Nzoni Tënë so Luc asu na mbeti 7:46 - Mbeti ti Nzapa - Tënë so amu fini

⁴⁶ Mo sara mafuta na li ti mbi pepe; me lo, lo tuku yombo na gere ti mbi.

Nzoni Tënë so Luc asu na mbeti 7:46 ပူးပေါင်းရင်းမြစ်များ

2 Samuel 12:20

Tongaso, David alondo na sese, lo sukula ngu, lo sara yombo na tere ti lo, lo sanze abongo ti lo. Na pekoni, lo gue na ya ti da ti KOTA GBIA ti voro lo. So lo kiri na da ti lo awe, lo hunda titene a ga na lo kobe lo te.

2 Samuel 14:2

Nilaa lo tokua azo na gbata ti Tekoa ti iri mbeni wali ti ndara. Lo tene na wali ni, lo tene: “Fade mo sara ye tongana zo so ayeke na mua; yu abongo ti mua, zia yombo na tere ti mo pepe. Mo sara ye tongana mbeni wali so ayeke na mua aninga awe.

Abia (Psaumes) 104:15

vin asara si tere ti zo anzere, asara si le ti zo aza ahon mafuta so zo asara na le ti lo; kobe akiri amu ngangu na zo.

Abia (Psaumes) 23:5

Mo leke kobe ti matanga ndali ti mbi si mbi duti ti te ni na le ti awato ti mbi. Mo tuku yombo na li ti mbi ti yamba na mbi, kopo ti mbi asi ahon ndoni.

Zo ti bongbingo azo 9:8

Ayeke nzoni mo yu apendere bongo lakue, mo girisa ti sara yombo na li ti mo pepe.

Daniel 10:3

Mbi ke ti te apendere kobe; ataa nyama wala vin ali yanga ti mbi pepe. Mbi sara mafuta na tere ti mbi pepe ngbii yenga ota so ahunzi.

Amos 6:6

Ala yeke nyon vin na ya ti akota kopo, ala yeke sara mafuta so afun nzoni na tere ti ala, me be ti ala ayeke so oko pepe ndali ti ye ti ngangu so ayeke si na azo ti mara ti Joseph.

Mishe 6:15

Ala yeke lu ale ti kobe, me ala yeke ko ale ti kobe ni pepe. Ala yeke pete ale ti olive, me ala yeke sara kua na mafuta ni pepe. Ala yeke pete ale ti *vinye, me ala yeke nyon vin ni pepe.

Matthieu 6:17

Ti mo, tongana mo ye ti ke kobe ti sambela, sukula le ti mo, sua ya ti li ti mo

Nzoni Tënë so Luc asu na mbeti 7:47

Ndani laa mbi tene na mo: kota ndoye so lo yeke na ni afa atene, gba ti asiokpari so lo sara, Nzapa azi ni na li ti lo awe. Me zo so a zi tënë na li ti lo gi kete, lo yeke na ndoye gi kete.”

Ruth 3:3

Mo sukula ngu, mo zia yombo na tere ti mo, mo yu pendere bongo ti mo. Mo gue na le ti lakere ni; me mo fa tere ti mo na lo hio pepe, mo ku lo te, lo nyon si.