Nzoni Tënë so Luc asu na mbeti 8:54 - Mbeti ti Nzapa - Tënë so amu fini

⁵⁴ Me Jésus agbu maboko ti molenge ni, lo iri lo, lo tene: “Molenge ti mbi, londo!”

Nzoni Tënë so Luc asu na mbeti 8:54 ပူးပေါင်းရင်းမြစ်များ

Jérémie 31:32

Mbuki ni ayeke duti nde na ti so lani mbi na akotara ti ala e sara na ngoi so mbi gbu maboko ti ala ti sigigi na ala na Ezipte. Akotara ti ala abuba tënë ti ya ti mbuki ni, ataa so mbi laa mbi yeke lani wa ti ala; so tënë ti yanga ti KOTA GBIA laa.

Matthieu 9:25

So ala tumba azo ni kue na gigi awe, Jésus ali na ya ti da ni; lo gbu maboko ti molenge-wali ni si molenge-wali ni azingo.

Marc 1:31

Lo gue na tere ti lo, lo gbu maboko ti lo si lo mu lo na nduzu. Tere ti mama ni ade, lo londo si lo to nda ti sara na ala.

Marc 8:23

Jésus agbu maboko ti waziba ni si asigigi na lo na ya ti kodro ni. Na pekoni, lo tuku ngu ti yanga ti lo, lo zia na le ti zo ni; lo zia maboko na ndö ti lo si lo hunda lo, atene: “Mo baa mbeni ye?”

Marc 9:27

Me Jésus agbu maboko ti lo, amu lo na nduzu si lo luti.

Nzoni Tënë so Luc asu na mbeti 8:51

So Jésus asi na da ni, lo mu lege gi na Pierre, Jean na Jacques, na babâ ti molenge ni na mama ti lo titene ala na lo ali na ya ti da ni.

Nzoni Tënë so Luc asu na mbeti 8:53

Ala he lo na ngia, ngbanga ti so ala hinga atene, molenge ni akui awe.

Nzoni Tënë so Luc asu na mbeti 8:55

Yingo ti lo akiri na ya ti tere ti lo si gi hio tongaso, lo londo. Jésus amu yanga, atene: “Ala mu na lo kobe, lo te.”

Jean 11:43

Na peko ti tënë so, Jésus adekongo, lo tene: “Lazare, sigigi!”

Jean 5:21

Tongana ti so Babâ ayeke zingo akuâ si lo yeke mu na ala fini, Molenge nga ayeke mu fini na zo so be ti lo aye.

Awatokua 9:40

Pierre ahunda na azo ni kue ti sigigi; lo kuku na sese, lo sambela. Na pekoni, lo baa ndo na mbage ti kuâ ni si lo tene: “Tabita, londo!” Wali ni azi le ti lo si na bango Pierre, lo londo, lo duti na nduzu.

Rome 4:17

Biani, Mbeti ti Nzapa atene: “Mbi sara si mo ga kotara ti gba ti amara.” Na le ti Nzapa, lo yeke taa kotara ti e ndali ti mabe ti lo. Nzapa so ayeke mu fini na akuâ, na lege ti tënë ti yanga ti lo, ye so ayeke daa pepe, lo sara si ye ni abaa gigi.