Nzoni Tënë so Luc asu na mbeti 8:25 - Mbeti ti Nzapa - Tënë so amu fini

²⁵ Na pekoni, lo tene na adisiple ti lo: “Mabe ti ala ayeke na ndo wa?” Mbeto agbu ala, li ti ala kue akpe si ala yeke tene na popo ti ala, atene: “Koli so ayeke zo wa si lo suku na pupu nga na ngu si ala kue ama yanga ti lo so?”

Nzoni Tënë so Luc asu na mbeti 8:25 ပူးပေါင်းရင်းမြစ်များ

Amato 30:4

Zo wa laa ague na yayu si lo londo kâ lo zu na sese, zo wa? Zo wa laa agbu pupu laoko na ya ti maboko ti lo, zo wa? Zo wa laa akanga ngu laoko na ya ti bongo ti lo, zo wa? Zo wa laa aleke nda ti sese kue, zo wa? Iri ti lo ayeke nyen? Iri ti molenge ti lo ayeke nyen? Mo hinga ni?

Amato 8:29

na ndembe so lo leke maka titene akota ngu-ingo aluti daa, lo mu yanga titene ngu ahon ni pepe. Mbi yeke ando daa na ndembe so lo leke gere ti sese.

Matthieu 14:31

Gi hio tongaso, Jésus ayoro maboko ti lo, agbu lo si atene na lo: “Mo, zo ti kete mabe, mo dekite ngbanga ti nyen?”

Matthieu 17:20

Jésus akiri tënë na ala: “Ngbanga ti so mabe ti ala ayeke kete. Biani, mbi tene na ala: tongana konongo ti mabe ti ala alingbi na konongo ti kete kete le ti keke ti mutarde, fade ala yeke tene na hoto so: ‘Londo na ndo so, mo gue kâ.’ Fade hoto ni ayeke hon; ye alingbi ti kara ala oko pepe. [

Matthieu 6:30

Apere so ayeke laso na ya ti ngonda si kekereke a yeke tuku ni na le ti wâ so, Nzapa aleke ni pendere. Ala azo ti kete mabe, Nzapa alingbi ti sara si ala wara bongo pepe?

Matthieu 8:10

So Jésus ama tënë so, lo gonda lo mingi si lo tene na azo so amu peko ti lo, lo tene: “Mbi tene na ala taa-tënë: mbi de ti baa mara ti mabe tongaso na kodro ti Israel pepe.

Matthieu 8:26

Jésus atene na ala: “Ala azo ti kete mabe, mbeto agbu ala ngbanga ti nyen?” Na pekoni, lo londo, lo suku na pupu nga na amapo ni si ndo ade ngii.

Marc 4:35

Na lakui ni, Jésus atene na adisiple ti lo: “E fâ ngu, e gue na mbage ti ngu ni.”

Nzoni Tënë so Luc asu na mbeti 12:28

Apere so ayeke na ngonda laso si kekereke azo ayeke tuku ni na le ti wâ, Nzapa ayeke leke ni pendere. Ala azo ti kete mabe, fade Nzapa ayeke sara na ala ahon ti so lo sara na apere so pepe?

Nzoni Tënë so Luc asu na mbeti 8:24

Ala ga azingo Jésus, atene: “Kota zo, kota zo, e yeke kui!” Lo zingo na lango, lo suku na pupu nga na *amapo ni si ala kai, ndo ade.

Nzoni Tënë so Luc asu na mbeti 8:26

Jésus na adisiple ti lo asi na mbage ti ngu ni na sese ti azo ti Zeraza, so ayeke baa le na Galile.

Jean 11:40

Jésus akiri tënë na lo, atene: “Mbi tene fade na mo, mbi tene: ‘Tongana mo ma na be, fade mo yeke baa gonda ti Nzapa!’ ”