Nzoni Tënë so Luc asu na mbeti 7:25 - Mbeti ti Nzapa - Tënë so amu fini

²⁵ Nyen laa ala gue ti baa ni kâ? Ala gue ti baa mbeni zo so ayu pendere bongo? Azo so ayu apendere bongo si ala yeke te ti ala nzoni so, ala yeke duti ti ala na ya ti ada ti agbia!

Nzoni Tënë so Luc asu na mbeti 7:25 ပူးပေါင်းရင်းမြစ်များ

2 Samuel 19:35

Barzilai akiri tënë na gbia, atene: “Gbia, mbi yeke kiri ti ngba na fini ngu oke titene mbi na mo, e gue na Jérusalem?

1 Agbia 10:5

kobe so ayeke na ndö ti meza ti lo, da ti lango ti azo ti yangbo ti lo, lege so azo ti gbe ti lo ayeke sara kua ti ala, amakonzi ti mungo samba na lo; lo baa nga *asandaga so a yeke gbi kue na wâ so Salomon ayeke mu ni na ya ti kota da ti KOTA GBIA. Na bango aye so kue, li ti gbia-wali ni kue akpe.

2 Agbia 1:8

Ala kiri tënë na lo: “Koli ni ayu mbeni bongo so a sara na kua ti tere ti nyama, lo kanga kamba ti poro ti nyama na ngbonda ti lo.” Tongaso Ahazia atene: “Élie, zo ti gbata ti Tishebe laa!”

Esther 1:11

titene ala gue, aga na lo wali ti lo Vasti. Na gango ti lo, ayeke nzoni lo kanga na li ti lo ye ti pendere ti lôro ti gbia-wali. Biani, Vasti ayeke pendere wali mingi. Nilaa gbia aye ti fa pendere ti lo ni na le ti akota zo ti kua ti lo nga na le ti azo so kue aga na matanga ni.

Esther 1:3

lo leke mbeni kota matanga ti tengo kobe ndali ti akota zo ti kua ti lo kue na akota zo ti akua nde nde. Lo leke nga ni ndali ti akota zo so ayeke na li ti aturugu ti Perse na ti Medii, nga ndali ti azo so azo ane ala mingi na akota zo ti kua ti kodro ni kue.

Esther 4:2

Lo si na yanga ti yangbo ti gbia, me lo lingbi ti li pepe, ngbanga ti so zo so ayu bongo ti mua alingbi ti li kâ pepe.

Esther 5:1

Na peko ti lango ota so Esther ake kobe, lo yu bongo ti lo ti gbia-wali si lo gue, lo luti na ya ti gbagba ti yangbo ti gbia ni; lo luti na ndo so ayeke baa ndo na ndo so gbia ayeke duti ka daa. Andaa gbia ni ayeke na ya ti yangbo ni, lo duti na ndö ti mbata ti lo so ayeke baa ndo na yanga ti yangbo ni.

Esther 8:15

Mardochée asigigi na yangbo ti gbia; lo yu bongo ti gbia so nzoroko ni akpa ngu ti karakanzi si mbeni avuru vurungo. Lo yu nga mbeni kota bongo so abe bengo si lo zia na li ti lo kpoto ti gbia so a sara na lôro. Be ti azo ti gbata ti Suze kue asi na kota ngia si ala yeke dekongo na ngia.

Ésaïe 59:17

Lo kanga mbirimbiri na tere ti lo tongana kazaka ti wen, lo mu songo zo na kuâ tongana kpoto ti wen, lo mu kiringo na peko ti sioni na zo tongana bongo so lo yu, lo mu ngangu ti lo ti tiringo na bira tongana kota bongo ti de.

Matthieu 11:8

Nyen laa ala gue ti bango ni kâ? Mbeni zo so ayu pendere bongo? Azo so ayu apendere bongo ayeke duti na ya ti ada ti agbia!

Matthieu 3:4

Jean ayu bongo so a sara ni na kua ti tere ti *zambala, lo kanga kamba ti poro ti nyama na ya ti lo, kobe ti lo ti tengo ni ayeke angadi na mafuta ti awotoro ti ngonda.

Matthieu 6:29

Me mbi tene na ala: ataa Salomon so ayeke ando na amosoro mingi, pendere ti abongo so lo yu alingbi na pendere ti akongo ni oko pepe.

Nzoni Tënë so Luc asu na mbeti 16:19

“Ando, mbeni zo ti mosoro ayeke daa so lo yeke yu gi apendere bongo ti nginza. Lo yeke duti nzoni si lakue na da ti lo, gi matanga na matanga.

Nzoni Tënë so Luc asu na mbeti 7:24

So azo so Jean atokua ala so amu lege akiri awe, Jésus ato nda ti tene tënë ti Jean na gba ti azo so aga so, atene: “Nyen laa ala gue ti baa ni kâ na ya ti benyama so? Ala gue ti baa mbeni sosongo so pupu ayeke yingi ni?

Nzoni Tënë so Luc asu na mbeti 7:26

Nyen laa ala gue ti baa ni kâ? Ala gue ti baa mbeni wayanga-Nzapa? Mbi tene na ala taa-tënë: zo so ala gue ti baa lo so ayeke kota ahon wayanga-Nzapa.