Nzoni Tënë so Luc asu na mbeti 8:32 - Mbeti ti Nzapa - Tënë so amu fini

³² Andaa na ndo ni so, gba ti anguru ayeke te kobe na li ti hoto. Asioni yingo ni avoro Jésus titene lo zia ala, ala li na ya ti anguru ni; lo yeda na ala.

Nzoni Tënë so Luc asu na mbeti 8:32 ပူးပေါင်းရင်းမြစ်များ

1 Agbia 22:22

Yingo ni akiri tënë, atene: ‘Fade mbi yeke gue si mbi yeke ga yingo ti mvene na yanga ti awayanga-nzapa kue ti gbia.’ KOTA GBIA atene na lo: ‘So nzoni lege ti handango lo laa; gue, mo sara gi tongaso.’ ”

Mbeti ti Job 1:10

Mo bata lo mbage na mbage kue, asewa ti lo nga na aye so kue lo yeke na ni. Mo sara tufa na ndö ti akua so lo yeke sara si anyama ti lo amu ya ti kodro kue.

Mbeti ti Job 1:12

Tongaso KOTA GBIA atene na Satan: “Nzoni! Aye so kue lo yeke na ni, mbi zia na maboko ti mo. Gi ye oko, mo ndu tere ti lo pepe.” Na pekoni, Satan alondo na dawa ti KOTA GBIA ahon.

Mbeti ti Job 2:6

Tongaso KOTA GBIA atene na Satan: “Nzoni! Mbi zia lo na maboko ti mo. Gi ye oko, mo bata fini ti lo.”

Abia (Psaumes) 62:11

Ala zia be ti ala na ndö ti sarango ngangu na azo pepe, ala zia be ti ala na ndö ti aye so ala gbu na ngangu pepe. Tongana ala wara mosoro mingi, ala zia be ti ala na ndö ni pepe.

Ésaïe 65:4

Ala yeke duti na popo ti asende ti kuâ, ala yeke lango na ya ti adu ti têne; ala yeke te kasa ti nguru, ya ti asembe ti ala asi singo na kobe so ayeke *sioni mingi.

Ésaïe 66:3

Zo ayeke fâ bagara ti mu na *sandaga, me na mbage, lo yeke fâ zo; lo yeke fâ go ti taba, me na mbage, lo yeke mu mbo na sandaga; lo yeke mu sandaga ti farini, me na mbage, lo yeke mu mene ti nguru; lo yeke zö dukani na mbi, me na mbage, lo yeke voro ayanda. Azo so kue asoro lege ti ala wani, be ti ala anzere na afungo ye ti ala ni so.

Awayango-sandaga 11:7

– Nguru, ya ti sokoto ti lo akangbi use, me kobe so lo te kozoni awe, lo kiri lo yeke te ya ni pepe. Fade ala yeke baa lo tongana nyama so ayeke *sioni.

Matthieu 7:6

“Ye so a zia ni nde ndali ti Nzapa, ala bi ni na ambo pepe, ngbanga ti fade ambo ni ayeke kiri na tere ti ala ti te ala. Ala tuku alenge ti ala na anguru pepe, ngbanga ti fade anguru ni ayeke do ni na gere ti ala.”

Nzoni Tënë so Luc asu na mbeti 8:31

Asioni yingo ni avoro tere ti ala na Jésus titene lo mu yanga na ala pepe ti gue na ya ti *kota du so alinda mingi so.

Nzoni Tënë so Luc asu na mbeti 8:33

Tongaso asioni yingo ni asigigi na ya ti koli ni, ala li na ya ti anguru ni. Ala londo na loro na li ti hoto ni si ala tuku kue na ya ti ngu, ala kui.

Jean 19:11

Jésus akiri tënë na lo: “Mo yeke na ngangu na ndö ti mbi pepe, gi ngangu so Nzapa amu na mo. Ndani laa zo so azia mbi na maboko ti mo so, kungba ti siokpari ti lo ane ahon ti mo.”

1 Jean 4:4

Ti ala amolenge ti mbi, ala yeke azo ti Nzapa. Ala hon ndö ti awayanga-nzapa ti mvene so awe, ngbanga ti so Yingo so ayeke na ya ti ala ayeke ngangu ahon lo so ayeke na dunia so.

Aye so Nzapa afa 20:7

Tongana ngu saki oko ni ahunzi awe, fade a yeke zi Satan na ya ti kanga so lo yeke daa.