Nzoni Tënë so Luc asu na mbeti 7:47 - Mbeti ti Nzapa - Tënë so amu fini

⁴⁷ Ndani laa mbi tene na mo: kota ndoye so lo yeke na ni afa atene, gba ti asiokpari so lo sara, Nzapa azi ni na li ti lo awe. Me zo so a zi tënë na li ti lo gi kete, lo yeke na ndoye gi kete.”

Nzoni Tënë so Luc asu na mbeti 7:47 ပူးပေါင်းရင်းမြစ်များ

Ésaïe 1:18

*KOTA GBIA atene: “Ala ga, e leke tënë. Tongana siokpari ti ala abe tongana mene, fade ayeke kiri ti vuru tongana tukia. Tongana siokpari ti ala abe tongana ngu ti karakanzi, fade ayeke kiri ti vuru tarara.

Ésaïe 55:7

Alingbi zo ti sioni azia lege ti sioni ti lo; zo ti sarango sioni azia asioni tënë ti be ti lo. Ayeke nzoni ala kiri na KOTA GBIA si fade lo baa mawa ti ala. Ayeke nzoni lo kiri na Nzapa ti e si lo zi tënë na li ti ala biani biani.

Ezekiel 16:63

Tongaso, fade mo yeke dabe ti mo na ngoi so ahon; kamene ayeke sara mo si mo yeke kiri ti zi yanga pepe ndali ti gba ti kamene so agbu le ti mo na ndembe so mbi yeke zi na li ti mo sioni so kue mo sara. So tënë ti yanga ti Kota Gbia NZAPA laa.”

Mishe 7:19

Fade mo yeke kiri ti baa mawa ti e, mo yeke do asiokpari ti e na gbe ti gere ti mo, mo yeke tuku asioni ti e kue na gbe ti kota ngu-ingo.

Matthieu 10:37

Zo so aye babâ wala mama ti lo ahon mbi, lo lingbi ti duti disiple ti mbi pepe; zo so aye molenge ti lo ti koli wala ti wali ahon mbi, lo lingbi ti duti disiple ti mbi pepe.

Nzoni Tënë so Luc asu na mbeti 7:39

Farizien so airi Jésus ti te kobe so abaa ye ni si lo tene na be ti lo: “Tongana koli so ayeke fade wayanga-Nzapa biani, ka lo hinga lo tene, wali so ayeke ndu lo so ayeke mbeni wali-ndumba.”

Nzoni Tënë so Luc asu na mbeti 7:46

Mo sara mafuta na li ti mbi pepe; me lo, lo tuku yombo na gere ti mbi.

Nzoni Tënë so Luc asu na mbeti 7:48

Na pekoni, lo tene na wali ni, lo tene: “A zi asiokpari ti mo awe.”

Awatokua 5:31

Nzapa aya lo na nduzu na lege ti ngangu ti lo, lo zia lo Makonzi na Wasongo-zo, ti mu lege na azo ti Israel ti zia ngbene lege ti sarango ye ti ala si Nzapa azi siokpari na li ti ala.

Rome 5:20

Ndia aga ti sara si sioni awu mingi; me ndo so siokpari awu daa mingi, nzoni be ti Nzapa awu ahon ndoni.

2 Korente 5:14

Biani, ndoye ti Christ ahon ndö ti e awe, tongana e dabe ti e na tënë so: zo oko akui ndali ti azo kue, zo ni ayeke Christ, tongaso azo kue laa akui legeoko na lo.

Galasii 5:6

Biani, tongana zo aga oko na Jésus Christ, ataa zo ni afâ ganza wala lo fâ ganza pepe, so kota ye ni laa pepe! Kota ye ni ayeke titene zo aduti na mabe so ayeke sara titene lo ye amba ti lo.

Efeze 6:24

Ayeke nzoni Nzapa asara nzoni be na azo so kue aye Kota Gbia ti e Jésus Christ si ala ngba lakue ti ye lo!

Filipe 1:9

Mbi yeke sambela titene ndoye so ala yeke na ni akiri ague gi na nduzu na nduzu, tongaso si le ti ala azi si ala hinga nga ye mbirimbiri;

1 Timothée 1:14

Kota Gbia ti e Christ Jésus asara nzoni be na mbi ahon ndoni: lo mu na mbi mabe na ndoye so aga na lege so mbi ga oko na Jésus Christ.

1 Jean 1:7

Me tongana e yeke tambula na ya ti lumiere tongana ti so Nzapa wani ayeke na ya ti lumiere, andaa e yeke na beoko na amba ti e si mene ti Jésus, Molenge ti lo, ayeke *sukula asiokpari ti e kue.

1 Jean 3:18

Amolenge ti mbi, e ye tere gi na lege ti tënë ti yanga pepe; me e ye tere na lege ti aye so e yeke sara nga na lege ti taa-tënë.

1 Jean 4:19

Ti e, e yeke na ndoye, ngbanga ti so Nzapa aye e kozoni.

1 Jean 5:3

Lege ti yengo Nzapa ayeke titene e sara ye alingbi na andia ti lo. Andia ti lo ayeke ngangu pepe.