Nzoni Tënë so Luc asu na mbeti 7:38 - Mbeti ti Nzapa - Tënë so amu fini

³⁸ Lo luti na peko ti Jésus, nduru na tere ti lo. Lo yeke toto, ngu ti le ti lo ayeke yuru na ndö ti gere ti Jésus si lo yeke mbo ni na kua ti li ti lo; lo gbu gere ti Jésus si lo yeke tuku yombo ni na ndö ni.

Nzoni Tënë so Luc asu na mbeti 7:38 ပူးပေါင်းရင်းမြစ်များ

Tongo nda ti aye 18:4

Fade a ga na kete ngu titene ala sukula na gere ti ala; ala wu tere ti ala na gbe ti keke so.

Esdras 10:1

So Esdras angba ti kuku na dawa ti kota da ti Nzapa, lo yeke toto si lo yeke sambela ti hunda titene Nzapa azi siokpari na li ti ala, gba ti azo ti Israel, akoli, awali na amolenge, abongbi na tere ti lo. Azo ni kue ayeke toto mingi.

Abia (Psaumes) 38:18

Baa, mbi ga nduru ti ti awe, pasi ti mbi ayeke hunzi laoko pepe.

Abia (Psaumes) 51:17

Kota Gbia, zi yanga ti mbi si fade mbi he bia ti gonda mo.

Zo ti bongbingo azo 9:8

Ayeke nzoni mo yu apendere bongo lakue, mo girisa ti sara yombo na li ti mo pepe.

B. ti abia 1:3

afun pendere ahon ayombo ti mo. Iri ti mo ayeke yombo so afun amu ndo kue, ndani laa amaseka-wali aye mo mingi so.

Ésaïe 57:9

Mo mu mafuta, mo gue na ni na kota gbia, mo gue na mara ti ayombo nde nde. Mo tokua azo ti mo yongoro kâ, ala zu ngbii, ala si na ndo ti akuâ.

Ésaïe 61:3

Ala yeke na mua ndali ti *Sion, me Nzapa atokua mbi ti zia na li ti ala ye ti pendere na plase ti mburu ti wâ; ti kpaka na tere ti ala mafuta so afa ngia ti ala, me afa mua pepe; ti yu na ala bongo ti matanga na plase ti be so awoko. Tongaso, a yeke haka ala na akeke so afa mbirimbiri ti Nzapa, a yeke haka ala na yaka so afa gonda ti KOTA GBIA.

Jérémie 31:9

Azo ni ayeke kiri na toto na yanga ti ala. So mbi yeke ga na ala, ala yeke dema tere ti ala; mbi yeke gue na ala na ndo so gba ti ngu ayeke sua daa, mbi yeke sara titene ala hon na lege so ayeke mbirimbiri, ndo so ala lingbi pepe ti pika gere ti ala ti ti. Biani, mbi yeke tongana babâ ti Israel, Efraim ayeke kozo molenge ti mbi.”

Joël 2:12

So tënë ti yanga ti *KOTA GBIA laa: “Fadeso, ngoi titene ala kiri na mbage ti mbi na be ti ala kue laa; ala ke kobe ti sambela, ala toto, ala dema tere ti ala na mbi!

Zakarii 12:10

Mbi yeke sara titene yingo ti sarango ye ti nzoni na yingo ti sambelango mbi aga na ndö ti *ahale ti David nga na ndö ti azo ti gbata ti Jérusalem. Fade ala yeke baa ndo na mbage ti mbi, lo so ala kpo lo so. Ala yeke toto kuâ ti lo tongana ti so a yeke toto kuâ ti oko molenge-koli. Ala yeke toto lo ngangu mingi tongana ti so a yeke toto kuâ ti kozo molenge.

Matthieu 5:4

Ti ala nzoni, ala so ayeke na vundu, ngbanga ti so Nzapa ayeke zi ande vundu ti ala!

Nzoni Tënë so Luc asu na mbeti 22:62

Pierre asigigi si lo toto ngangu mingi.

Nzoni Tënë so Luc asu na mbeti 6:21

Ti ala nzoni, ala so nzara ayeke sara ala fadeso, ngbanga ti so fade ya ti ala ayeke si! Ti ala nzoni, ala so ayeke toto fadeso, ngbanga ti so fade ala yeke he ngia!

Nzoni Tënë so Luc asu na mbeti 7:37

Mbeni wali ti gbata ni asi, lo yeke mbeni wali-ndumba. So lo ma a tene, Jésus ayeke te kobe na da ti farizien ni, lo ga na mbeni ngbenda ti yombo; a sara ngbenda ni na mbeni têne so iri ni albatre.

Nzoni Tënë so Luc asu na mbeti 7:39

Farizien so airi Jésus ti te kobe so abaa ye ni si lo tene na be ti lo: “Tongana koli so ayeke fade wayanga-Nzapa biani, ka lo hinga lo tene, wali so ayeke ndu lo so ayeke mbeni wali-ndumba.”

Jean 11:2

– Marie ayeke wali so atuku lani yombo na ndö ti gere ti *Kota Gbia Jésus si lo mbo ni na kua ti li ti lo. Ita ti lo Lazare laa ayeke na kobela so. –

Jacques 4:9

Ala duti na vundu, ala dema tere ti ala, ala toto maa! Ala zia ti he ngia si ala toto, ala zia lege ti ngia si ala duti na vundu!