Nzoni Tënë so Luc asu na mbeti 7:22 - Mbeti ti Nzapa - Tënë so amu fini

²² Na pekoni, lo tene na azo so Jean atokua ala so, lo tene: “Ala gue, atene na Jean tënë ti aye so ala baa na aye so ala ma: awaziba akiri abaa ndo, azo so gere ti ala abuba akiri atambula, tere ti azo ti buruma aga *nzoni, azo so mê ti ala akanga akiri ama ndo, azo azingo na kuâ, a fa Nzoni Tënë na azo ti mawa.

Nzoni Tënë so Luc asu na mbeti 7:22 ပူးပေါင်းရင်းမြစ်များ

Mbeti ti Job 29:15

Mbi yeke le ndali ti waziba, gere ndali ti zo ti bubango gere.

Abia (Psaumes) 146:8

KOTA GBIA ayeke zi le ti azo so le ti ala akanga. Azo so ati na sese, KOTA GBIA ayeke mu ala na nduzu; KOTA GBIA aye azo ti mbirimbiri.

Ésaïe 42:16

Mbi yeke sara si awaziba atambula na ndö ti lege so ala hinga pepe; mbi yeke sara si ala hon na ndö ti alege so ala hinga pepe. Na dawa ti ala, mbi yeke sara si vukongo ndo aga lumiere, lege so aba bango aluti mbirimbiri. Apialo so, fade mbi yeke sara ni, mbi yeke zia ni oko pepe.

Ésaïe 43:8

Azo so le ti ala ayeke daa, me ala yeke baa ndo pepe so, azo so mê ti ala ayeke daa, me ala ma ndo pepe so, ala sigigi na ala.

Jérémie 31:8

Mbi yeke mu ala na kodro ti mbage ti Banga ti kiri na ala; mbi yeke sara titene ala londo na nda ti sese kue ti bongbi na ndo oko. Na popo ti ala, awaziba ayeke daa, azo ti bubango gere, awali so ayeke na ngo na ala so ya ti ala ayeke so ti du. Gba ti azo laa ayeke kiri na ndo so.

Sofonii 3:12

Fade mbi yeke zia asenge zo na azo ti mawa angba na popo ti ala. Ala yeke kpe na mbi *KOTA GBIA titene mbi bata ala.

Matthieu 11:5

awaziba akiri abaa ndo, azo so gere ti ala abuba akiri atambula nzoni, tere ti azo ti buruma aga nzoni, azo so mê ti ala akanga akiri ama ndo, azo azingo na kuâ, a fa Nzoni Tënë na azo ti mawa.

Matthieu 21:14

Awaziba na azo so gere ti ala abuba aga nduru na Jésus na ya ti kota da ti Nzapa ni si lo kai kobela ti ala.

Nzoni Tënë so Luc asu na mbeti 4:18

“Yingo ti *Kota Gbia ayeke na ndö ti mbi, ngbanga ti so lo tuku mafuta na li ti mbi si lo tokua mbi ti fa Nzoni Tënë na azo ti mawa. Lo tokua mbi ti tene na azo ti kanga so a zi ala awe, ti tene na awaziba so le ti ala ayeke zi, ti zi azo na ya ti pasi ti ala,

Nzoni Tënë so Luc asu na mbeti 7:21

Na ndembe ni so, Jésus akai kobela na tere ti azo mingi, lo sara si azo so mbage ti tere ti ala abuba, aga nzoni, lo tumba asioni yingo na ya ti azo, lo sara si awaziba abaa ndo.

Nzoni Tënë so Luc asu na mbeti 7:23

Ti lo nzoni, lo so lo ma na be na mbi awe si lo kiri lo zia lege ni pepe!”

Jean 1:46

Natanael ahunda lo, atene: “Mbeni ye ti nzoni alingbi ti londo na Nazaret ti ga?” Philippe atene na lo: “Ga mo baa.”

Awatokua 26:18

Mbi tokua mo ti zi le ti ala, ti mu ala na ya ti vukongo ndo ti sigigi na ala na ya ti lumiere; mo yeke zi ala na gbe ti ngangu ti Satan ti gue na ala na Nzapa. Tongana ala ma na be na mbi, fade a yeke zi siokpari na li ti ala si ala yeke wara ndo na popo ti azo ti Nzapa.’ ”

Awatokua 8:7

Biani, asioni yingo asigigi na ya ti azo mingi na dekongo na yanga ti ala. Azo mingi so mbeni mbage ti tere ti ala abuba na ala so gere ti ala abuba, tere ti ala aga nzoni.

Jacques 2:5

A-ita ti mbi so mbi ye ala mingi, ala ma mbi si: Nzapa asoro azo so azo ti dunia so abaa ala tongana awayere titene ala ga azo ti mosoro na lege ti mabe si *Kodro-gbia so Nzapa amu zendo ni aga ti ala. Biani, lo mu zendo ni na azo so aye lo!