Nzoni Tënë so Luc asu na mbeti 7:14 - Mbeti ti Nzapa - Tënë so amu fini

¹⁴ Jésus ague nduru si lo ndu kelekpa ti kuâ ni; azo ti yongo kuâ ni aluti. Jésus atene: “Maseka-koli, mbi tene na mo, zingo!”

Nzoni Tënë so Luc asu na mbeti 7:14 ပူးပေါင်းရင်းမြစ်များ

1 Agbia 17:21

Élie alango na ndö ti molenge ni fani ota; lo sambela KOTA GBIA, lo tene: “KOTA GBIA, Nzapa ti mbi, mbi voro mo, sara si yingo ti molenge so akiri daa!”

1 Agbia 17:22

KOTA GBIA ama sambela ti Élie. Yingo ti molenge ni akiri daa si lo yeke na fini.

Mbeti ti Job 14:12

me zo so akui, lo yeke kiri ti londo pepe; na ngoi so yayu angba, lo yeke zingo pepe.

Mbeti ti Job 14:14

Me zo so akui awe, lo yeke kiri ti duti na fini? Tongana ye ni ayeke fade tongaso, ka na ya ti ngoi so kue mbi baa pasi, mbi ku ngbii mbeni zo aga amu plase ti mbi si.

Abia (Psaumes) 33:9

Lo laa lo tene tënë si ye ni asi; lo laa lo mu yanga si ye ni abaa gigi.

Ésaïe 26:19

Azo ti mbi, azo ti ala so akui so, ala yeke kiri ti duti na fini, ala yeke zingo na kuâ. Ala azo so alango na ya ti fuku ti sese, ala zingo, ala dekongo na ngia! Biani, *KOTA GBIA ayeke tokua na ala ngu ti pere so ayeke mu lumiere, ndali ti ngu ti pere ni, sese ayeke sara si akuâ akiri ti duti na fini.

Marc 5:41

Lo gbu maboko ti molenge ni si lo tene na lo: “Talita kum!” Nda ni atene: “Molenge-wali, mbi tene na mo, mo londo!”

Nzoni Tënë so Luc asu na mbeti 7:13

So *Kota Gbia abaa wali-mua ni, mawa ti lo agbu lo si lo tene na lo: “Mo toto pepe!”

Nzoni Tënë so Luc asu na mbeti 7:15

Tongaso kuâ ni alondo aduti si lo to nda ti tene tënë. Jésus akiri na lo na mama ti lo.

Nzoni Tënë so Luc asu na mbeti 7:17

Tënë ti ye so Jésus asara so amu yanga ti azo ti Judée na azo so ayeke na akodro ti tere ni kue.

Jean 11:25

Jésus atene na lo: “Mbi yeke zingongo ti akuâ, mbi yeke fini. Zo so ama na be na mbi, ataa lo kui, fade lo yeke duti na fini.

Jean 5:21

Tongana ti so Babâ ayeke zingo akuâ si lo yeke mu na ala fini, Molenge nga ayeke mu fini na zo so be ti lo aye.

Jean 5:25

Biani, mbi tene na ala taa-tënë: mbeni ngbonga ayeke ga si ngbonga ni alingbi awe so akuâ ayeke ma go ti Molenge ti Nzapa si ala so ama go ni ayeke kiri ti duti na fini.

Rome 4:17

Biani, Mbeti ti Nzapa atene: “Mbi sara si mo ga kotara ti gba ti amara.” Na le ti Nzapa, lo yeke taa kotara ti e ndali ti mabe ti lo. Nzapa so ayeke mu fini na akuâ, na lege ti tënë ti yanga ti lo, ye so ayeke daa pepe, lo sara si ye ni abaa gigi.

Efeze 5:12

Biani, kamene ayeke gbu zo ti tene tënë ti aye so azo ni ayeke sara na hondengo ni so.