Nzoni Tënë so Luc asu na mbeti 7:7 - Mbeti ti Nzapa - Tënë so amu fini

⁷ Nilaa, mbi baa nga tere ti mbi, mbi tene, mbi lingbi ti si na tere ti mo pepe. Me mo tene tënë oko si kobela ti zo ti kua ti mbi akai!

Nzoni Tënë so Luc asu na mbeti 7:7 ပူးပေါင်းရင်းမြစ်များ

Abia (Psaumes) 107:20

Lo tokua tënë ti lo ti kai kobela ti ala, lo zi ala na ya ti kuâ so ala yeke daa.

Abia (Psaumes) 33:9

Lo laa lo tene tënë si ye ni asi; lo laa lo mu yanga si ye ni abaa gigi.

Sigingo 15:26

Lo tene na ala, lo tene: “Tongana ala ma tënë ti mbi KOTA GBIA, Nzapa ti ala nzoni, tongana ala sara ye so ayeke mbirimbiri na le ti mbi, tongana ala dingi mê ti ala ti ma atënë ti yanga ti mbi, tongana ala sara ye alingbi na ambela ti mbi kue, fade mbi yeke zia mbeni kobela oko na tere ti ala pepe; kobela so lani mbi zia na tere ti azo ti Ezipte so. Biani, mbi KOTA GBIA laa mbi yeke kai kobela ti ala.”

Marc 1:27

Li ti azo ni kue akpe si ala hunda tere ti ala, atene: “So nyen! Mbeni fini fango ye ni laa tongana ti zo ti komandema so? Ataa asioni yingo, lo mu yanga na ala si ala yeke ma gi yanga ti lo!”

Nzoni Tënë so Luc asu na mbeti 4:36

Li ti azo ni kue akpe si ala tene na popo ti ala, atene: “So mara ti tënë ti nyen laa? Lo yeke mu yanga na ngangu tongana gbia na asioni yingo si ala yeke sigigi!”

Nzoni Tënë so Luc asu na mbeti 5:13

Jésus ayoro maboko ti lo, lo ndu koli ni si lo tene: “Mbi yeda! Ayeke nzoni tere ti mo aga *nzoni.” Gi na pekoni, buruma ni alondo na tere ti lo.

Nzoni Tënë so Luc asu na mbeti 7:6

Tongaso Jésus amu lege si lo na ala ague. So lo si nduru na da ni, kapita ti aturugu ni atokua ambeni mba ti lo ti tene na lo: “*Kota Gbia, mo baa pasi senge senge pepe, ngbanga ti so mbi kpa zo so mo lingbi ti li na ya ti da ti lo pepe.

Nzoni Tënë so Luc asu na mbeti 7:8

Mbi wani, mbi yeke na gbe ti ambeni makonzi so kamba ti ala ahon ti mbi; mbi yeke nga na aturugu na gbe ti mbi. Tongana mbi tene na mbeni oko, mbi tene: ‘Gue kâ!’, lo yeke gue. Tongana mbi tene na mbeni, mbi tene: ‘Ga na ndo so!’, lo yeke ga. Tongana mbi tene na zo ti kua ti mbi, mbi tene: ‘Sara ye so!’, lo yeke sara ni.”

Ndia ti fani use ni 32:39

Fadeso, ayeke nzoni ala hinga ye so: mbi, mbi yeke gi mbi oko, na tere ti mbi, mbeni nzapa nde ayeke daa pepe. Mbi laa mbi yeke sara si zo akui, mbi laa mbi yeke sara si zo aduti na fini; mbi laa mbi yeke zia ka na tere ti zo, mbi laa mbi yeke sara si ka ni amu. Zo wa laa alingbi ti gboto zo na maboko ti mbi, zo wa?

1 Samuel 2:6

KOTA GBIA laa ayeke sara si zo akui, lo laa lo yeke sara si zo akiri na fini. KOTA GBIA laa ayeke sara si zo azu na ndo ti akuâ, lo laa lo yeke sara si zo asigigi na ndo ti akuâ.