Nzoni Tënë so Luc asu na mbeti 8:43 - Mbeti ti Nzapa - Tënë so amu fini

⁴³ Mbeni wali ayeke kâ, mene ayeke ga na tere ti lo mingi mingi, asara ngu baleoko na use awe. Wali so abuba aye ti lo kue na lege ti awanganga ndali ti kobela so, me zo oko awara lege ti kai kobela ni pepe.

Nzoni Tënë so Luc asu na mbeti 8:43 ပူးပေါင်းရင်းမြစ်များ

2 Mbai 16:12

Na ngu baleota na gumbaya ni so Asa ale-gbia, mbeni ngangu kobela ti gere asara lo. Ataa na ya ti songo tere ti lo ni, lo gi *KOTA GBIA pepe, me lo gue ti baa awanganga.

Mbeti ti Job 13:4

Ti ala, ala kanga ndö ti taa-tënë na tenengo mvene; ala kue, ala yeke awanganga so ahinga ye oko pepe.

Abia (Psaumes) 108:12

Gi mo oko Nzapa laa, mo so mo ke e awe so, mo so mo ke ti gue na aturugu ti e na bira so, mo laa mo lingbi fade ti sara ni.

Ésaïe 2:22

Ala zia be ti ala na ndö ti zo pepe! Fini ti lo ayeke gi pupu so ayeke sigigi na hon ti lo. Lo yeke nyen?

Marc 12:44

Biani, tanga ti azo ni abi ti ala nginza so ala yeke na ye ti sarango na ni pepe; me ti lo, na ya ti yere ti lo, lo bi nginza so kue angba na lo ti te na kobe.”

Marc 9:18

Na ndo kue, tongana sioni yingo ni agbu lo, lo yeke kinda lo na sese, *furu ayeke sigigi na yanga ti lo, lo yeke te pembe ti lo ngangu si tere ti lo kue akpengba kpengbango. Mbi hunda na adisiple ti mo ti tumba sioni yingo so, me ala ha gbaa.”

Nzoni Tënë so Luc asu na mbeti 13:11

Mbeni wali ayeke kâ; sioni yingo ayeke na ya ti lo asara ngu baleoko na miombe awe. Sioni yingo ni asara si peko ti lo aba bango, lege ti lo ti luti mbirimbiri ayeke daa pepe.

Nzoni Tënë so Luc asu na mbeti 13:16

Wali so ayeke *hale ti Abraham si Satan akanga lo asara ngu baleoko na miombe. Mbi lingbi ti zi lo na ya ti kamba so lo yeke daa so na lango ti wungo tere pepe?”

Nzoni Tënë so Luc asu na mbeti 8:27

So Jésus alondo na ya ti ngo ni si lo yeke zu na sese, mbeni zo ti gbata ni so ayeke na asioni yingo aga atengbi na lo. Ngu mingi, zo ni ayu bongo pepe, lo yeke lango nga na ya ti da pepe, me lo yeke lango gi na popo ti adu ti kuâ.

Nzoni Tënë so Luc asu na mbeti 8:42

ngbanga ti so oko molenge ti lo ti wali, ngu ti lo ayeke nduru na ngu baleoko na use ayeke kui. So Jésus amu lege ti gue, azo gbani gbani ayeke na tere ti lo si ala yeke pete lo mbage na mbage.

Nzoni Tënë so Luc asu na mbeti 8:44

Lo ga na mbage ti peko ti Jésus si lo ndu yanga ti bongo ti lo. Gi hio tongaso, kobela ti mene ni akai.

Jean 9:1

So Jésus ayeke hon na lege, lo baa mbeni zo so a du lo waziba.

Jean 9:21

Me e hinga ye so asara si lo yeke baa ndo fadeso pepe; e hinga nga zo so azi le ti lo pepe. Ala hunda lo, lo ga koli awe, fade lo wani, lo yeke kiri tënë daa na ala.”

Awatokua 3:2

Mbeni koli so a du lo na bubango gere ayeke na yanga ti kota da ti Nzapa so iri ni “Pendere-yanga-da”. Lakue azo ayeke ga na lo azia lo na yanga ti da ni titene lo iri ye na maboko ti azo so ayeke li na ya ti kota da ti Nzapa.

Awatokua 4:22

Koli so tere ti lo aga nzoni na lege ti ye ti kpene so, ngu ti lo ahon baleosio.