Nzoni Tënë so Luc asu na mbeti 9:12 - Mbeti ti Nzapa - Tënë so amu fini

¹² So lâ ayeke kui, *awatokua baleoko na use aga nduru na tere ti lo si ala tene na lo: “Zia lege na azo so ti gue na ya ti akodro na akete kodro ti yanga ti yaka so ayeke nduru ge titene ala gi ndo ti lango daa si ala wara kobe ti tengo ni, ngbanga ti so e yeke na ndo so na ya ti ngonda.”

Nzoni Tënë so Luc asu na mbeti 9:12 ပူးပေါင်းရင်းမြစ်များ

Ezekiel 34:25

“Fade mbi yeke sara *mbuki ti siriri na ala, mbi yeke zi asioni nyama na ya ti kodro ni. Tongaso, fade ataba ti mbi alingbi ti duti na siriri na ya ti benyama si ala lango na ya ti ngonda.

Osée 13:5

Mbi, mbi hinga mo na benyama, na sese so ndo-wâ na holengo ndo ayeke daa mingi so.

Matthieu 14:13

So Jésus ama tënë so, lo londo na ndo so, lo ko na ya ti ngo si lo gue na mbeni ndo so zo ayeke daa pepe. Gba ti azo ama a tene, lo hon; ala londo na ya ti agbata nde nde si ala mu peko ti lo na gere.

Matthieu 15:23

Me Jésus akiri tënë oko na lo pepe. Adisiple ti lo aga nduru na tere ti lo si ala tene na lo: “Mo tumba lo, ngbanga ti so lo yeke dekongo si lo yeke mu gi peko ti e.”

Matthieu 15:32

Jésus airi adisiple ti lo si lo tene na ala: “Mawa ti gba ti azo so agbu mbi, ngbanga ti so na ya ti alango ota so ala yeke na tere ti mbi, ala yeke na ye ti tengo ni pepe. Mbi ye ti zia ala titene ala gue na nzara na ya ti ala pepe, ngbanga ti ala woko na nzara na lege.”

Nzoni Tënë so Luc asu na mbeti 9:11

Gba ti azo ama tënë ni si ala mu peko ti lo. Jésus ayamba ala, lo fa tënë ti kodro-gbia ti Nzapa na ala si lo kai kobela ti ala so tere ti ala ayeke so.

Nzoni Tënë so Luc asu na mbeti 9:13

Me Jésus atene na ala: “Ala wani amu na ala kobe, ala te!” Ala kiri tënë na lo: “E yeke gi na mapa oku na asusu use. Mo ye e gue, e vo kobe ti tengo ni ndali ti azo so kue so?”

Jean 6:1

Na pekoni, Jésus amu lege, lo gue na mbage ti kota ngu ti Galile, so mbeni iri ni Tiberiade.

Filipe 1:19

Biani, mbi hinga: fade ye so kue ayeke sara titene mbi soo kuâ ndali ti sambela ti ala nga ndali ti maboko so Yingo ti Jésus Christ ayeke mu na mbi.