. Lo yeke na mbeni kete molenge so lo du lo na ndembe so lo ga mbakoro awe. Mbeni ita ti molenge ni ti koli akui awe; gi lo oko na ya ti mama ti lo laa, lo ngba na fini si babâ ti lo aye lo mingi.’

Zakarii 12:10

Mbi yeke sara titene yingo ti sarango ye ti nzoni na yingo ti sambelango mbi aga na ndö ti *ahale ti David nga na ndö ti azo ti gbata ti Jérusalem. Fade ala yeke baa ndo na mbage ti mbi, lo so ala kpo lo so. Ala yeke toto kuâ ti lo tongana ti so a yeke toto kuâ ti oko molenge-koli. Ala yeke toto lo ngangu mingi tongana ti so a yeke toto kuâ ti kozo molenge.

Matthieu 15:22

Mbeni wali ti kodro ti Kanaan aga si lo dekongo, lo tene: “*Kota Gbia, Molenge ti David, baa mawa ti mbi! Molenge ti mbi ti wali ayeke na sioni yingo na ya ti lo si asara lo pasi mingi.”

Nzoni Tënë so Luc asu na mbeti 7:12

Na ndembe so lo si nduru na yanga ti gbata ni, lo baa azo ayo mbeni kuâ ti gue ti lu ni: kuâ ni ayeke ti oko molenge-koli ti mbeni wali-mua. Gba ti azo ti gbata ni ayeke na tere ti mama ni si ayeke gue ti lu kuâ ni.

Nzoni Tënë so Luc asu na mbeti 9:37

Lango oko na pekoni, na ndembe so ala londo na li ti hoto ni si ala zu awe, gba ti azo aga atengbi na Jésus.

Nzoni Tënë so Luc asu na mbeti 9:39

Lakue tongana sioni yingo agbu lo, lo yeke dekongo, sioni yingo ni ayeke yingi lo mingi, asara si *furu ayeke sigigi na yanga ti lo; sigingo ti sioni yingo ni na ya ti molenge ni ayeke ngangu. Tongana lo ga ti sigigi, andaa molenge ni awoko kue awe.

Jean 4:47

So kota zo ni ama a tene, Jésus alondo na Judée asi na Galile, lo gue, lo wara lo. Lo voro Jésus titene lo gue, lo kai kobela na tere ti molenge ti lo so aga nduru ti kui.