Nzoni Tënë so Luc asu na mbeti 9:24 - Mbeti ti Nzapa - Tënë so amu fini

²⁴ Biani, zo so aye ti soo fini ti lo, fade lo yeke girisa ni; me zo so ayeke girisa fini ti lo ndali ti mbi, fade lo yeke soo ni.

Nzoni Tënë so Luc asu na mbeti 9:24 ပူးပေါင်းရင်းမြစ်များ

Zo ti bongbingo azo 3:6

Ngoi ti gingo ye ayeke daa, ngoi ti girisango ye ayeke daa; ngoi ti batango ye ayeke daa, ngoi ti bingo ye ayeke daa.

Matthieu 10:39

Zo so aye ti bata fini ti lo, fade lo yeke girisa ni; me zo so agirisa fini ti lo ndali ti mbi, fade lo yeke kiri ti wara ni.”

Nzoni Tënë so Luc asu na mbeti 17:33

Zo so agi lege ti bata fini ti lo, fade lo yeke girisa ni; me zo so agirisa fini ti lo, fade lo yeke bata ni.

Jean 12:25

Zo so aye ti bata fini ti lo ndali ti lo wani, fade lo yeke girisa ni; me zo so ake fini ti lo na ndö ti dunia so, fade lo yeke bata ni ndali ti fini so angba lakue lakue.

Ahebro 11:35

Na lege ti mabe, ambeni wali akiri awara azo ti ala so akui na peko ti so azo ni azingo na kuâ. Ti ambeni, a sara ala sana; me ala ke titene a sigigi na ala na ya ti sana ni ndali ti so ala ye ti duti na fini so ayeke nzoni ahon ti kozoni na peko ti zingongo ti ala na kuâ.

Aye so Nzapa afa 12:11

A-ita ti e ni ahon ndö ti lo na lege ti mene ti Molenge ti Taba nga na lege ti taa-tënë so ala fa ni. Ala baa fini ti ala tongana senge ye si ala yeda ti ka tere ti ala na kuâ.

Aye so Nzapa afa 2:10

Mo yeke baa ande pasi, me ayeke nzoni mbeto ti pasi ni asara mo pepe. Baa, fade Zabolo ayeke bi ambeni zo na popo ti ala na da ti kanga, ti tara be ti ala, azo ti Nzapa; na ya ti lango baleoko kue, a yeke sara ngangu na ala. Ayeke nzoni mo bata tënë ti mbi ngbii asi na kuâ, fade mbi yeke mu na mo nzoni ye so a yeke mu na zo so aso benda, so ti tene fini so angba lakue lakue.