Nzoni Tënë so Luc asu na mbeti 7:39 - Mbeti ti Nzapa - Tënë so amu fini

³⁹ Farizien so airi Jésus ti te kobe so abaa ye ni si lo tene na be ti lo: “Tongana koli so ayeke fade wayanga-Nzapa biani, ka lo hinga lo tene, wali so ayeke ndu lo so ayeke mbeni wali-ndumba.”

Nzoni Tënë so Luc asu na mbeti 7:39 ပူးပေါင်းရင်းမြစ်များ

2 Agbia 5:20

Gehazi, zo ti kua ti Élisée, zo ti Nzapa atene na be ti lo: “Wa ti mbi ake ti mu akadoo so Naaman, zo ti Sirii aga na ni na lo. KOTA GBIA ayeke na fini! Mbi yeke mu loro na peko ti lo titene mbi wara mbeni ye na maboko ti lo!”

Amato 23:7

Biani, be ti lo ayeke nde na tënë so lo yeke tene. Lo lingbi ti tene na mo: “Mo te, mo nyon”, me na be ti lo kâ, ye ni ayeke nde.

Ésaïe 65:5

Ala yeke tene na azo, atene: ‘Ngba yongoro, ga nduru na mbi pepe! Fade ye ti ngangu ayeke wara mo, ngbanga ti so a zia mbi nde awe.’ Tongana mbi baa aye so kue ala yeke sara, wâ ti ngonzo ti mbi ayeke londo si ayeke gbi ndo lakue.

Matthieu 20:16

Ti hunzi na ni, Jésus atene: ‘Fade azo ti ndani ayeke ga azo ti li ni si azo ti li ni ayeke ga azo ti ndani.’ ”

Matthieu 21:11

Gba ti azo ni akiri tënë, atene: “So Jésus laa, wayanga-Nzapa so alondo na Nazaret, na sese ti Galile.”

Marc 7:21

Biani, asioni tënë ti be alondo na ya ti zo, na be ti lo si afa na lo lege ti sarango asioni ye: sarango ye ti ndumba, nzi, fango zo,

Nzoni Tënë so Luc asu na mbeti 12:17

Lo gbu li ti lo si lo tene na be ti lo, lo tene: ‘Fade mbi yeke sara tongana nyen? Ndo ti batango akobe ti yaka ti mbi ayeke daa pepe.’

Nzoni Tënë so Luc asu na mbeti 15:2

*Afarizien na awafango-ndia ayeke kasa lo, atene: “Koli so ayeke yamba azo ti siokpari si lo na ala ayeke te kobe!”

Nzoni Tënë so Luc asu na mbeti 16:3

Ndombe ni atene na be ti lo: ‘So kota zo ti mbi aye ti zi mbi na kua so, fade mbi yeke sara tongana nyen? Mbi yeke na ngangu ti fango yaka pepe; kamene ti sarango gobo agbu mbi mingi.

Nzoni Tënë so Luc asu na mbeti 18:4

Wafango-ngbanga ni ake lege mingi. Na pekoni, lo tene na be ti lo, lo tene: ‘Ataa so mbi yeke kpe mbeto ti Nzapa pepe si mbi yeke kpe nga mbeto ti azo pepe,

Nzoni Tënë so Luc asu na mbeti 3:8

Ala sara ye so afa atene, ala zia ngbene lege ti sarango ye ti ala awe! Ala tene na be ti ala pepe, atene: ‘Abraham ayeke kotara ti e!’ Biani, mbi tene na ala: Nzapa alingbi ti mu atêne so ti sara si aga amolenge ti Abraham!

Nzoni Tënë so Luc asu na mbeti 7:16

Mbeto agbu azo ni kue si ala yeke gonda Nzapa, atene: “Mbeni kota wayanga-Nzapa aga na popo ti e awe! Nzapa aga ti baa azo ti lo!”

Nzoni Tënë so Luc asu na mbeti 7:37

Mbeni wali ti gbata ni asi, lo yeke mbeni wali-ndumba. So lo ma a tene, Jésus ayeke te kobe na da ti farizien ni, lo ga na mbeni ngbenda ti yombo; a sara ngbenda ni na mbeni têne so iri ni albatre.

Nzoni Tënë so Luc asu na mbeti 7:38

Lo luti na peko ti Jésus, nduru na tere ti lo. Lo yeke toto, ngu ti le ti lo ayeke yuru na ndö ti gere ti Jésus si lo yeke mbo ni na kua ti li ti lo; lo gbu gere ti Jésus si lo yeke tuku yombo ni na ndö ni.

Nzoni Tënë so Luc asu na mbeti 7:40

Jésus amu tënë si lo tene na farizien ni: “Simon, mbi yeke na mbeni tënë ti tene na mo.” Simon atene: “Wafango-ye, tene tënë ni!”

Jean 4:19

Tongaso, wali ni atene na lo: “Kota zo, mbi baa so mo yeke mbeni wayanga-Nzapa!

Jean 7:12

Gba ti azo so abongbi kâ ayeke tene tënë ti lo mingi. Ambeni zo ni atene: “Lo yeke nzoni zo”, ambeni atene ti ala: “Mvene, lo yeke handa gba ti azo gi senge senge.”

Jean 9:24

Afarizien akiri airi waziba ni si ala tene na lo: “Mo gonda gi Nzapa! E hinga so koli so azi le ti mo ayeke zo ti siokpari.”