Nzoni Tënë so Luc asu na mbeti 8:39 - Mbeti ti Nzapa - Tënë so amu fini

³⁹ “Kiri na ndo ti mo si mo fa peko ti ye so kue Nzapa asara na mo.” Koli ni ague si lo yeke fa tënë ti ye so kue Jésus asara na lo so na azo ti gbata ni kue.

Nzoni Tënë so Luc asu na mbeti 8:39 ပူးပေါင်းရင်းမြစ်များ

Abia (Psaumes) 66:16

Ala so kue ayeke kpe mbeto ti Nzapa, ala ga, ama; fade mbi yeke fa na ala ye so lo sara ndali ti mbi.

Marc 1:45

Me koli so ahon gi kete, lo to nda ti dekongo na tënë ni si lo fa ni na azo kue. Ndani laa, Jésus alingbi ti li na ya ti ambeni gbata na le ti azo pepe; lo gue, lo duti na ndo so azo ayeke daa pepe. Azo alondo na ya ti ando nde nde si ala gue na lo kâ.

Marc 5:18

So Jésus ako na ya ti ngo ti gue, koli so fade ayeke na asioni yingo so avoro lo ti ngba na tere ti lo.

Marc 5:19

Me Jésus ake si lo tene na koli ni: “Kiri na ndo ti mo, na ya ti sewa ti mo si mo fa na azo tënë ti ye so kue *Kota Gbia asara ndali ti mo na lege ti nzoni be ti lo.”

Nzoni Tënë so Luc asu na mbeti 8:38

Koli so asioni yingo asigigi fade na ya ti lo so ahunda mingi na Jésus ti ngba na tere ti lo. Me Jésus ake na lo, atene:

Nzoni Tënë so Luc asu na mbeti 8:40

So Jésus akiri awe, gba ti azo aku lo ti yamba lo.

Jean 4:29

“Ala ga abaa mbeni koli so atene na mbi tënë ti aye so kue mbi sara. Wala Mesii ni laa?”

Ndia ti fani use ni 10:21

Lo laa alingbi ala sepela lo, lo laa lo yeke Nzapa ti ala. Ndali ti ala laa lo sara akota ye na aye ti ziango mbeto na be ti zo so ala wani abaa na le ti ala so.

1 Timothée 5:8

Tongana mbeni zo abata azo ti lo na legeni pepe si lo hinga ti bata taa azo ti sewa ti lo na legeni pepe, lo zia lege ti mabe awe. Sioni ti lo ahon sioni ti azo so ake ti ma na be.