Nzoni Tënë so Luc asu na mbeti 8:18 - Mbeti ti Nzapa - Tënë so amu fini

¹⁸ Ala sara hange na lege so ala yeke ma na tënë, ngbanga ti so zo so ayeke na ye, fade a kiri amu mbeni na ndö ni na lo; me zo so ayeke na ye pepe, ataa ye so lo baa lo tene, ni yeke na ni, fade a yeke zi na maboko ti lo.”

Nzoni Tënë so Luc asu na mbeti 8:18 ပူးပေါင်းရင်းမြစ်များ

Amato 14:12

Mbeni zo alingbi ti baa ti lo atene, lege ti sarango ye ti ni ayeke mbirimbiri, andaa ayeke lege so ague na kuâ.

Matthieu 13:12

Biani, zo so ayeke na ye, fade a kiri amu mbeni na ndö ni na lo si lo yeke na ye ahon ndoni; me zo so ayeke na ye pepe, ataa kete ye so lo yeke na ni, fade a yeke zi na maboko ti lo.

Matthieu 25:29

ngbanga ti so zo so kue ayeke na ye, fade a kiri amu mbeni na ndö ni na lo si lo yeke na ye ahon ndoni; me zo so ayeke na ye pepe, ataa kete ye so lo yeke na ni, fade a yeke zi na maboko ti lo.

Marc 13:14

“Fade ala yeke baa ye so iri ni ‘Sioni-kpale-ti-bubango-ndo-kue’ so ayeke duti na ndo so sioni kpale ni alingbi fade ti duti daa pepe. (Mo so mo yeke diko mbeti so, mo gi nda ti ye so nzoni!) Tongaso, azo so ayeke na sese ti Judée, alingbi ala kpe ague na li ti ahoto;

Nzoni Tënë so Luc asu na mbeti 19:26

Gbia ni akiri tënë, atene: ‘Mbi tene na ala: zo so kue ayeke na ye, fade a kiri amu mbeni na ndö ni na lo; me zo so ayeke na ye pepe, ataa kete ye so lo yeke na ni, fade a yeke zi na maboko ti lo.

Nzoni Tënë so Luc asu na mbeti 9:44

“Ala ma tënë so mbi yeke tene na ala so nzoni! Fade a yeke zia *Molenge ti Zo na maboko ti azo.”

Jean 15:2

Maboko ti keke so kue ayeke na ndö ti mbi si ale pepe, Babâ ayeke fâ ni azi; maboko ti keke so ale, lo yeke zi *aguruma ni titene akiri ale mingi.

Awatokua 10:33

Nilaa mbi tokua azo hio ti iri mo si mo sara nzoni be, mo ga so. Fadeso, e kue, e yeke ge na dawa ti Nzapa, e yeke ku ti ma tënë so Kota Gbia amu yanga na mo ti tene na e.”

Awatokua 17:11

Be ti azuife ni kâ ayeke nzoni ahon ti ala ti Tesalonike; ala yamba tënë ti Nzapa na nzara ni kue na be ti ala. Na ya ti lango oko oko, ala yeke gi ya ti Mbeti ti Nzapa ti baa wala atënë so kue Paul atene so ayeke na legeni.

Rome 12:3

Nzapa asara nzoni be na mbi. Ndani laa mbi tene na ala oko oko kue, mbi tene: ala baa tere ti ala wani tongana akota zo pepe; me ala baa tere ti ala tongana asenge zo, alingbi na mabe so Nzapa amu na zo oko oko.

1 Korente 14:37

Tongana mbeni zo abaa atene, ni yeke wayanga-Nzapa wala zo so Yingo ti Nzapa ayeke na ya ti lo, alingbi lo hinga lo tene, tënë so mbi yeke su na mbeti ti tokua na ala so, ayeke tënë ti yanga ti *Kota Gbia.

1 Korente 3:18

Ayeke nzoni mbeni zo ahanda tere ti lo wani pepe: tongana mbeni zo na popo ti ala abaa ti lo atene, ni yeke na ndara tongana ti azo ti dunia so, ayeke nzoni lo ga zo ti gbogbolinda, tongaso si lo ga taa zo ti ndara.

1 Korente 8:2

Tongana mbeni zo abaa atene ni hinga ye, andaa lo de ti hinga ye alingbi na taa hingango ye pepe.

Filipe 3:4

Mbi nga, mbi lingbi fade ti zia be ti mbi na ndö ti mbi wani. Tongana mbeni zo atene na be ti lo atene, ni lingbi ti zia be ti ni na ndö ti ni wani, mbi hon zo ni so mingi.

Ahebro 2:1

Ndani laa, tënë ti Nzapa so e ma, alingbi e gbu ni ngangu, tongaso si e girisa lege pepe.