Nzoni Tënë so Luc asu na mbeti 7:8 - Mbeti ti Nzapa - Tënë so amu fini

⁸ Mbi wani, mbi yeke na gbe ti ambeni makonzi so kamba ti ala ahon ti mbi; mbi yeke nga na aturugu na gbe ti mbi. Tongana mbi tene na mbeni oko, mbi tene: ‘Gue kâ!’, lo yeke gue. Tongana mbi tene na mbeni, mbi tene: ‘Ga na ndo so!’, lo yeke ga. Tongana mbi tene na zo ti kua ti mbi, mbi tene: ‘Sara ye so!’, lo yeke sara ni.”

Nzoni Tënë so Luc asu na mbeti 7:8 ပူးပေါင်းရင်းမြစ်များ

Nzoni Tënë so Luc asu na mbeti 7:7

Nilaa, mbi baa nga tere ti mbi, mbi tene, mbi lingbi ti si na tere ti mo pepe. Me mo tene tënë oko si kobela ti zo ti kua ti mbi akai!

Nzoni Tënë so Luc asu na mbeti 7:9

So Jésus ama tënë so, lo gonda lo mingi. Lo baa ndo na mbage ti gba ti azo so amu peko ti lo si lo tene na ala: “Mbi tene na ala: ataa na kodro ti Israel, mbi de ti baa mara ti mabe tongaso laoko pepe.”

Awatokua 23:17

Tongaso Paul airi mbeni kapita ti aturugu oko si lo tene na lo: “Gue na molenge-koli so na kota komanda ti aturugu, lo yeke na mbeni tënë ti tene na lo.”

Awatokua 23:23

Na pekoni, kota komanda ti aturugu ni airi akapita ti aturugu ti lo use si lo tene na ala: “Ala leke aturugu ngbangbo use ti gue na Sezare, ala na aturugu ti kpengo na mbarata balembarambara na aturugu ngbangbo use so ayeke tiri na likongo. Ala leke tere ti ala ti londo na ngbonga gumbaya ti bi so.

Awatokua 23:26

“Mbi Claude Lisias, mbi tokua mbeti so na govoronere Félix. Mbi bara mo, gbia.

Awatokua 23:31

Aturugu ni asara ye alingbi na yanga so a mu na ala: ala mu Paul na bi ague na lo ngbii asi na Antipatris.

Awatokua 24:23

Lo mu yanga na makonzi ti aturugu so ayeke bata Paul ti bata lo na da ti kanga, me ti zia na lo lege titene lo sara ambeni ye so be ti lo aye. Tongana amba ti lo aga ti mu maboko na lo, ayeke nzoni a kanga lege na ala pepe.

Awatokua 25:26

Me mbi hinga mbirimbiri tënë so mbi lingbi ti su na mbeti ti tokua na kota gbia na ndö ti lo pepe. Ndani laa, mbi ga na lo na gbe ti ala, mbirimbiri na gbe ti mo, gbia Agripa si na peko ti gingo nda ti tënë ti lo, mbi hinga tënë so mbi lingbi ti su na mbeti.

Kolose 3:22

Angbaa, ala ma yanga ti awa ti ala ti ndö ti sese so na ya ti aye kue. Ala sara kua gi ndali ti le ti awa ti ala pepe, mo baa mo tene, ala yeke gi ti ga nzoni na le ti azo; me ala sara kua ti ala na be ti ala oko ndali ti so, ala yeke kpe mbeto ti Kota Gbia.